Adafitswai

◼ Wolo ni akɛbaaha yɛ March: Mɛni Biblia lɛ Tsɔɔ Diɛŋtsɛ? Nyɛbɔa mɔdɛŋ jogbaŋŋ koni nyɛje Biblia mli nikasemɔi ashishi. April kɛ May: Buu-Mɔɔ kɛ Awake! woji tɛtrɛbii lɛ. Abaabɔ mɔdɛŋ waa ni ayasara mɛi ni yɔɔ wiemɔ lɛ he miishɛɛ ni ba Kaimɔ lɛ kɛ maŋshiɛmɔ krɛdɛɛ lɛ shishi shi amɛjeee mɛi ni kɛ asafo lɛ bɔɔ lɛ. Yiŋtoo hewɔ ni abaaya ayasara mɛi ni tamɔ nɛkɛ lɛ ji ní akɛ amɛ aje shĩa Biblia mli nikasemɔ shishi kɛ́ amɛjeee mɛi ni akɛ amɛ miikase nii momo. June: Nyɔŋmɔ Sɛɛ Gbɛ ni Adesai Taoɔ wolo lɛ aloo The Bible—God’s Word or Man’s? wolo lɛ. Asafoi ni bɛ woji nɛɛ eko lɛ baanyɛ amɛkɛ Já Anɔkwa Nyɔŋmɔ Kome Lɛ wolo lɛ aha.

◼ Kɛ́ asafoi lɛ anine shɛ Buu-Mɔɔ kɛ Awake! heei ni baa lɛ anɔ nɔŋŋ lɛ, esa akɛ amɛkɛha shiɛlɔi lɛ amrɔ nɔŋŋ. Enɛ baaha shiɛlɔi lɛ ale nibii ni yɔɔ woji tɛtrɛbii lɛ amli dani amɛkɛyaha yɛ shiɛmɔ nitsumɔ lɛ mli.

◼ Esa akɛ onukpai asɛinɔtalɔ lɛ loo mɔ ko ni ehala lɛ lɛ akwɛ asafo lɛ shika he akɔntaabuu kɛha nyɔji ni ji December, January, kɛ February lɛ mli. Esaaa ákɛ ahaa mɔ kome too lɛ nɔŋŋ kwɛɔ shika he akɔntaabuu lɛ mli kɛtsaraa nɔ. Kɛ́ akwɛ mli agbe naa lɛ, esa akɛ atswa asafo lɛ adafi beni akaneɔ shika he akɔntaabuu ni baanyiɛ sɛɛ lɛ.—Kwɛmɔ Instructions for Congregation Accounting (S-27) lɛ mli.

◼ Afi 2008 kpokpaa wulu nɔ kpee ni abaafee lɛ yitso ji “Nyɔŋmɔ Mumɔ lɛ Tsɔɔ Wɔ Gbɛ.” Akɛ saji ni yɔɔ faŋŋ ni baaye abua wɔ ni wɔto gbɛjianɔ koni wɔnyɛ wɔya gbii etɛ kpokpaa wulu nɔ kpee nɛɛ fãi srɔtoi lɛ fɛɛ shishi lɛ baaha yɛ Wɔ Maŋtsɛyeli Sɔɔmɔ ni baaje kpo yɛ June lɛ mli. Kɛ́ ehe baahia ni obi gbɛ yɛ onitsumɔhe lɛ bɔni afee ni onyɛ oya kpee lɛ gbii etɛ lɛ fɛɛ lɛ, kaashashao shi akɛ ooofee nakai.