Mɛi ni Naa Mɔbɔ lɛ Yɛ Miishɛɛ!

1. Mɔbɔnalɔi yɛ miishɛɛ waa!

Nyɔŋmɔ hiɛ, amɛhe yɛ fɛo.

Amɛkɛɔ jalɔi fɛɛ akɛ,

Nyɔŋmɔ lɛ, mɔbɔnalɔ ni.

Yehowa na wɔ mɔbɔ waa,

Eha Yesu gbo kɛkpɔ̃ wɔ.

Enaa humii fɛɛ mɔbɔ waa,

Ele akɛ sũ ji wɔ fɛɛ.

2. Mɔbɔnalɔi yɛ jɔɔmɔi pii,

Amɛnáa eshaifaa diɛŋtsɛ.

Kristo kpɔmɔnɔ lɛ hewɔ,

Nyɔŋmɔ naa amɛ mɔbɔ kwraa.

Amɛjieɔ mɔbɔnalɛ kpo

Kɛtsɔ Wiemɔ lɛ shiɛmɔ nɔ,

Amɛshiɛɔ haa gbɔmɛi akɛ,

“Kristo Nɔyeli miiye nɔ.”

3. Yehowa kojomɔ lɛ haa

Heshibalɔi naa esuɔmɔ.

Nyɔŋmɔ baana amɛ mɔbɔ,

Ejaakɛ amɛnaa mɔbɔ.

Nyɛhaa wɔnaa mɛi mɔbɔ daa

Kɛkase Yehowa Nyɔŋmɔ.

Nyɔŋmɔ kɛ Kristo naa mɔbɔ;

Nyɛhaa wɔkasea amɛ daa.