APRIL 28–MAY 4

ABƐI 11

Lala 90 Kɛ Sɔlemɔ | Hiɛkpamɔ (Min. 1)

NYƆŊMƆ WIEMƆ LƐ MLI JWETRII

1. Kaawie!

(Min. 10)

Kaawie nɔ ko ni baadɔ ‘onyɛmi gbɔmɔ’ (Abɛ 11:9; w02 5/15 26 kk. 4)

Kaawie nɔ ko ni kɛ mligbalamɔ baaba (Abɛ 11:11; w02 5/15 27 kk. 2-3)

Kaagbɛ saji ni mɛi kɛ bo pɛ wie lɛ oshwã (Abɛ 11:12, 13; w02 5/15 27 kk. 5)

Nyɛmimɛi hii enyɔ komɛi miigba sane yɛ Maŋtsɛyeli Asa nɔ. Nyɛmi nuu ko miiba he ni amɛyɔɔ lɛ ni amɛteŋ mɔ kome miiwie ehe efɔŋ.

KƐHÃ NIIANƆJWƐŊMƆ: Mɛni hewɔ kɛ́ wɔkɛ Yesu wiemɔi ni aŋma yɛ Luka 6:45 lɛ tsu nii lɛ ebaawa wɔ ni wɔkawie wiemɔi ni baadɔ mɛi?

2. Pɛimɔ Ŋmalɛi Lɛ Amli Jogbaŋŋ

(Min. 10)

Abɛ 11:17—Mɛni hewɔ ehi akɛ wɔmli baahi lɛ? (w18.11 30 kk. 4-6)

Your answer
Mɛɛ jwetrii oná yɛ otsi nɛɛ Biblia kanemɔ lɛ mli ni obaasumɔ ni owie he?

Your answer

3. Biblia Kanemɔ

(Min. 4) Abɛ 11:1-20 (th nikasemɔ 5)

KASEMƆ BƆ NI ASHIƐƆ JOGBAŊŊ

4. Kɛ́ Oyaaje Sanegbaa Shishi

(Min. 4) ODASE NI AYEƆ BE NI ANYIƐƐƐ SHIƐMƆ NƆ. Taomɔ be ni hi ni okɛgba mɔ lɛ nɔ ko ni okase yɛ asafoŋ kpee ko ni otee nyɛsɛɛ nɛɛ shishi. (lmd nikasemɔ 2 oti 4)

5. Kɛ́ Oyaatsa Nɔ

(Min. 4) ODASE NI AYEƆ BE NI ANYIƐƐƐ SHIƐMƆ NƆ. Okɛ Nitsɔɔmɔ Dɛŋdadei Titrii lɛ mli vidio ko atsu nii.(lmd nikasemɔ 8 oti 3)

6. Kɛ́ Oofee Mɛi Kaselɔi

(Min. 4) MAŊ ODASEYELI. Bi lɛ kɛji ebaasumɔ ni okɛ lɛ akase Biblia lɛ, ni okɛ lɛ akase wolo ni wɔkɛfeɔ Biblia mli nikasemɔ lɛ fã ko, koni ena bɔ ni wɔkɛ mɛi kaseɔ Biblia lɛ wɔhãa. (lmd nikasemɔ 10 oti 3)

HII SHI AKƐ KRISTOFONYO

Lala 157

7. Kaahã Olilɛi Fite Toiŋjɔlɛ

(Min. 15) Sanegbaa.

Akɛni wɔyeee emuu hewɔ lɛ, wɔtɔ̃ɔ yɛ wɔwiemɔ mli. (Yak 3:8) Shi kɛ́ wɔhã wɔhiɛ hi naagbai ni baanyɛ aba kɛ́ wɔwie wiemɔi ni esaaa lɛ anɔ lɛ, no baawa wɔ ni wɔkawie wiemɔi ni sɛɛ mli lɛ wɔbaashwa wɔhe. Naa wiemɔi komɛi ni baanyɛ afite toiŋjɔlɛ ni yɔɔ asafo lɛ mli lɛ:

Shwãa ni esaaa. Wiemɔ nɛɛ ji mɔ diɛŋtsɛ yi ni ejieɔ, ni ebaanyɛ ekɛ akaŋshii kɛ hetsɛ̃ aba.—Abɛ 27:2
Lakamɔ lilɛi. Wiemɔ ni tamɔ nɛkɛ lɛ kɔɔɔ malemɔ pɛ he, shi ekɔɔ wiemɔi ni ajeɔ gbɛ awieɔ kɛlakaa mɛi lɛ hu ahe. Lakamɔ wiemɔ bibioo po baanyɛ ahã mɛi akahe wɔ amɛye ni ebaafite wɔgbɛ́i.—Jaj 10:1
Oshekuyeli. Oshekuyeli ji mɛi ahe saji ni bɛ mli ni akɛ mɛi wieɔ loo mɛi ahe saji ni esaaa akɛ mɔ fɛɛ mɔ kɛkɛ leɔ ni agbɛɔ ashwãa. (1Ti 5:13) Ebaanyɛ ekɛ béi kɛ mligbalamɔ aba.
Mlifu wiemɔ. Eji wiemɔi ni mɛi wieɔ kɛ́ amɛmli wo la ni amɛyeee amɛhe nɔ lɛ. (Efe 4:26) Ebaanyɛ eye awui.—Abɛ 29:22

Vidio ni ji, “Jiemɔ Nibii Ni Fiteɔ Toiŋjɔlɛ Lɛ Ni ‘Oshɛrɛ Oshwie’—Vidio Lɛ Fã Ko” lɛ mli mfonirii komɛi. 1. Emily kɛ Celia ta okpɔlɔ ko he yɛ niyelihe ko. Celia hiɛ efoŋ ni eekwɛ nɔ ko ni Haley kɛfɔ̃ social media lɛ nɔ. 2. Haley kɛ Celia miiwie kɛ mlifu yɛ maŋtsɛyeli asa lɛ tsɔji amaamɔ he lɛ.

Jiemɔ VIDIO nɛɛ: Jiemɔ Nibii Ni Fiteɔ Toiŋjɔlɛ Lɛ Ni ‘Oshɛrɛ Oshwie’—Vidio Lɛ Fã Ko. No sɛɛ lɛ bi toibolɔi lɛ akɛ:

Mɛni okase yɛ bɔ ni wɔwiemɔ baanyɛ afite toiŋjɔlɛ ni yɔɔ asafo lɛ mli lɛ he?

Your answer

Bɔ ni afee ni ona bɔ ni amɛsaa amɛteŋ kɛbaa toiŋjɔlɛ ni yɔɔ asafo lɛ mli lɛ yi lɛ, kwɛmɔ vidio ni ji ‘Taomɔ Toiŋjɔlɛ Ni Otiu Sɛɛ’ lɛ.

8. Asafoŋ Biblia Nikasemɔ

(Min. 30) bt yitso 25 kk. 14-21