Sanebimɔi Ni Jɛ Kanelɔi Adɛŋ

◼ Ani “Asafo Babaoo” Lɛ Mli Bii Lɛ Bafeɔ Yehowa Jeŋ Muu Fɛɛ Gbɛjianɔtoo Lɛ Fa?

Amrɔ nɛɛ, dani “amanehuIu kpeteŋkpele” lɛ aaaba lɛ, Yehowa Odasefoi fɛɛ sɔmɔɔ yɛ ekomefeemɔ mli. (Mateo 24:21) Mligbalamɔ ko bɛ amɛteŋ yɛ anɔkwale ni eji akɛ kuu bibioo ko ji mɛi ni akɛ mumɔ efɔ amɛ mu ni amɛkwɛɔ gbɛ akɛ amɛbaaya ŋwɛi, ni amɛteŋ mɛi babaoo lɛ ahiɛnɔkamɔ ji kɛha naanɔ wala yɛ shikpɔŋ nɔ paradeiso lɛ mli. Taakɛ Yesu tsɔɔ lɛ, “gwantɛŋi” kɛ “toi krokomɛi” nɛɛ bafeɔ “kuu kome” ni afee amɛ ekome. (Yohane 10:​11, 16) No hewɔ lɛ, nakai kui sɔrɔtoi enyɔ ni hiɛ hiɛnɔkamɔi sɔrɔtoi enyɔ nɛɛ feɔ Yehowa tsuji asafo ni yɔɔ bianɛ lɛ.

Yehowa ejɛ jeeŋmɔ beebe ena akɛ eyoo lɛ baashwere. Etsɔɔ akɛ abaabua gbɔmɛi, babaoo anaa kɛjɛ jeŋmaji fɛɛ mli. (Yesaia 60:​1-22; 61:​5-9) Kpojiemɔ wolo lɛ kɛɛ “asafo babaoo ni mɔ ko mɔ nyɛŋ akane ni jɛ jeŋmaŋ fɛɛ jeŋmaŋ kɛ akutsei kɛ maji kɛ majianɔ wiemɔi amli damɔ maŋtsɛsɛi lɛ hiɛ kɛ toobi lɛ hiɛ.” Mɛnɛɛmɛi hiɛ shikpɔŋ nɔ hiɛnɔkamɔ, jeee mumɔŋ bii ni afɔ amɛ mu ni damɔɔ Yehowa je muu fɛɛ asafo Iɛ najiaŋ ŋmɛnɛ Iɛ. Shi moŋ, “asafo babaoo” lɛ damɔ Nyɔŋmɔ maŋtsɛsɛi lɛ kɛ Toobi lɛ hiɛ ni amɛwo atadei yɛji ni afɔ he yɛ Toobi lɛ la lɛ mli. Mɛɛ shidaamɔ fɛfɛo amɛyɔɔ bianɛ po nɛkɛ!​—Kpojiemɔ 7:​9-17.

Akaa emuuyeli mli ni “asafo babaoo” lɛ mli bii nɛɛ hiɛ Iɛ hu akwɛɔ. Anɔkwayeli mli ni amɛ aaahiɛ bianɛ kɛbote Afii Akpe Nɔyeli lɛ mli kɛtsɔ naagbee kaa lɛ mli lɛ baaha Yehowa abu amɛ bem akɛ adesai ni yeɔ emuu kɛfata Yesu “toi krokomɛi” ni atee amɛ shi kɛjɛ gbohii ateŋ lɛ ahe. Akɛni ‘amɛye amɛhe kɛjɛ fitemɔ nyɔŋyeli lɛ mli’ hewɔ lɛ, amɛbaana “Nyɔŋmɔ bii lɛ anunyam heyeli lɛ.” (Romabii 8:31) Yɛ nakai be lɛ mli lɛ, amɛbaafee tamɔ bɔni Adam kɛ Hawa yɔɔ yɛ shishijee Iɛ, Yehowa jeŋ muu fɛɛ gbɛjianɔtoo ni anaa lɛ mli bii. Amɛbaaye emuu, Yehowa bɔɔ nii ni yɔɔ jwɛŋmɔ kɛ egbɛjianɔtoo ni tamɔ enɛ ni yɔɔ ŋwɛi lɛ mli bii.

February Daa Gbi Ŋmalɛ

(Kɛ́ ootao ona bɔ ni saji nɛɛ ji diɛŋtsɛ lɛ, no lɛ kwɛmɔ wolo lɛ mli)