Ani Nɔ̃ ni Afee yɛ Blɔfo ni Yɔɔ Mlɛo mli lɛ Baahi Aha Bo?

Amrɔ nɛɛ, afee Buu-Mɔɔ ni ji nikasemɔ nɔ̃ lɛ eko yɛ Blɔfo ni yɔɔ mlɛo mli. Afee enɛ aha (1) shiɛlɔi ni wieɔ Blɔfo, shi amɛbaaná Blɔfo ni yɔɔ mlɛo he sɛɛ jogbaŋŋ; (2) shiɛlɔi ní Blɔfo jeee amɛmaŋ wiemɔ; (3) gbekɛbii, ní praimari skul kɛ sɛkɛndre skulbii fata he; kɛ (4) Biblia mli nikaselɔi ni baanu mumɔŋ nibii ashishi jogbaŋŋ yɛ wiemɔ ni yɔɔ mlɛo, ni yɔɔ tɛ̃ɛ mli.

Emli sanebimɔi, saneyitsei, kɛ bɔ ni anɔmba kukuji lɛ aha lɛ kɛ nikasemɔ nɔ̃ ni yɔɔ momo lɛ yaa pɛpɛɛpɛ. Akɛ wiemɔi ni yɔɔ mlɛo tsu nii yɛ Blɔfo ni yɔɔ mlɛo nɔ̃ lɛ mli, shi sane kome too lɛ nɔŋŋ yɔɔ enyɔ lɛ fɛɛ mli. Buu-Mɔɔ Nikasemɔ nɔkwɛlɔi lɛ kɛ mɛi ni kaneɔ mli ni yɔɔ Blɔfo wiemɔ asafoi amli lɛ kɛ nikasemɔ nɔ̃ ni yɔɔ momo lɛ baatsu nii, ja toibolɔi lɛ ateŋ mɛi kpotoo hiɛ nɔ ni afee yɛ Blɔfo ni yɔɔ mlɛo mli lɛ eko. Ŋmalɛi ni atsɛ yisɛɛ kɛ mfonirii kome too lɛ nɔŋŋ yɔɔ enyɔ lɛ fɛɛ mli, ni mɛi ni hiɛ nɔ ni afee yɛ Blɔfo ni yɔɔ mlɛo mli lɛ baanyɛ anyiɛ sɛɛ beni akaneɔ kukuji lɛ amli lɛ, ni amɛha saji ahetoo hu. Kadimɔ: Shiɛlɔi ni yɔɔ asafoi ni wieɔ maŋ nɛŋ wiemɔi amli lɛ baanyɛ aná nɔ ni afee yɛ Blɔfo ni yɔɔ mlɛo mli nɛɛ he sɛɛ jogbaŋŋ kɛ́ amɛmiifee aŋkro nikasemɔ.

Kɛ́ nɔ ni afee yɛ Blɔfo ni yɔɔ mlɛo mli nɛɛ baahi aha bo lɛ, no lɛ esa akɛ oha mɔ ni kwɛɔ woji tɛtrɛbii lɛ anɔ lɛ ashɛ eko ni baaba daa eha bo.