Nyɔŋmɔ Naakpɛɛ Nitsumɔi Lɛ

1. Nyɔŋmɔ, ole miyaa kɛ mibaa,

Mishitamɔ kɛ mishitee fɛɛ mli.

Oji mitsuiŋ susumɔi amlipɛilɔ,

Ole miwiemɔi kɛ minyiɛmɔi

fɛɛ jogbaŋŋ.

Ni be ni ashɔ̃ mi yɛ teemɔŋ,

Ona miwui lɛ fɛɛ fitsofitso.

Nuŋtsɔ, be ni aŋɔ mi hɔ lɛ, ona.

Oyɛ hewalɛ,

onitsumɔi yɛ naakpɛɛ.

Nyɔŋmɔ, onilee hãa mɔ naa kpɛɔ ehe;

Ni misusuma le enɛ krɛdɛɛ.

Kɛ́ mitsui fã akɛ duŋ baaha minɔ,

Nyɔŋmɔ mumɔ lɛ baatao misɛɛgbɛ.

Nyɔŋmɔ, nɛgbɛ majo foi kɛya,

Aloo matee mihe ni onaŋ mi?

Ŋshɔ mli jio, duŋ kɛ Gbonyobu mli jio,

He ko he ko bɛ ni maya

ni onaŋ mi.