Fã 6 Hiɛkpamɔ Wiemɔ

Be ni Israelbii lɛ yashɛ Shiwoo Shikpɔŋ lɛ nɔ lɛ, sɔlemɔ buu lɛ ji he ni amɛjá Nyɔŋmɔ yɛ. Osɔfoi lɛ tsɔɔ amɛ Mla lɛ, ni kojolɔi lɛ nyiɛ maŋ lɛ hiɛ. Fã nɛɛ hãa wɔnaa faŋŋ akɛ, wɔyiŋkpɛi kɛ wɔnifeemɔi baanyɛ asa mɛi krokomɛi ahe waa. Ehe bahia ni Israelnyo fɛɛ Israelnyo aye Yehowa kɛ enaanyo gbɔmɔ anɔkwa. Hã obi lɛ ana bɔ ni nibii ni tee nɔ yɛ Debora, Naomi, Yoshua, Hana, Yefta biyoo lɛ, kɛ Samuel shihilɛ mli lɛ sa mɛi ni yɔɔ hei ni amɛhi lɛ ahe. Hã efee faŋŋ akɛ, mɛi ni jeee Israelbii po, tamɔ Rahab, Rut, Yael, kɛ Gibeonbii lɛ, kpɛ amɛyiŋ akɛ amɛbaafata Israelbii lɛ ahe, ejaakɛ amɛna akɛ Nyɔŋmɔ kɛ amɛ yɛ.