Enaagbee

ASUSUKO Yehowa Odasefoi lɛ ajamɔŋ hemɔkɛyelii lɛ fɛɛ he yɛ wolo bibioo nɛɛ mli. Yɛ no najiaŋ lɛ, wɔbɔ mɔdɛŋ wɔtsɔɔ shishitoo mlai ni Odasefoi lɛ heɔ yeɔ lɛ ekomɛi amli, ni agbɛnɛ wɔtsɔɔ hewalɛi ni weku lɛ naa yɛ onikaselɔ lɛ nɔ yɛ faŋŋ mli lɛ mli, kɛ fɔlɔi lɛ ateŋ mɔ ko loo mɛi enyɔ lɛ fɛɛ ji Odasefoi.

Yehowa Odasefoi maa amɛbii lɛ amumɔŋ nɔyaa nɔ mi waa diɛŋtsɛ. Ni amɛyɛ hekɛnɔfɔɔ akɛ enɛ haa amɛbii lɛ yaa hiɛ yɛ nibii krokomɛi hu mli. Hemɔkɛyelii ni amɛmɔɔ mli kɛ shishitoo mlai ni amɛnyiɛɔ sɛɛ lɛ haa shishinumɔ baa amɛshihilɛi amli, ni eyeɔ ebuaa amɛ koni amɛtsu amɛ daa gbi naagbai ahe nii. Kɛfata he lɛ, esa akɛ nakai hemɔkɛyelii kɛ shishitoo mlai lɛ atsirɛ amɛ koni amɛbɔ mɔdɛŋ ni amɛfee nikaselɔi ni yɔɔ ekãa kɛ maŋbii kpakpai yɛ amɛshihilɛ be fɛɛ mli.

Odasefoi lɛ bɔɔ mɔdɛŋ koni amɛwie shihilɛ he yɛ faŋŋ mli, no hewɔ lɛ amɛbuɔ skul nikasemɔ akɛ ehe hiaa waa. Enɛ hewɔ lɛ, amɛyɛ he suɔmɔ akɛ amɛkɛ nyɛ aaakpa gbee bɔ ni amɛaanyɛ. Yɛ amɛgbɛfaŋ lɛ, amɛbaaya nɔ amɛwo amɛbii ahewalɛ yɛ amɛshiai kɛ jamɔ hei ni yɔɔ jeŋ fɛɛ lɛ, koni amɛtsu amɛ gbɛfaŋnɔ he nii, yɛ ekomefeemɔ ni he baa sɛɛnamɔ nɛɛ mli.