Ani Yehowa Boɔ Wɔ Toi?

Nyɔŋmɔ boɔ wɔsɔlemɔi atoi. 1 Petro 3:12

Yehowa ji “Sɔlemɔ Toibolɔ.” (Lala 65:2) Eesumɔ ni wɔjɛ wɔtsui mli wɔ kɛ lɛ awie.

Sɔlemɔ ohã Yehowa, shi jeee mɔ kroko.

Wɔbaanyɛ wɔsɔle yɛ nibii babaoo ahe. 1 Yohane 5:14

Sɔlemɔ ni afee Nyɔŋmɔ suɔmɔnaa nii yɛ shikpɔŋ lɛ nɔ, tamɔ bɔ ni afeɔ yɛ ŋwɛi lɛ.

Bi Yehowa koni eye ebua bo ni ofee nɔ ni ja. Obaanyɛ osɔle kɛhã niyenii, nitsumɔ, wɔɔhe, atade, kɛ gbɔmɔtsoŋ hewalɛ.

Sɔlemɔ yɛ Yesu gbɛ́i mli ni okɛtsɔɔ akɛ ohiɛ sɔɔ nɔ ni efee ehã bo lɛ.