HII SHI AKƐ KRISTOFONYO
Ani Onaa Gbɛi Ni Yehowa Tsɔɔ Nɔ Ehãa Osɔlemɔi Hetoo Lɛ?
Amaniɛbɔi pii yɛ Biblia lɛ mli ni tsɔɔ akɛ, Yehowa hã mɛi asɔlemɔi hetoo. Be ni mɛi nɛɛ ateŋ mɔ fɛɛ mɔ na akɛ Yehowa ebo esɔlemɔi lɛ toi ni ewa lɛ lɛ, ekã shi faŋŋ akɛ, amɛhemɔkɛyeli lɛ mli wa waa. Enɛ hewɔ lɛ, ehi akɛ wɔbaatsĩ nibii pɔtɛi atã yɛ wɔsɔlemɔi amli, ni wɔkɛ wɔhiɛ afɔ̃ shi wɔkwɛ gbɛ ni Yehowa baatsɔ nɔ ehã hetoo. Hã ehi ojwɛŋmɔŋ akɛ, ekolɛ ebaasoro hetoo ni ebaahã bo lɛ yɛ nɔ ni okpaa gbɛ lɛ he, loo ebaahã bo fe nɔ ni obi lɛ lɛ. (2Ko 12:7-9; Efe 3:20) Kɛ́ wɔsɔle lɛ, mɛni ekolɛ Yehowa baahã wɔ akɛ hetoo?
Gbɔmɔtsoŋ hewalɛ, toiŋjɔlɛ, loo hemɔkɛyeli ni wɔkɛdamɔ naagba ko naa.—Fip 4:13
Hiɛshikamɔ ni wɔkɛkpɛ yiŋ kpakpa.—Yak 1:5
Shwelɛ kɛ hewalɛ ni wɔkɛfee nɔ ko.—Fip 2:13
Toiŋjɔlɛ kɛ́ wɔmiiye wɔtsui.—Fip 4:6, 7
Mɛi ni baawa wɔ loo amɛbaashɛje wɔmii.—1Yo 3:17, 18
KWƐMƆ VIDIO NI JI, YEHOWA JI “SƆLEMƆ TOIBOLƆ” LƐ, KONI NO SƐƐ LƐ OHÃ SANEBIMƆI NI NYIƐ SƐƐ NƐƐ HETOO:
Kɛ́ wɔnyɛɛɛ wɔtsu babaoo akɛni wɔbɛ hewalɛ hewɔ lɛ, mɛɛ gbɛ nɔ Nyɛminuu Shimizu niiashikpamɔ lɛ baanyɛ awo wɔ hewalɛ?
Mɛɛ gbɛ nɔ wɔbaanyɛ wɔkase Nyɛminuu Shimizu?