HII SHI AKƐ KRISTOFONYO
Oblahii kɛ Oblayei—Nyɛhe Afea Oya Kɛbotea “Shinaa Wulu” lɛ Mli
Ewaaa akɛ wɔbaasusu akɛ wɔbaaya nɔ wɔhi shi akɛ oblahii kɛ oblayei, ni akɛ, “gbii fɔji” ni baa yɛ gbɔlɛ beiaŋ yɛ Satan je nɛɛ mli lɛ ninaŋ wɔ. (Jaj 12:1) Kɛ́ oji oblanyo loo oblayoo lɛ, ani onaaa akɛ oyɛ be ni fa ni obaanyɛ okɛtiu mumɔŋ nibii asɛɛ, tamɔ ohe ni okɛbaawo be fɛɛ sɔɔmɔ nitsumɔ lɛ mli?
Nibii ni akpaaa gbɛ ‘ninaa wɔ fɛɛ trukaa,’ ni oblahii kɛ oblayei hu fata he. (Jaj 9:12) ‘Oleee nɔ ni baaba onɔ wɔ́.’ (Yak 4:14) No hewɔ lɛ, kaatsi mumɔŋ otii asɛɛ ni obaatiu lɛ ooto kɛ́ nɔ ko etsĩii bo gbɛ. Botemɔ ‘shinaa wulu ni agbele naa kɛhã nitsumɔ’ lɛ mli, be mli ni enaa kã hã bo lolo nɛɛ. (1Ko 16:9) Oshwaŋ ohe kɔkɔɔkɔ.
Mumɔŋ otii komɛi ni obaanyɛ okɛmamɔ ohiɛ:
Shiɛmɔ yɛ wiemɔ kroko mli
Gbɛgbamɔ nitsumɔ lɛ
Teokrase skul srɔtoi lɛ
Tsumaa nitsumɔ
Betel sɔɔmɔ
Kpokpaa nɔkwɛmɔ nitsumɔ lɛ