Nyɛwowoa Nyɛhe Hewalɛ

1. Kɛ́ wɔwowoo wɔhe hewalɛ

Ni wɔsɔmɔ Yehowa daa,

Suɔmɔ ni yɔɔ wɔteŋ lɛ mli waa;

Jeŋba kpakpa haa toiŋjɔlɛ.

Suɔmɔ ni yɔɔ Kristofoi ateŋ

Haa wɔfiɔ shi kɛ ekãa waa.

Wɔsafo lɛ ji abobaahe,

He ni wɔnáa hejɔlɛ yɛ.

2. Wiemɔ kpakpa yɛ be ni sa mli

Shɛjeɔ mɔ ni nuɔ lɛ mii waa!

Wɔnuɔ miishɛjemɔ wiemɔi nɛɛ

Yɛ suɔmɔ nyɛmimɛi anaa.

Ehi akɛ wɔfee ekome

Akɛ anɔkwa Kristofoi!

Ha wɔwaje wɔnyɛmimɛi lɛ,

Wɔwaa wɔhe yɛ haomɔ beaŋ.

3. Wɔmumɔŋ hiŋmɛii lɛ naa akɛ

Yehowa gbi lɛ ebɛŋkɛ,

Hewɔ, wɔkpeɔ kutuu be fɛɛ be

Koni wɔnyiɛ gbɛ lɛ nɔ daa.

Nyɔŋmɔ webii efee ekome,

Wɔbaasɔmɔ kɛya naanɔ.

Hewɔ, wɔwoɔ wɔhe ekãa daa

Koni wɔye anɔkwa daa.