Shiɛmɔ Nitsumɔ lɛ He Saji

Yɛ Hɔgbaa February 15, 2015 lɛ, afee kpee krɛdɛɛ ko, ni saralɔ ko ni jɛ nitsumɔhe yitso lɛ hã wiemɔ ko ni yitso ji, “Shifimɔ ni Hãa Anáa Nyɔŋmɔ Nɔkpɛlɛmɔ,” ni mɛi 45,885 bo toi.

Mɛi 9,338 bo toi yɛ Accra Assembly Hall lɛ, ni be ni nifeemɔ lɛ yaa nɔ lɛ, ajie ahã mɛi 28,220 ní bua amɛhe naa yɛ hei kpawo krokomɛi ni afeɔ kpee yɛ lɛ, kɛ mɛi 8,327 krokomɛi hu yɛ Maŋtsɛyeli Asai 31 nɔ. Enɛ ji klɛŋklɛŋ kwraa ni afee nɔ ko nakai yɛ Maŋtsɛyeli Asai anɔ, ni enɛ hã nyɛmimɛi babaoo ni yɔɔ Ghana lɛ ná nifeemɔ krɛdɛɛ lɛ he sɛɛ. Yehowa gbɛjianɔtoo lɛ kɛ kɔmpiuta kɛ tsɔji miitsu nii yɛ gbɛ ni yɔɔ naakpɛɛ nɔ, be ni ebuaa ewebii lɛ anaa efeɔ amɛ ekome “tamɔ tooi ní yɔɔ tsu mli” lɛ.​—Mika 2:12.