Okɛ Hiɛdɔɔ Ajaje Anɔkwalei ni Kɔɔ Yesu He Lɛ

Kɛ́ wɔle gbɛ nɔ ni wɔɔtsɔ wɔkɛ mɛi agba anɔkwale ni kɔɔ Yesu he lɛ he sane lɛ, hiɛdɔɔ ni wɔkɛshiɛɔ baaya hiɛ. Yesu ji faneshi lɛ koŋtɛ ní atswaa anɔkwa hemɔkɛyeli amaa nɔ. (Efe. 2:20) Kɛ́ jeee lɛ kulɛ, wɔnyɛŋ wɔná wala he hiɛnɔkamɔ. (Bɔf. 4:12) Enɛ hewɔ lɛ, ehe miihia ni mɛi fɛɛ ayɔse gbɛfaŋnɔ ni Yesu tsuɔ yɛ Nyɔŋmɔ yiŋtoo mli lɛ. Akɛ apasa tsɔɔmɔi elaka mɛi pii. Dɔlɛ sane ji akɛ, shiwoi ni Nyɔŋmɔ Wiemɔ lɛ kɛhãa mɛi ni yɔɔ hemɔkɛyeli yɛ Yesu mli lɛ baaŋmɛɛ mɛi nɛɛ. Hiɛdɔɔ ni wɔyɔɔ yɛ anɔkwale lɛ he lɛ baatsirɛ wɔ koni wɔye wɔbua mɛi ni hiɛ tsui kpakpa lɛ ni amɛle mɔ tuuntu ni Yesu ji, wekukpaa ni yɔɔ ekɛ Nyɔŋmɔ teŋ, kɛ gbɛfaŋnɔ ni etsuɔ yɛ Nyɔŋmɔ yiŋtoo mli. Ani okɛ hiɛdɔɔ baajaje anɔkwale ni kɔɔ Yesu he lɛ yɛ Kaimɔ be nɛɛ mli?