Nu Afua lɛ Kɛbashi Kpɔmɔ Kɛmiijɛ Mizraim

Gbɔmɛi kpaanyɔ pɛ je Nu Afua lɛ mli, shi beni be shwieɔ mli lɛ amɛ yifalɛ yashɛ akpei babaoo. Kɛkɛ ni abafɔ Abraham, yɛ Nu Afua lɛ sɛɛ afii 352. Wɔle akɛ Nyɔŋmɔ ye eshiwoo nɔ, ejaakɛ eha Abraham fɔ binuu ni atsɛɔ lɛ akɛ Isak. Kɛkɛ ni Nyɔŋmɔ hala Yakob kɛjɛ Isak bihii enyɔ lɛ ateŋ.

Yakob ná weku agbo ni ji bihii 12 kɛ biyei hu. Yakob bihii 10 lɛ nyɛ̃ɔ amɛnyɛmi fioo ni ji Yosef ni amɛhɔɔ lɛ koni eyatsɔ nyɔŋ yɛ Mizraim. Yɛ sɛɛ mli lɛ, Yosef batsɔ nɔyelɔ ko ni he hiaa waa yɛ Mizraim. Beni hɔmɔ ko ni naa wa waa ba lɛ, Yosef ka enyɛmimɛi lɛ ekwɛ akɛ ani amɛtsake amɛtsui lo. Yɛ naagbee lɛ, Yakob weku muu lɛ fɛɛ, ni ji Israelbii lɛ, fã ni amɛbahi Mizraim. Enɛ ba mli yɛ Abraham fɔmɔ sɛɛ afii 290.

Enɛ ha Israelbii lɛ hi Mizraim afii 215 ni nyiɛ sɛɛ ba lɛ mli. Yɛ Yosef gbele sɛɛ lɛ, amɛbatsɔmɔ nyɔji yɛ jɛmɛ. Yɛ be ni sa mli lɛ, afɔ Mose, ni Nyɔŋmɔ tsɔ enɔ ejie Israelbii lɛ kɛjɛ Mizraim. Yinɔsane ni Fã ENYƆ lɛ wieɔ he lɛ fɛɛ feɔ afii 857.