Yehowa “Ato Bo Najiaŋ Pɛpɛɛpɛ”

1. Anɔkwafo ji Yehowa ni ele

Mɛi fɛɛ ni kɛ tsui krɔŋŋ jáa lɛ.

Nibii ni ŋmɛɔ wɔ yɛ esɔɔmɔ hewɔ,

Ele ni ebaato najiaŋ.

Wekumɛi kɛ nanemɛi fɛɛ ni wɔshi,

Yehowa wɔ-Nyɔŋmɔ le fɛɛ.

Etoɔ wɔ najiaŋ kɛ nyɛmimɛi bianɛ,

Kɛ wala hu yɛ jeŋ hee lɛŋ.

2. Bei komɛi, shihilɛ jeɔ wɔtsine kwraa;

Je nɛŋ haomɔi yeɔ wɔtsui waa.

Wɔnuɔ he akɛ wɔhewalɛ etã,

Ni wɔjatsui tsii fe wɔ kwraa.

Miishɛjemɔ Nyɔŋmɔ le wɔhiamɔ nii;

Lɛ ji sɔlemɔ Toibolɔ.

E-Wiemɔ, emumɔ, kɛ nyɛmimɛi fɛɛ

Baahã wɔná miishɛjemɔ.