Shiɛmɔ Nitsumɔ lɛ He Saji

Yɛ September mli lɛ, Maŋtsɛyeli Asai ni amamɔɔ yɛ Ghana, yɛ Kingdom Halls for Lands with Limited Resources (Maŋtsɛyeli Asai ni Amamɔɔ Ahaa Maji ni Bɛ Shika Tsɔ Lɛ) gbɛjianɔtoo lɛ shishi lɛ yibɔ yashɛ 700.

Enɛ ji hiɛyaa kpele diɛŋtsɛ, ni etsɔɔ faŋŋ akɛ atsu nii waa yɛ afii 10 ni eho lɛ amli. Amrɔ nɛɛ, ehe miihia ni amamɔ Maŋtsɛyeli Asai ni fa fe 100 lolo, ni oti ni ma wɔhiɛ yɛ sɔɔmɔ afi nɛɛ mli ji, ní wɔmamɔ Maŋtsɛyeli Asai 60. Wɔ fɛɛ wɔmiikpa gbɛ akɛ wɔbaanu niiashikpamɔi ni yɔɔ miishɛɛ ni baajɛ enɛ mli kɛba lɛ. Nyɛfainɛ nyɛnáa nɔmimaa akɛ wɔhiɛ sɔɔ oniai ni nyɛjɛɔ nyɛtsuiiaŋ nyɛtsuɔ kɛha Maŋtsɛyeli Asai amaamɔ lɛ waa diɛŋtsɛ.