Adafitswai

◼ Wolo ni akɛbaahã yɛ October: Buu-Mɔɔ kɛ Awake! woji tɛtrɛbii lɛ. November kɛ December: Mɛni Biblia lɛ Tsɔɔ Diɛŋtsɛ? loo tratii ni nyiɛ sɛɛ nɛɛ eko: Te Onaa Biblia lɛ Ohaa Tɛŋŋ? (T-30), Te Onaa Wɔsɛɛ Ohaa Tɛŋŋ? (T-31), Mɛni Ji Nɔ Titri ni kɛ Miishɛɛ Baa Weku Shihilɛ Mli? (T-32), Namɔ Diɛŋtsɛ Kudɔɔ Je Lɛ? (T-33), Ani Amanehulu Sɛɛ Baafo Be Ko? (T-34), Mɛni ji Nyɔŋmɔ Maŋtsɛyeli Lɛ? (T-36). January: Sanekpakpa ni Jɛ Nyɔŋmɔ Ŋɔɔ!, Bo Nyɔŋmɔ Toi, loo Bo Nyɔŋmɔ Toi Koni Ohi Shi Kɛya Naanɔ.

◼ Aakai asafoŋ onukpai lɛ akɛ daa afi lɛ, esa akɛ amɛkɛ Sɔɔmɔ Kpee lɛ fã ni ji asafoŋ hiamɔ nii lɛ eko atsu nii ni amɛkɛ asafo lɛ asusu otii ni sa ni yɔɔ January 6, 2012 wolo lɛ mli, ni tsɔɔ nibii ni esa akɛ afee kɛsaa he ato oshara kɛ nɔ ni esa akɛ afee kɛ́ oshara ba lɛ he.

◼ Kɛ́ eshwɛ otsi ní nyɛbaaya nyɛkpokpaa wulu nɔ kpee lɛ, esa akɛ nyɛfee tsakemɔi yɛ nyɛsafoŋ kpee he gbɛjianɔtoo lɛ mli koni nyɛkwɛ “Kpee He Kaimɔi” vidio lɛ. Nyɛtĩa ŋaawoi kɛ kaimɔi ni yɔɔ vidio lɛ mli lɛ kɛ wolo ni aŋma amaje asafoi fɛɛ yɛ August 3, 2013 ni kɔɔ bɔ ni wɔɔfee wɔkwɛ wɔhe nɔ jogbaŋŋ koni mɔ ko akapila be ni wɔtee Kristofoi akpeei lɛ he lɛ mli. Kpee lɛ sɛɛ nyɔɔŋ kome loo nyɔji enyɔ lɛ, nyɛbaanyɛ nyɛkɛ asafoŋ hiamɔ nii lɛ atsu nii kɛtĩ kpee lɛ mli saji otii pɔtɛi komɛi ni shiɛlɔi lɛ ena akɛ ebaaye ebua amɛ yɛ shiɛmɔ nitsumɔ lɛ mli lɛ mli.