Adafitswai

◼ Wolo ni akɛbaaha yɛ June: Mɛni Biblia lɛ Tsɔɔ Diɛŋtsɛ? Nyɛbɔa mɔdɛŋ nyɛjea Biblia mli nikasemɔi ashishi kɛ́ nyɛtee mɛi aŋɔɔ klɛŋklɛŋ kwraa. Kɛ́ shiatsɛmɛi lɛ kɛɛ amɛyɛ wolo lɛ eko, ni amɛkpɛlɛɛɛ ní akɛ amɛ akase Biblia lɛ, no lɛ nyɛkɛ wolo tɛtrɛɛ momo ko loo woji bibii lɛ eko fɛɛ eko ni mɔ lɛ baanya he lɛ ahaa. July kɛ August: Nyɛkɛ woji bibii ni hiɛ baafai 32 lɛ ateŋ eko fɛɛ eko ni sa jogbaŋŋ kɛha nyɛshikpɔŋkuku lɛ ahaa. Kɛ́ nyɛmiifee sɛɛkuu-kɛsaramɔ lɛ, nyɛkɛ Biblia lɛ Tsɔɔ wolo lɛ ahaa, aloo kɛ́ woji bibii ni ji Bo Nyɔŋmɔ Toi kɛ Bo Nyɔŋmɔ Toi Koni Ohi Shi Kɛya Naanɔ lɛ baahi aha mɔ lɛ, nyɛkɛ ekome ahaa lɛ, ni nyɛbɔ mɔdɛŋ nyɛkɛ mɔ lɛ aje Biblia mli nikasemɔ shishi. September: Buu-Mɔɔ kɛ Awake! woji tɛtrɛbii lɛ. Kɛ́ nyɛmiifee sɛɛkuu-kɛsaramɔ lɛ, nyɛkɛ Biblia lɛ Tsɔɔ wolo lɛ ahaa, aloo kɛ́ ebaahi lɛ, nyɛkɛ woji bibii ni ji Bo Nyɔŋmɔ Toi kɛ Bo Nyɔŋmɔ Toi Koni Ohi Shi Kɛya Naanɔ lɛ ekome ahaa, ni nyɛbɔ mɔdɛŋ nyɛkɛ mɔ lɛ aje Biblia mli nikasemɔ shishi.

◼ Kɛ́ nyɛmiisusu Sanebimɔhe lɛ he lɛ, ofainɛ ha efee faŋŋ akɛ kɛ́ mɔ ko miisumɔ ni ekɛ nibii komɛi ni eyɔɔ lɛ aha Yehowa asafo lɛ, ehe miihia ni mɔ lɛ aŋma asafo lɛ nitsumɔi ni akɛwo mla shishi lɛ ateŋ nɔ ni esumɔɔ ni ekɛ nibii lɛ aha lɛ jogbaŋŋ. Yɛ Ghana lɛ, no ji Watch Tower Bible and Tract Society of Ghana. Agbɛnɛ hu, kɛ́ aatsɔɔ mɔ tuuntu ni baakwɛ ni atsu shamaŋsheo lɛ he nii yɛ shamaŋsheo lɛ feemɔ mli lɛ, ehi jogbaŋŋ akɛ abaato shika he gbɛjianɔ kɛha nyɔmɔ ni mɔ lɛ baabɔ kɛtsu he nii lɛ.

◼ Kɛ́ nyɛmiifee bɔ ni abaafee akɛ woji tɛtrɛbii lɛ aha lɛ he nɔkwɛmɔnɔ yɛ Sɔɔmɔ Kpee lɛ mli, loo yɛ kpeei kɛha shiɛmɔyaa shishi lɛ, esa akɛ asafoi lɛ kɛ woji tɛtrɛbii lɛ ni yɔɔ amɛwiemɔ mli lɛ atsu nii kɛji eko yɛ. Enɛ baaha aná kpee lɛ he sɛɛ jogbaŋŋ, ni ebaawo mɛi hewalɛ ni amɛkɛ woji nɛɛ atsu nii.