Wiemɔ Sane Ko Ni Mɔ Lɛ Baanya He

Nɔ Ni Yesu Fee

VIDIO: Yesu Kɛ Yoo Lɛ Ni Ba Nubu Lɛ He Lɛ

1. Kwɛmɔ VIDIO lɛ, loo kanemɔ Yohane 4:​6-9. No sɛɛ lɛ, susumɔ sanebimɔi ni nyiɛ sɛɛ nɛɛ ahe:

1. Mɛni Yesu na? Ni mɛɛ gbɛ nɔ ekɛ no je sanegbaa shishi?

2. Yesu kɛɛ lɛ akɛ: “Hã mi nu lɛ eko manu.” Mɛni hewɔ ehi akɛ Yesu wie nu he kɛje esanegbaa lɛ shishi?

Mɛni Wɔkaseɔ Yɛ Nɔ Ni Yesu Fee Lɛ Mli?

2. Bei pii lɛ, kɛ́ wɔwó sane ko ni wɔmiina akɛ mɔ lɛ baasumɔ ni ewie he lɛ nɔ lɛ, mɔ lɛ náa he miishɛɛ akɛ ekɛ wɔ baagba sane.

Kasemɔ Yesu

3. Tsakemɔ ohe owo shihilɛ lɛ mli. Kaanu he akɛ doo lɛ, okɛ sane ni okɛsaa ohe lɛ aje sanegbaa shishi. Wiemɔ nɔ ko ni oona akɛ mɔ lɛ baasumɔ ni ewie he nakai gbi lɛ he kɛje sanegbaa lɛ shishi. Bi ohe akɛ:

1. ‘Mɛni yaa nɔ ni abɔ he amaniɛ yɛ TV loo redio nɔ?’

2. ‘Mɛni mikutsoŋbii, mɛi ni mikɛtsuɔ nii, loo mɛi ni mikɛyaa skul lɛ miiwie he waa?’

4. Okɛ ohiɛ afɔ̃ shi. Bi ohe akɛ:

1. a. ‘Mɛni mɔ lɛ feɔ bianɛ? Mɛni he ekolɛ esusuɔ?’

2. b. ‘Kɛ́ mikwɛ atade ni mɔ lɛ wo, mɔ lɛ hesaamɔ, loo nibii ni yɔɔ eshĩa lɛ, mɛɛ jamɔ mli nɛkɛ mɔ lɛ yɔɔ, loo mɛɛ gbɔmɔ eji?’

3. d. ‘Ani be ni mikɛ lɛ yaawie nɛɛ hi?’

5. Bo lɛ toi.

1. Kaawie pii.

2. Ye obua mɔ lɛ ni etsɔɔ ejwɛŋmɔ. Kɛ́ ebaahi lɛ, bi lɛ saji.