Adafitswai

◼ Wolo ni akɛbaaha yɛ March kɛ April: Buu-Mɔɔ kɛ Awake! woji lɛ. Kɛ́ nyɛmiifee sɛɛkuu-kɛsaramɔi lɛ, nyɛkɛ Biblia lɛ Tsɔɔ wolo lɛ ahaa, aloo kɛ́ ebaahi lɛ, nyɛkɛ woji bibii ni ji, Bo Nyɔŋmɔ Toi loo Bo Nyɔŋmɔ Toi Koni Ohi Shi Kɛya Naanɔ lɛ ahaa, koni nyɛbɔ mɔdɛŋ nyɛkɛ mɔ lɛ aje Biblia mli nikasemɔ shishi. May kɛ June: Nyɛkɛ dɛ̃hiɛmɔ woji (tracts) ni sa kɛha shikpɔŋkuku lɛ, ni nyɛyɔɔ eko lɛ atsua nii. Kɛ́ mɛi lɛ jie miishɛɛ kpo lɛ, nyɛtsɔa Biblia lɛ Tsɔɔ wolo lɛ loo woji bibii ni ji, Bo Nyɔŋmɔ Toi loo Bo Nyɔŋmɔ Toi Koni Ohi Shi Kɛya Naanɔ lɛ nɔ nyɛfea Biblia mli nikasemɔ he nɔkwɛmɔnɔ nyɛhaa amɛ.

◼ Abaaye Kaimɔ lɛ Jufɔ, March 26, 2013. Kɛ́ nyɛsafo lɛ kpeɔ Jufɔ lɛ, esa akɛ afee kpee lɛ yɛ gbi kroko nɔ yɛ otsi lɛ mli, kɛji abaaná be kroko yɛ Maŋtsɛyeli Asa lɛ nɔ. Kɛ́ ehe bahia ni afo Sɔɔmɔ Kpee lɛ mli lɛ, onukpai akuu lɛ saji ahe gbɛjianɔtolɔ lɛ baanyɛ afee tsakemɔi yɛ gbɛjianɔtoo lɛ mli bɔni afee ni asusu fãi ni kɔɔ nyɛsafo lɛ he lɛ ahe yɛ kpee kroko mli yɛ nyɔɔŋ lɛ mli. Esa akɛ asafoi ni kpokpaa nɔkwɛlɔ lɛ baaba abasara amɛ lɛ ato gbɛjianɔ koni amɛfee kpeei ni amɛfeɔ lɛ Jufɔ gbɛkɛ lɛ gbɛkɛ kroko yɛ saramɔ be lɛ mli.

◼ Asafoi babaoo ashiɛmɔyaa akɔntaabu kpeɔ sɛɛ kɛbaa. Wɔhiɛ sɔɔ waa kɛ́ shiɛlɔi kɛ amɛ akɔntaabuu ha mra lɛ. Aakai asafoŋ woloŋmalɔi koni amɛkɛ amɛ akɔntaabui lɛ amaje (kɛtsɔ post ɔfis, jw.org Web saiti lɛ nɔ, loo akɛtsɔ fax [030-2712454]) lɛ nɔ, ní afee nakai mra yɛ nyɔɔŋ lɛ mli, ní akɔntaabui fɛɛ ni ekpe sɛɛ lɛ fata he.