MAY 12-18

NYƆŊMƆ WIEMƆ LƐ MLI JWETRII

1. Kaahã “Mɛi Fɔji Akane Lɛ” Laka Bo

(Min. 10)

Wɔsɛɛ lɛ, nibii ehiŋ ehãŋ mɛi fɔji lɛ (Abɛ 13:9; w03 9/15 24 kk. 5-6)

Okɛ mɛi ni hãa nibii gbohii feɔ tamɔ nɔ ni amɛji nibii kpakpai lɛ akabɔ (Abɛ 13:20; w12 7/15 12 kk. 3)

Yehowa jɔɔ jalɔ (Abɛ 13:25; w04 7/15 31 kk. 6)

Mfonirii ni ato naa: Akɛ yiŋ gbohii ni nuu ko ni jeee Odasefonyo lɛ ekpɛ lɛ miito yiŋ kpakpai ni nyɛmimɛi hii Odasefoi enyɔ komɛi ekpɛ lɛ he. 1. Nuu ko etee nightclub ni eejo ni ehiɛ dãa yɛ edɛŋ. 2. Sɛɛ mli lɛ, ehe tseee lɛ ni eekɔ tsofa. 3. Nyɛmimɛi hii kɛ yei komɛi yɛ henaabuamɔ ko shishi yɛ agbonaa gbɛkɛnaashi. Nyɛmimɛi hii enyɔ lɛ kɛ amɛnyɛmimɛi lɛ efee ekome kɛmiilá, kɛmiijo, kɛmiiye nii ni amɛná miishɛɛ. 4. Enɔ jetsɛremɔ lɛ amɛtee shiɛmɔ. — Efeɔ tamɔ nɔ ni mɛi ni tiuɔ je lɛ mli nibii lɛ asɛɛ lɛ yɛ miishɛɛ waa, shi ejeee anɔkwale. Moŋ lɛ, mɛi ni feɔ Yehowa suɔmɔnaa nii lɛ atsui nyɔɔ amɛmli jogbaŋŋ

2. Pɛimɔ Ŋmalɛi Lɛ Amli Jogbaŋŋ

(Min. 10)

Abɛ 13:24—Mɛni ŋmalɛ nɛɛ hãa wɔnaa yɛ suɔmɔ kɛ tsɔsemɔ he? (w08 4/1 14 kk. 3-5)

Your answer
Mɛɛ jwetrii oná yɛ otsi nɛɛ Biblia kanemɔ lɛ mli ni obaasumɔ ni owie he?

Your answer

3. Biblia Kanemɔ

(Min. 4) Abɛ 13:1-17 (th nikasemɔ 10)

KASEMƆ BƆ NI ASHIƐƆ JOGBAŊŊ

4. Kɛ́ Oyaaje Sanegbaa Shishi

(Min. 3) SHĨA FƐƐ SHĨA. Okɛ mɔ lɛ awie sane ko ni eba lɛ he, ni no sɛɛ lɛ okɛ lɛ asusu ŋmalɛ ko ni ebaanya he waa lɛ he. (lmd nikasemɔ 2 oti 5)

5. Kɛ́ Oyaaje Sanegbaa Shishi

(Min. 4) ODASE NI AYEƆ BE NI ANYIƐƐƐ SHIƐMƆ NƆ. Fɔ̃ɔ lɛ nine kɛhã asafoŋ kpee. (lmd nikasemɔ 2 oti 3)

6. Wiemɔ

(Min. 5) lmd saji krokomɛi A oti 9—Saneyitso: Bii Ni Buɔ Amɛfɔlɔi Ni Amɛboɔ Amɛ Toi Lɛ, Ehiɔ Ehãa Amɛ. (th nikasemɔ 16)

HII SHI AKƐ KRISTOFONYO

7. “Jalɔi Ala Kpɛɔ Waa”

(Min. 8) Sanegbaa.

Nilee kɛ hiɛshikamɔ wiemɔi ni nɔ bɛ ni yɔɔ Nyɔŋmɔ Wiemɔ lɛ mli. Kɛ́ wɔhã wiemɔi nɛɛ tsɔɔ wɔ gbɛ loo amɛkpɛ wɔgbɛ nɔ lɛ, wɔbaaná miishɛɛ, ni nibii baahi ahã wɔ fe bɔ ni eji bianɛ lɛ. Enɛ ji nɔ ko ni je lɛ nyɛŋ ahã bo.

Vidio ni ji “Kɛ́ Je Lɛ Bɛ Nɔ Ko Lɛ, Enyɛŋ Ehã Bo Nakai Nii Lɛ Eko” lɛ mli mfoniri ko. Nyɛmiyoo Gainanshina ta ŋa ko kɛ enɔ jwɛifɔ mli ni eekwɛ ŋwɛi.

Jiemɔ VIDIO nɛɛ: Kɛ́ Je Lɛ Bɛ Nɔ Ko Lɛ, Enyɛŋ Ehã Bo Nakai Nii Lɛ Eko. No sɛɛ lɛ bi toibolɔi lɛ akɛ:

Mɛɛ gbɛ nɔ Nyɛmiyoo Gainanshina sane lɛ hãa wɔnaa akɛ “jalɔi ala” lɛ hi kwraa fe “mɛi fɔji akane lɛ”?—Abɛ 13:9

Your answer

Kaashwe nibii ni yɔɔ je lɛ mli lɛ, ni kaashwa ohe akɛ okɛ nibii komɛi eshã afɔle ni onyɛ osɔmɔ Yehowa, ejaakɛ kɛ́ ofee nakai lɛ sɛɛnamɔ ko baŋ he. (1Yo 2:15-17) Moŋ lɛ, okɛ ojwɛŋmɔ ama “nilee ni jara wa fe fɛɛ” ni oná lɛ nɔ.—Fip 3:8.

MAY 12-18

ABƐI 13

Lala 34 Kɛ Sɔlemɔ | Hiɛkpamɔ (Min. 1)