Ani Okɛ Biblia Ni Arikɔdi Lɛ Miitsu Nii Jogbaŋŋ?

Mɛni ji Biblia ni arikɔdi lɛ? Eji Jeŋ Hee Shishitsɔɔmɔ lɛ ni arikɔdi. Aajie lɛ kpo fiofio yɛ wiemɔi babaoo amli. Nɔ kome ni sa kadimɔ yɛ Biblia ni arikɔdi lɛ he ji akɛ, ahãa mɔ kome pɛ rikɔdiɔ Biblia mli gbɔmɔ ko wiemɔi fɛɛ. Amamɔɔ saji otii anɔ mi jogbaŋŋ ni akɛ henumɔ ni sa kaneɔ, koni shishinumɔ ni yɔɔ sɛɛ lɛ afee faŋŋ.

Te mɛi komɛi ená Biblia ni arikɔdi lɛ he sɛɛ amɛhã tɛŋŋ? Mɛi ni boɔ toi lɛ ateŋ mɛi pii ena akɛ, ehãa amɛnuɔ he tamɔ amɛ hu amɛyɛ jɛmɛ be ni saji lɛ yaa nɔ lɛ. Akɛni ahãa mɔ kome pɛ rikɔdiɔ Biblia mli gbɔmɔ ko wiemɔi fɛɛ hewɔ lɛ, ehãa amɛnyɛɔ amɛfeɔ sane lɛ he mfoniri jogbaŋŋ, ni amɛnuɔ shishi waa. (Abɛ 4:5) Mɛi pii hu ena akɛ, kɛ́ amɛhao ni amɛbo toi lɛ, ehãa amɛhe jɔɔ amɛ.​—La 94:19.

Kɛ́ wɔnu ni aakane Nyɔŋmɔ Wiemɔ lɛ, ebaanyɛ ená wɔnɔ hewalɛ waa. (2Kr 34:19-21) Kɛji arikɔdi Biblia lɛ eko yɛ wiemɔ ko ni onuɔ shishi mli lɛ​—efã ko jio, emuu lɛ fɛɛ jio​—ebaafee nɔ ni hi waa akɛ obaafɔ toiboo, aloo jeee nakai?

KWƐMƆ VIDIO NI JI, BƆ NI FEE NI AFEE BIBLIA NI ARIKƆDI LƐ​—VIDIO LƐ FÃ KO LƐ, KONI NO SƐƐ LƐ OHÃ SANEBIMƆ NI NYIƐ SƐƐ NƐƐ HETOO:

Mɛni onyaa he yɛ bɔ ni fee ni afee Biblia ni arikɔdi lɛ he?