Adafitswai

◼ Wolo ni akɛbaaha yɛ March: Mɛni Biblia lɛ Tsɔɔ Diɛŋtsɛ? Nyɛbɔa mɔdɛŋ ni nyɛjea Biblia mli nikasemɔi ashishi. April kɛ May: Nyɛkɛ Buu-Mɔɔ kɛ Awake! woji tɛtrɛbii lɛ ahaa. Kɛ́ nyɛmiiku nyɛsɛɛ nyɛyasara mɛi ni yɔɔ wiemɔ lɛ he miishɛɛ lɛ, nyɛsaraa mɛi ni ba Kaimɔ lɛ loo mɛi ni ba teokrase nifeemɔi krokomɛi ashishi shi amɛkɛ asafo lɛ ebɔɔɔ daa lɛ hu, ni nyɛbɔ mɔdɛŋ akɛ nyɛbaaha amɛ Mɛni Biblia lɛ Tsɔɔ Diɛŋtsɛ wolo lɛ eko. Esa akɛ oti ni ma nyɛhiɛ lɛ afee akɛ nyɛkɛ amɛ baaje Biblia mli nikasemɔ shishi.

◼ Kɛ́ asafoi lɛ anine shɛ Buu-Mɔɔ kɛ Awake! heei ni baa lɛ nɔ nɔŋŋ lɛ, esa akɛ amɛkɛha shiɛlɔi lɛ amrɔ nɔŋŋ. Enɛ baaha shiɛlɔi lɛ ale nibii ni yɔɔ woji tɛtrɛbii lɛ amli dani amɛkɛyaha yɛ shiɛmɔ nitsumɔ lɛ mli.

◼ Vidio srɔtoi etɛ̃ ni yɔɔ DVD ni ji The Bible—A Book of Fact and Prophecy lɛ nɔ lɛ mli klɛŋklɛŋ nɔ ji Mankind’s Oldest Modern Book (Adesa Wolo ni Etsɛ Fe Fɛɛ ni Yɔɔ Ŋmɛnɛ). Aawo wekui fɛɛ hewalɛ ni amɛkwɛ vidio nɛɛ yɛ nyɔɔŋ nɛɛ mli koni amɛsusu he yɛ amɛweku Jamɔ loo aŋkro nikasemɔ lɛ mli.—Kwɛmɔ February 2006 Wɔ Maŋtsɛyeli Sɔɔmɔ lɛ baafa 8 lɛ.