Adafitswai

◼ Wolo ni akɛbaaha yɛ April: The Watchtower lɛ kɛ Awake! woji tɛtrɛbii lɛ. Kɛ́ nyɛmiiku nyɛsɛɛ nyɛyasara mɛi ni yɔɔ wiemɔ lɛ he miishɛɛ lɛ, nyɛsaraa mɛi ni ba Kaimɔ lɛ loo mɛi ni ba teokrase nifeemɔi krokomɛi ashishi shi amɛkɛ asafo lɛ ebɔɔɔ daa lɛ hu, ni nyɛbɔ mɔdɛŋ akɛ nyɛbaaha amɛ Mɛni Biblia lɛ Tsɔɔ Diɛŋtsɛ? wolo lɛ eko. Esa akɛ oti ni ma nyɛhiɛ lɛ afee akɛ nyɛkɛ amɛ baaje Biblia mli nikasemɔ shishi. May: Nyɛkɛ The Watchtower lɛ kɛ Awake! woji tɛtrɛbii lɛ ahaa. June: Mɛni Biblia lɛ Tsɔɔ Diɛŋtsɛ? July: Woji bibii ni hiɛ baafa 32 lɛ ateŋ eko fɛɛ eko ni sa.

◼ Yɛ otsii ni akɛbaafee kpokpaa wuji anɔ kpeei, kpokpaa nɔ kpeei, kɛ gbi kome kpee krɛdɛɛ lɛ amli lɛ, asafo lɛ efeŋ Asafoŋ Biblia Nikasemɔ lɛ, Teokrase Sɔɔmɔ Skul lɛ, kɛ Sɔɔmɔ Kpee lɛ. Enɛ hewɔ lɛ, wɔmiiwo mɛi fɛɛ hewalɛ koni amɛ diɛŋtsɛ amɛsusu nibii ni abaakase yɛ kpeei nɛɛ ashishi lɛ he, tamɔ ekolɛ yɛ nyɛ gbɛkɛ Weku Jamɔ lɛ shishi nɛkɛ.

◼ Maŋshiɛmɔ krɛdɛɛ ni abaaha yɛ afi 2010 Kaimɔ be lɛ mli lɛ yitso ji “Anɔkwa Toiŋjɔlɛ kɛ Shweshweeshwe Shihilɛ—Mɛɛ Be Ebaaba?” Abaaha wiemɔ lɛ yɛ asafoi pii amli Ju, April 12, 2010 otsi lɛ mli. Esaaa akɛ asafo ko haa maŋshiɛmɔ krɛdɛɛ lɛ dani April 12 ashɛ.