Lala 161
Eŋɔɔ Minaa Akɛ Mafee Osuɔmɔnaa Nii
1. Be ni Kristo jɛ Yordan faa lɛŋ,
Ejwɛŋ owiemɔi fɛɛ anɔ.
Eye bo anɔkwa be fɛɛ be
Ni etsu egbɛfaŋ nɔ.
Be ni Satan kaa Yesu Kristo,
Ekɛ ehiɛ fɔ̃ onɔ.
Ekɛ ewala fɛɛ sɔmɔ bo.
Mi hu mafee nakai nɔŋŋ.
(CHORUS)
Mafee osuɔmɔnaa nii daa.
Owiemɔi kã mitsui nɔ waa!
Nuŋtsɔ Nyɔŋmɔ, oyɛ suɔmɔ.
Maye bo anɔkwa daa.
Mafee osuɔmɔnaa nii daa.
Mihiɛnɔkamɔ nɔ bɛ kwraa!
Nuŋtsɔ Nyɔŋmɔ, omlai yɛ krɔŋŋ.
Majie oyi be fɛɛ be
Kɛya naanɔ!
2. Owiemɔ hãa mileɔ bo jogbaŋŋ.
Majwɛŋ owiemɔ lɛ nɔ daa.
Mikɛ miishɛɛ baashiɛ be fɛɛ be.
Majaje ohe sane.
Mikɛ minyɛmimɛi baaja bo.
Wɔbaajie ogbɛ́i yi daa.
Nuŋtsɔ Nyɔŋmɔ ogbɛ́i kã minɔ.
Mikɛ miishɛɛ baafã he!
(CHORUS)
Mafee osuɔmɔnaa nii daa.
Owiemɔi kã mitsui nɔ waa!
Nuŋtsɔ Nyɔŋmɔ, oyɛ suɔmɔ.
Maye bo anɔkwa daa.
Mafee osuɔmɔnaa nii daa.
Mihiɛnɔkamɔ nɔ bɛ kwraa!
Nuŋtsɔ Nyɔŋmɔ, omlai yɛ krɔŋŋ.
Majie oyi be fɛɛ be
Kɛya naanɔ!
Maye bo anɔkwa!