Maŋtsɛyeli Jajelɔi Bɔ Amaniɛ

Ŋshɔkpɔi Pii Amli Efili Amɛ

YESU wiemɔ ni ekɛshi ekaselɔi lɛ ji: “Ni nyɛaafee midasefoi kɛyashi shikpɔŋ lɛ naagbee hei.” (Bɔfoi lɛ Asaji 1:⁠8) Yɛ naagbee lɛ nakai nitsumɔ lɛ baakɔ Pasifik Anaigbɛ fɛɛ, yɛ he ni Buu Mɔɔ Biblia kɛ Woji Bibii Asafo lɛ nitsumɔ he nine ni yɔɔ Guam lɛ kwɛɔ Maŋtsɛyeli lɛ nitsumɔ ni yaa nɔ yɛ Micronesia fɛɛ nɔ yɛ lɛ he. Mɛi ni yɔɔ ŋshɔkpɔi fɛfɛji nɛɛ anɔ lɛ ateŋ mɛi pii amli efili amɛ ŋmɛnɛ. Mɛni hewɔ? Lala 97:1 kɛ yiŋtoo lɛ haa: “Yehowa miiye maŋtsɛ! Shikpɔŋ lɛ mli afili Iɛ, ŋshɔkpɔi babaoo lɛ anya!”

Awieɔ wiemɔi sɔrɔtoi babaoo yɛ ŋshɔkpɔi nɛɛ anɔ yɛ nɛkɛ je nɛɛ fa nɛɛ, ni enɛ etsɔ naagba wulu ko yɛ sanekpakpa lɛ gbɛɛ-kɛ-shwamɔ akɛ “Yehowa miiye maŋtsɛ” lɛ mli. No hewɔ lɛ, nɔ ko ni sa kadimɔ jogbaŋŋ yɛ sɔɔmɔ afi nɛɛ mli ji Buu-Mɔɔ lɛ ni baa daa nyɔŋ nɔ lɛ ni nine shɛ nɔ yɛ wiemɔi titrii enumɔ ni awieɔ yɛ ŋshɔkpɔ nɛɛ nɔ lɛ amli kɛ agbɛnɛ My Book of Bible Stories lɛ kɛ wolo bibioo, Na Wala Mli Ŋɔɔmɔ pɛ Shikpɔŋ Nɔ lɛ ni nine eshɛ nɔ yɛ Micronesia wiemɔi sɔrɔtoi amli lɛ, Woji ni aaaná yɛ nɛkɛ gbɔmɛi ni yɔɔ hei banee nɛɛ awiemɔ mli lɛ ji jɔɔmɔi diɛŋtsɛ, ni etsuɔ hiamɔ kpele ko he nii. Ŋshɔkpɔ lɛ nɔ bii lɛ boɔ wiemɔ lɛ toi jogbaŋŋ, akɛni Kristendom jamɔi lɛ gbaaa amɛhe naa akɛ amɛaatsɔɔ woji ashishi kɛaaba amɛwiemɔi amli lɛ hewɔ.

◻ Akɛ nɔkwɛmɔ nɔ lɛ, yɛ ŋshɔkpɔ fɛfɛo ko ni ji Moen ni yɔɔ Truk nɔ lɛ, sanekpakpa shiɛlɔi lɛ bɔ amaniɛ akɛ My Book of Bible Stories lɛ ni je kpo yɛ Trukese wiemɔ mli lɛ helɛ shiatsɛmɛi ni nine shɛ nɔ lɛ ashi waa ni amɛkɛtsɔɔ amɛnanemɛi kɛ wekumɛi. Gbɔmɛi kɛ maŋsɛɛ sanekpakpa shiɛlɔi lɛ kpeɔ yɛ gbɛjegbɛi anɔ ni amɛwaa amɛ ni amɛmiibi nɛkɛ wolo nɛɛ shi, ni amɛteŋ mɛi komɛi po yaa maŋsɛɛ sanekpakpa shiɛlɔilɛ ashiai dani atswaa lebi 6:30 koni amɛyatao eko. Agbɛnɛ mɛi krokomɛi hu tee Nɔyeli lɛ Nitsumɔ ni Kwɛɔ Tsɔsemɔ kɛ Woloŋlee nɔ lɛ koni amɛyahe ekomɛi kɛjɛ Yehowa Odasefoi ni tsuɔ nii yɛ jɛmɛ lɛ adɛŋ.

Tsɔɔlɔ ko bi nɔ hewɔ ni Yehowa Odasefoi baanyɛ afee wolo ni tamɔ nɛkɛ yɛ Trukese wiemɔ mli yɛ be mli ni Katolekbii kɛ Protestantbii ni amɛhi ŋshɔkpɔ lɛ nɔ afii babaoo lɛ nyɛko amɛfee nɔ ko ni tamɔ nɛkɛ lɛ shi. Mɛi komɛi po ni tsutsu lɛ amɛteɔ shi amɛwoɔ anɔkwale lɛ miisumɔ wolo nɛɛ eko.

Niiashikpamɔ ko ni jɛ Marshall ŋshɔkpɔi lɛ anɔ lɛ tsɔɔ bɔ ni ◻ Biblia mli anɔkwale baanyɛ ekɛ ekomefeemɔ kɛ miishɛɛ aba shia. Wu lɛ, daatɔlɔ ni, ni eshɛreɔ zigaret waa, ni Katoleknyo ni hiɛ dɔɔ yɛ ejamɔ he hu ji lɛ. Odasefoi enyɔ yasara lɛ yɛ eshia, ni yɛ bɔ ni eŋa lɛ teɔ shi ewoɔ Iɛ fɛɛ sɛɛ lɛ, ekpɛlɛ Biblia lɛ kasemɔ nɔ. Ŋa lɛ te shi wo lɛ waa afii etɛ ni nyiɛ sɛɛ lɛ mli. Shi yɛ be mli ni ŋa lɛ na bɔ ni anɔkwale lɛ etsake lɛ ni ekpa zigaret shɛremɔ, ni etɔɔɔ daa, ni agbɛnɛ ekɛ eweku lɛ feɔ nɔ fɛɛ nɔ lɛ, naagbee lɛ yoo lɛ bo sanekpakpa lɛ toi ni eje shishi akɛ eeegba nɔ ni ekaseɔ lɛ etsɔɔ mɛi krokomɛi. Amɛkɛ amɛgbalashihilɛ lɛ wo mla shishi ni amɛkɛ nu mli baptisimɔ fee amɛhe nɔ ni amɛjɔɔ amɛha Yehowa lɛ he okadi. Nuu lɛ miisɔmɔ akɛ onukpa yɛ asafo lɛ mli bianɛ. Eŋa lɛ hu miikpa gbɛ akɛ ekɛ ehe baawo gbɛgbamɔ sɔɔmɔ lɛ mli.

Miishɛɛ kɛ toiŋjɔlɛ eba shia nɛɛ taakɛ éfee eha shiai pii yɛ ŋshɔkpɔ lɛ nɔ lɛ, taakɛ lalatsɛ lɛ kɛɛ akɛ ebaaba lɛ ákɛ mɛi amli baafili amɛ akɛni Yehowa miiye Maŋtsɛ lɛ hewɔ.​—Lala 144:⁠15.

[Shikpɔŋ he mfonirii babaoo ni yɔɔ baafa 8]

(Kɛ́ ootao ona bɔ ni saji nɛɛ ji diɛŋtsɛ lɛ, no lɛ kwɛmɔ wolo lɛ mli)

Belau

Yap

Rota

Guam

Saipan

Truk

Ponape

Kosrae

Nauru

Marshall Islands

Kiribati

Midway Islands

Pacific Ocean