FÃ 8

Mɛɛ Gbɛ Nɔ Onáa Yesu Gbele Lɛ He Sɛɛ?

Yesu gbo koni wɔná wala. Yohane 3:16

Yei komɛi miikwɛ Yesu gbonyobu lɛ mli ni amɛmiina akɛ ekã efolo

Yesu gbele lɛ sɛɛ gbii etɛ lɛ, yei komɛi tee Yesu bu lɛ he, ni amɛyana akɛ bu lɛ kã efolo. Yehowa etee Yesu shi kɛjɛ gbohii ateŋ.

Yesu ejie ehe kpo etsɔɔ ebɔfoi lɛ, ni sɛɛ mli lɛ, eeya ŋwɛi

Sɛɛ mli lɛ, Yesu jie ehe kpo etsɔɔ ebɔfoi lɛ.

Yehowa tee Yesu shi kɛ gbɔmɔtso ni ŋwɛibɔfoi lɛ yɔɔ lɛ eko, ni no lɛ, hiŋmɛii enaaa. Shi Yesu kaselɔi lɛ na lɛ be ni eyaa ŋwɛi lɛ.

Nyɔŋmɔ tee Yesu shi, ni ewó lɛ Nyɔŋmɔ Maŋtsɛyeli lɛ nɔ Maŋtsɛ. Daniel 7:13, 14

Yesu ta emaŋtsɛ sɛi lɛ nɔ yɛ e-Maŋtsɛyeli lɛ mli, ni eeye mɛi ni yɔɔ paradeiso mli yɛ shikpɔŋ lɛ nɔ lɛ anɔ

Nyɔŋmɔ hã Yesu kɛ ewala shã afɔle kɛkpɔ̃ adesai. (Mateo 20:28) Kpɔmɔnɔ nɛɛ hewɔ lɛ, wɔbaanyɛ wɔhi shi kɛya naanɔ.

Yehowa ewó Yesu Maŋtsɛ koni eye shikpɔŋ lɛ nɔ. Adesai anɔkwafoi 144,000 baafata ehe kɛye nɔ. Kɛ́ anɔkwafoi nɛɛ gboi ni atee amɛ shi lɛ, amɛbaaya ŋwɛi. Yesu kɛ mɛi 144,000 lɛ ni feɔ Nyɔŋmɔ Maŋtsɛyeli lɛ. Nɔyeli nɛɛ baaye nɔ kɛjɛ ŋwɛi, ni ebaaye jalɛsane.—Kpojiemɔ 14:1-3.

Nyɔŋmɔ Maŋtsɛyeli lɛ baahã shikpɔŋ lɛ atsɔ paradeiso. Ta, awuiyeli, ohia, kɛ hɔmɔ sɛɛ baafo. Wɔmii baashɛ wɔhe diɛŋtsɛ.—Lala 145:16.