Ŋwɛi Toiŋjɔlɛ Kɛha Mɛi Ni Yehowa Etsɔɔ Amɛ Nii
“Obii Iɛ fɛɛ aaafee mɛi ni Yehowa etsɔɔ amɛ nii, ni obii Iɛ atoiŋjɔlɛ baafa babaoo.”—YESAIA 54:13, New World Translation.
1, 2. Toiŋjɔlɛ mli ŋɔɔmɔ ni aaana lɛ damɔ mɛni nɔ?
TOIŊJƆLƐ! Kwɛ bɔ ni asumɔɔ enɛ jogbaŋŋ ha! Ní kɛlɛ, nɔ ni bɛ adesa yinɔsɔne mli ji toiŋjɔlɛ. Mɛni hewɔ eyɔɔ nakai?
2 Toiŋjɔlɛ nɔmɔ kpɛtɛ bulɛ kɛha nɔyelii loo hegbɛ he kpaakpa. Ni namɔ ji hegbɛ ni nɔ kwɔ fe fɛɛ yɛ jeŋ muu fɛɛ? Bɔlɔ, Yehowa Nyɔŋmɔ. No hewɔ lɛ, wekukpaa ni akpɛlɛ nɔ ni aaaka mɔ kɛ lɛ teŋ lɛ he miihia kɛha toiŋjɔlɛ. (Lala 29:11; 119:165) Kɛ afite nakai wekukpaa ni he hiaa fe fɛɛ lɛ, anyɛŋ ana anɔkwale toiŋjɔlɛ kɛ Nyɔŋmɔ, kɛ mɔ naanyo, aloo yɛ mɔ diɛŋtsɛ mli—Yesaia 57:21.
Nɔ Hewɔ Ni Jɛ lɛ Bɛ Toiŋjɔlɛ
3. Te afee tɛŋŋ afite wekukpaa ni ka adesai kɛ Nyɔŋmɔ teŋ lɛ?
3 Taakɛ wɔ fɛɛ wɔle lɛ, adesa yinɔsane shishijee sɛɛ nɔŋŋ pɛ kɛkɛ ni Nyɔŋmɔ mumɔŋ bi ko tse atua eshi Yehowa. Atuatsemɔ tsɔɔ tawuu shihilɛ Nakai toiŋjɔlɛ fitelɔ, ni abale lɛ akɛ Satan Abonsam lɛ wo Hawa hewalɛ akɛ ekaŋmɛ gbɛ ni Nyɔŋmɔ mla miitsi lɛ gbɛ kɛji akɛ ebaafee nɔ ko ni he baaba sɛɛnamɔ ahe lɛ. Abonsam tsɔmɔ anɔkwalei lɛ, ni eha enu shishi akɛ aashɔ wekukpaa kpakpa ko kɛmiijɛ edɛŋ kɛtsɔ toiboo ni eeefee eha Nyɔŋmɔ lɛ nɔ. Egbalɔ ejwɛŋmɔ kɛtee pɛsɛmkunya nɔ, kɛtee miklɛŋklɛŋ nifeemɔ nɔ, Etsɛɛɛ ni ewu yafata ehe yɛ emlakwamɔ su lɛ mli ni yɛ enɛ hewɔ lɛ, nakai mumɔ lɛ na amɛseshibii fɛɛ nɔ hewalɛ.—1 Mose 3:1-6, 23, 24; Romabii 5:12.
4, 5. (a) Satan enyɛ ena adesai asusumɔ nɔ hewalɛ kɛyashɛ nɛgbɛ?(b) Enɛ ena mɔdɛŋ ni gbɔmɔ bɔɔ koni ena toiŋjɔlɛ lɛ nɔ hewalɛ yɛ mɛɛ gbɛ nɔ?
4 Jeee adesai ateŋ mɛi fioo pɛ kɛkɛ kuɔ amɛhiɛ amɛshwieɔ mla nɔ. Ŋmalɛi lɛ kɛɔ akɛ Satan “miishishiu jeŋ muu lɛ fɛɛ.” (Kpojiemɔ 12:9) Mɛi komɛi yeee mla nɔ kwraa, amɛbɛ bulɛ ko kwraa kɛha Nyɔŋmɔ kɛ amɛnaanyo gbɔmɔ; mɛi krokomɛi hu bɛ nakai. Shi bɔ ni Satan ebɔ mɔdɛŋ ena adesai asusumɔ nɔ hewalɛ waa eha hewɔ lɛ, eha bɔfo Yohane kɛɛ akɛ: “Jeŋ muu fɛɛ ka mɔfɔŋ lɛ hewalɛ mli.” (1 Yohane 5:19) Kɛji akɛ gbɔmɛi miisumɔ ni amɛhe amɛye akɛ Abonsam yɛ aloo ebɛ lɛ, amɛfeɔ nɔ ni esumɔɔ hu kɛ̃. Amɛboɔ lɛ toi no hewɔ lɛ, lɛ ji amɛnɔyelɔ. Nɔ ni ejɛ mli eba ji akɛ, adesai etsi amɛhe kɛjɛ Nyɔŋmɔ he, nyɛɛ ka amɛkɛ Nyɔŋmɔ teŋ. Ani eyɛ naakpɛɛ mɔ akɛ adesai amɔdɛŋbɔɔ koni amɛná toiŋjɔlɛ lɛ efee nijiaŋwujee yɛ shihilɛi ni tamɔ nɛkɛ shishi—Kolosebii 1:21.
5 Shi kɛlɛ, gbɔmɛi nii amɛyifaa daa nɛɛ ni jɛ jeŋmaji fɛɛ mli miina ŋwɛi toiŋjɔlɛ, toiŋjɔlɛ ni jɛ Nyɔŋmɔ ŋɔɔ. Te fee tɛŋŋ ni enɛ ba hu?
Toiŋjɔlɛ Ni Haa Mɔ Tsui Nyɔɔ Emli Ni Nyɔŋmɔ Kɛhaa Lɛ
6. (a) Mɛni nɔ mi Biblia lɛ maa yɛ toiŋjɔlɛ he? (b) Namɔ nɔ wɔbaatsɔ ni wɔnyɛ wɔna toiŋjɔlɛ ni Nyɔŋmɔ kɛhaa lɛ mli ŋɔɔmɔ?
6 Átsɔɔ bɔ ni Yehowa ji lɛ mli jogbaŋŋ yɛ Romabii 15:33 (NW) akɛ: “Nyɔŋmɔ ni haa toiŋjɔlɛ.” Eji Nyɔŋmɔ yiŋtoo kɛjɛ shishijee akɛ ebɔɔ nii fɛɛ ana toiŋjɔlɛ mli ŋɔɔmɔ. E-Wiemɔ Biblia lɛ ni jɛ mumɔŋ lɛ wieɔ toiŋjɔlɛ he fe shii 300. Efeɔ lɛ faŋŋ akɛ Yesu Kristo ji “Toiŋjɔlɛ Lumɔ” lɛ. (Yesaia 9:5, 6) Lɛ ji mɔ ni Nyɔŋmɔ kɛ nitsumɔ ewo edɛ akɛ efite nakai shishijee toiŋjɔlɛ fitelɔ, Satan Abonsam nitsumɔi fɛɛ. (1 Yohane 3:8) Ni wɔteŋ mɔ fɛɛ mɔ baanyɛ ana toiŋjɔlɛ ni haa mɔ tsui nyɔɔ emli ni Nyɔŋmɔ kɛhaa lɛ mliŋɔɔmɔ kɛtsɔ “Toiŋjɔlɛ Lumɔ” lɛ nɔ.
7. (a) Mɛni fata toiŋjɔlɛ ni Nyɔŋmɔ kɛhaa lɛ he? (b) Mɛni hewɔ ejeee nɔ ko ni esa akɛ wɔmɛ yɛ he kɛyashi be mli ni gbɛjianɔtoo momo nɛɛ aaaya ni wɔna emuuyeli yɛ naagbee dã?
7 Mɛɛ naakpɛɛ toiŋjɔlɛ enɛ ji! Efe tawuu ni bɛ dɔŋŋ pɛ kɛkɛ. Hebri wiemɔ sha.lohm’ ni afɔɔ eshishitsɔɔmɔ akɛ “toiŋjɔlɛ” lɛ tsɔɔ gbɔmɔtsoŋ hewalɛnamɔ, shweremɔ kɛ shweshweeshwe shihilɛ. Esoro Nyɔŋmɔ toiŋjɔlɛ lɛ ni anɔkwale Kristofoi yɔɔ lɛ kwraa. Ejaakɛ jeee shihilɛ mli ni amɛyɔɔ lɛ nɔ edamɔ. Enɛ etsɔɔɔ akɛ shihilɛi ni amɛyɔɔ mli ni ehiii lɛ esaaa amɛhe. Shi amɛnaa mligbɛ hewalɛ ko ni yeɔ buaa amɛ ni haa amɛtsiɔ amɛhe kɛjɛɔ basabasafeemɔi ni yaa nɔ lɛ ahe akɛni amɛtɔɔɔ owele kɛji akɛ esa amɛhe lɛ hewɔ. (Romabii 12:17, 18) Mɔ ko baanyɛ afee mɔ ni he miiye yɛ gbɔmɔtsoŋ aloo heloo gbɛfaŋ nibii fioo ko pɛ eyɔɔ, shi ebaanyɛ efee mɔ ni yɔɔ hewalɛ ni shwereɔ yɛ mumɔŋ ni yɛ enɛ hewɔ lɛ enaa toiŋjɔlɛ ni jɛ Nyɔŋmɔ ŋɔɔ lɛ mli ŋɔɔmɔ. Eka shi faŋŋ akɛ toiŋjɔlɛ ni gbɔmɛi ni tamɔ nɛkɛ lɛ anine shɛɔ nɔ lɛ mli baalɛɛ beni nɛkɛ pɛsɛmkunya je nɛɛ etee, emli baakwɔ yɛ be mli ni adesai fɛɛ eshɛ emuuyeli he. Shi ŋwɛi toiŋjɔlɛ ni yɔɔ bianɛ lɛ ji shihilɛ ko ni haa mɔ jwɛŋmɔŋ kɛ tsuiŋ toiŋjɔlɛ, dioofeemɔ shihilɛ ko yɛ mligbɛ ni nɔ ni yaa nɔ yɛ gbɔmɔtso lɛ sɛɛgbɛ lɛ kɔɔɔ he eko. (Lala 4:9) Ebaa kɛjɛɔ mɔ kɛ Nyɔŋmɔ teŋ wekukpaa ni akpɛlɛ nɔ lɛ mli. Mɛɛ jwetri ko ni nɔ bɛ po wɔyɔɔ nɛkɛ!
Bii Ni Yehowa Tsɔɔ Amɛ Nii
8. Ŋamɛi ji klɛŋklɛŋ bii ni na nɛkɛ toiŋjɔlɛ kɛ Nyɔŋmɔ kɛtsɔ Yesu Kristo nɔ lɛ mli ŋɔɔmɔ?
8 Namɛi yɔɔ toiŋjɔlɛ ni tamɔ nɛkɛ akɛni Yehowa tsɔɔ amɛ nii ni amɛboɔ ekitai atoi hewɔ lɛ? Yɛ hetoohamɔ mli lɛ, Biblia lɛ gbalaa wɔjwɛŋmɔ klɛŋklɛŋ kwraa lɛ kɛyaa mɛi ni feɔ mumɔŋ Israel lɛ anɔ. Ewie amɛhe yɛ Galatabii 6:16 he ni wɔkaneɔ yɛ akɛ: “Ni mɛi abɔ ni aaanyiɛ yɛ nɛkɛ susumɔkpaa nɛɛ naa lɛ, hejɔlɛ kɛ mɔbɔnalɛ aha amɛ kɛ Nyɔŋmɔ Israel lɛ.” Mɛnɛɛmɛi ji 144,000 lɛ ni Nyɔŋmɔ ehala amɛ koni amɛkɛ Yesu Kristo ana Ŋwɛi wala mli ŋɔɔmɔ lɛ.—Kpojiemɔ 14:1.
9. Mɛni ji “jeŋba he susumɔkpaa” ni fata toiŋjɔlɛ ni mumɔŋ Israel na mli ŋɔɔmɔ lɛ he lɛ?
9 Yɛ klɛŋklɛŋ afii oha lɛ mli lɛ, no mli lɛ mumɔŋ Israel miikase shishijee anɔkwale, “jeŋba he susumɔkpaa,” ni kɔɔ toiŋjɔlɛ ni amɛaana lɛ he diɛŋtsɛ. Ehe miihia ni amɛnu nɛkɛ jeŋba he susumɔkpaa nɛɛ shishi. Yehowa kɛ Mose Mla lɛ etsu nii koni ekɛ nibii kpakpai fɛɛ ni baaba lɛ ahe susuma ama shi fe afii ohai 15. Shi yɛ Yesu Kristo afɔleshaa gbele lɛ sɛɛ lɛ, Mose Mla lɛ mlitaomɔ nɛɛ bafee nɔ ni efii mɔ ko dɔŋŋ. (Hebribii 10:1; Romabii 6:14) Kristofoi anɔyeli kuu ni yɔɔ Yerusalem lɛ yiŋkpɛɛ yɛ ketiafoo he sane lɛ he jie enɛ kpo. (Bɔfoi lɛ Asaji 15:5, 28, 29) Akusɛɛ ama nɔ mi yɛ Galatabii awolo ni jɛ mumɔŋ lɛ mli. Nibii kpakpai ni Mose Mla lɛ fee he mfoniri lɛ ebɔi nitsumɔ agbɛnɛ. Yehowa kɛ tsuishitoo miima nɔ mi yɛ Kristo sɛɛnyiɛlɔi ni afɔ amɛ mu lɛ ajwɛŋmɔ kɛ tsuii amli koni amɛle nɔ ni E-duromɔ ni ejie lɛ kpo kɛtsɔ Kristo nɔ lɛ tsuɔ. Kɛ amɛna hemɔkɛyeli yɛ nɛkɛ gbɛjianɔtoo nɛɛ mli, ni amɛhi shi yɛ naa lɛ, amɛbaana toiŋjɔlɛ sɔrɔto ko ni adesai eshafeelɔi nako eko da lɛ mli ŋɔɔmɔ.—Galatabii 3:24, 25; 6:16, 18.
10. (a) Mɛɛ shiwoo ni aŋma afɔ shi yɛ Yesaia 54:13 baa mli yɛ mumɔŋ Israel nɔ lɛ? (b) Mɛni hewɔ tsɔsemɔ aloo kamɔ ni Yehowa kɛha amɛ lɛ fata nibii ni ha amɛna toiŋjɔlɛ lɛ he?
10 Nakai shiwoo fɛfɛo ni aŋma afɔ shi yɛ Yesaia 54:13 lɛ miiba mli yɛ mumɔŋ Israel nɔ. Jɛmɛ Nyɔŋmɔ wie emumɔŋ bɔɔ nii anɔkwafoi agbɛjianɔtoo lɛ he tamɔ ŋa yɛ akɛ: “Ni obii lɛ fɛɛ aaafee mɛi ni Yehowa etsɔɔ amɛ nii, ni obii lɛ atoiŋjɔlɛ aaafa babaoo.” Shi e-Bi nukpa ji Yesu Kristo diɛŋtsɛ, mɔ ni afɔ lɛ akɛ Mesia beni akɛ mumɔ krɔŋkrɔŋ lɛ fɔ lɛ mu yɛ afi 29 ŋ.B. lɛ. Shi Yehowa ŋwɛi “yoo” lɛ yɛ bii babaoo—144,000 krokomɛi hu ni bafeɔ seshi ni agba ehe sanɛ afɔ shi yɛ 1 Mose 3:15 lɛ sɛɛbii. Yehowa wo shi akɛ ebaafee nɛkɛ bii nɛɛ fɛɛ a-Tsɔɔlɔ kpeteŋkpele. Etsɔɔ amɛ anɔkwale lɛ ni kɔɔ lɛ diɛŋtsɛ kɛ eyiŋtoi ahe lɛ. Ekɛɛ amɛ gbɛ ni esa akɛ amɛtsɔ nɔ amɛsɔmɔ lɛ. Yɛ bei komɛi amli lɛ ehe bahiaa ni ekã aloo etsɔse amɛ. Enɛ baa lɛ nakai kɛji akɛ amɛbooo e-Wiemɔ lɛ toi. Tsɔsemɔ nɔkpɛlɛmɔ baawa moŋ. Shi amɛkɛ heshibaa ekpɛlɛ nɔ akɛ ehe miihia ni amɛfee tsakemɔi ni sa ni tsɔsemɔ lɛ ewo yibii kpakpai—“toiŋjɔlɛ yibii, ni ji jalɛ.”—Hebribii 12:7, 11; Lala 85:9.
“Asafo Babaoo” Ni Atsɔɔ Amɛ Nyɔŋmɔ Gbɛi
11. (a) Namɛi hu Yehowa tsɔɔ amɛ nii yɛ wɔgbii nɛɛ amli lɛ? (b) Mɛɛ gbɛ nɔ amɛtsɔɔ yɛ akɛ amɛsa sanemlitsɔɔmɔ ni akɛha yɛ Yesaia 2:2, 3 lɛ, ni te enɛ esa mɛi komɛi ahe eha tɛŋŋ?
11 Mumɔŋ Israel ji kuu kome pɛ ni Yehowa tsɔɔ amɛ nii yɛ wɔgbii nɛɛ amli. Agbala jwɛŋmɔ kɛtee mɛi krokomɛi hu nɔ yɛ afii nyɔŋmai enumɔ ni eho nɛɛ mli. Akɛ mumɔ tsirɛ Yesaia ni eŋma amɛhe sane yɛ yitso 2 kukuji 2 kɛ 3 akɛ: “Ni aaaba mli akɛ naagbee gbii lɛ amli lɛ, Yehowa we lɛ gɔŋ lɛ aaama shi yɛ gɔji lɛ ayiteaŋ, ni aaawo enɔ fe gɔŋkpɔi lɛ; ni jeŋmaji fɛɛ aaaho kɛaaba he.” Hɛɛ, mɛi ni amɛmɔ anɔkwa Nyɔŋmɔ kome pɛ lɛ jamɔ mli lɛ woɔ nɔ fe nɔ fɛɛ nɔ yɛ amɛshihilɛ mli. No hewɔ lɛ, edamɔɔ shi ni anaa faŋŋ yɛ he fɛɛ he fe jamɔ fɛɛ jamɔ ni tsutsu lɛ amɛkɛ amɛhe wo mli ni je ni ebɔle amɛ lɛ yaa nɔ amɛkɛ amɛhe woɔ mli lɛ. Gbɔmɛi ni jɛ jeŋmaji fɛɛ mli ena enɛ. Amɛna akɛ, nɔ ni je lɛŋ hegbɛi lɛ biɔ aloo yɛ nifeemɔi ni jeee Kristofoi anifeemɔi ni yaa nɔ yɛ je lɛ mli lɛ fɛɛ sɛɛ lɛ, mɛi ni jaa Yehowa lɛ kɛ wekukpaa ni ka amɛkɛ lɛ teŋ lɛ yeɔ klɛŋklɛŋ gbɛhe aloo amɛkɛtaa nɔ fɛɛ nɔ nɔ yɛ amɛshihilɛ mli. Mɛi ni naa lɛ hu eyoo yibii ni enɛ woɔ yɛ nɛkɛ jalɔi nɛɛ ashihilɛ mli, ni mɛi pii miisumɔ ni amɛna anɔkwale jamɔ mli gbɛfaŋ nɔ. No hewɔ lɛ, mɛi fe akpekpei etɛ miikɛɛ mɛi krokomɛi bianɛ akɛ: “Nyɛbaa ni wɔyakwɔa Yehowa gɔŋ lɛ, kɛya Yakob Nyɔŋmɔ lɛ we lɛ, koni etsɔɔ wɔ egbɛ̀i lɛ ni wɔnyiɛ etempɔŋi lɛ anɔ.”—Kwɛmɔ Zakaria 8:23.
12. Mɛi ni atsi amɛ ta yɛ Yesaia 2:2, 3 lɛ nine shɛɔ sɛɛnamɔ ko nɔ yɛ Nyɔŋmɔ ni amɛyɔɔ lɛ akɛ amɛ-Tsɔɔlɔ lɛ hewɔ yɛ mɛɛ gbɛ nɔ, ni mɛni ji nitsɔɔmɔ ni ekɛha amɛ lɛ mli fa titri ko ni ekaaa?
12 Bo lɛ susumɔ nɔ ni enɛ tsɔɔ lɛ he—ni amɛaaná Nyɔŋmɔ akɛ amɛ-Tsɔɔlɔ! Mɛi ni nine shɛɔ tsɔsemɔ ni tamɔ nɛkɛ nɔ ni amɛhiɛ sɔɔ ejɛɛhe lɛ bɛ jwɛŋmɔŋ naagbai komɛi. Amɛnaaa ni amɛmli eja enyɔ ni amɛhiɛ jwɛŋmɔi enyɔ yɛ nɔ ni ja Iɛ feemɔ he. Anɔkwale ni jɛ Nyɔŋmɔ Wiemɔ Iɛ mli lɛ mli tse keŋkeŋ. Ni mɛni ji nɔ ni Yesaia 2:4 tsɔɔ akɛ ebaafee tsɔsemɔ ni amɛnine shɛɔ nɔ lɛ fa ni jeɔ kpo faŋŋ? Ekɔɔ bɔ ni amɛnaa toiŋjɔlɛ mli ŋɔɔmɔ yɛ jeŋ ni basabasafeemɔ egbála mli lɛ he. No hewɔ lɛ, yɛ nɔ fɛɛ nɔ ni mɛi aaahala akɛ amɛaafee lɛ sɛɛ lɛ, mɛi ni Yehowa etsɔɔ amɛ nii lɛ ŋɔɔ hegbɛ lɛ ŋmɛnɛ ni amɛkɛ amɛklante feɔ kɔii ni amɛkɛ amɛ akpɔlɔi hu feɔ adedai. Amɛkaseee tawuu dɔŋŋ.
13. “Asafo babaoo” lɛ ba kɛjɛ nɛgbɛ, shi mɛni efee amɛ nɔ gbɔmɛi ni amɛji lɛ?
13 Nɛkɛ kuu nɛɛ nɔŋŋ awie amɛhe yɛ Kpojiemɔ 7:9, 10, 14 akɛ mɛi ni je mli kɛyabote Nyɔŋmɔ toiŋjɔlɛ shikpɔŋ hee ni nyiɛɔ “amanehulu kpeteŋkpele” lɛ sɛɛ baa lɛ mli lɛ. Asafo babaoo ni je mli nɛɛ baa kɛjɛɔ shikpɔŋ lɛ nɔ akutsei, gbɔmɛi, wiemɔi kɛ mɔji sɔrɔtoi anɔ. Amɛteŋ mɛi pii ji mɛi ni tsutsu lɛ, amɛhɔlɔ kui ni kɛ amɛhe wuɔ ta lɛ amli. Mɛi krokomɛi hu diɔ shihilɛ ko ni ji pɛsɛmkunya shihilɛ sɛɛ; ni kɛlɛ, enɛ hu fiteɔ toiŋjɔlɛ mli ŋɔɔmɔ ni aaana. Shi agbɛnɛ mɛi ni amɛje kpo kɛjɛ jeŋmaji fɛɛ mli nɛɛ sumɔɔ toiŋjɔlɛ, amɛsumɔɔ ni toiŋjɔlɛ aya nɔ. Ni mɛni efee amɛ nakai? Yehowa etsɔɔ amɛ nii.—Yesaia 11:9.
Toiŋjɔiɛ Ko Ni Yɔɔ Sɔrɔto
14. Nyɔŋmɔ webii lɛ atoiŋjɔlɛ damɔ mɛni nɔ, ni nakai enɛ ji yɛ mɛɛ gbɛ nɔ?
14 Toiŋjɔlɛ ni Yehowa kɛduroɔ ewebii lɛ yɛ sɔrɔto lɛlɛŋ. Ejeee nɔ ni baa kɛjɛɔ gbeekpamɔ ni damɔɔɔ shi shiŋŋ ni afeɔ yɛ kui enyɔ ni heee amɛhe amɛyeee lɛ ateŋ lɛ mli baa. Saji ahe ni aaaŋmɛɛ ni akɛsaa ko bɛ enɛ mli. Edamɔ jalɛ nɔ. (Yesaia 32:17) Shi te aaafee tɛŋŋ ni enɛ aaakɔ anɔkwale toiŋjɔlɛ ni kɔɔ adesai ni yeee emuu lɛ ahe lɛ? Akɛ eshafeelɔi lɛ, mɛɛ jalɛ wɔteŋ mɔ ko yɔɔ? Ojogbaŋŋ, wɔbaanyɛ wɔtsɔ hemɔkɛyeli nɔ wɔna jalɛ ni baa kɛtsɔɔ Yesu afɔleshaa ni kpataa esha lɛ jara lɛ nɔ lɛ mli ŋɔɔmɔ.
15. Mɛni Yehowa tsɔɔ mɛi ni batsɔmɔɔ ebii lɛ ni he hiaa kɛha toiŋjɔlɛ yɛ Yesu shikpɔŋ nɔ sɔɔmɔ nitsumɔ be lɛ mli lɛ?
15 Enɛ yeɔ ebuaa wɔ ni wɔyoo nɔ ni Yesu wie taakɛ aŋma afɔ shi yɛ Yohane 6:45-47 (NW) lɛ. No mli lɛ eewie eetsɔɔ Yudafoi ni bako eŋɔɔ akɛ Mesia ni miiwie huhuuhu kɛmiishi lɛ lɛ. Shi ekaselɔi lɛ ahewɔ ni ewie akɛ: “Aŋma yɛ gbalɔi lɛ amli [titri lɛ yɛ Yesaia 54:13] akɛ: ‘Ni amɛ fɛɛ amɛaafee mɛi ni Yehowa etsɔɔ amɛ nii’ Mɔ fɛɛ mɔ ni enu ye Tsɛ lɛ naa ni ekase hu lɛ, abaa miŋɔɔ. Jeee akɛ mɔ ko ena tsɛ lɛ pɛŋ, ja mɔ ni jɛ Nyɔŋmɔ ŋɔɔ lɛ, lɛ ena tsɛ lɛ. Lɛlɛŋ, lɛlɛŋ, miikɛɛnyɛ akɛ: Mɔ ni heɔ minɔ eyeɔ lɛ eyɛ naanɔ wala.” Nakai kaselɔi lɛ kpɛlɛ tsɔɔmɔ ni Yehowa kɛha amɛ lɛ nɔ. Enɛ gbala amɛ kɛbɛŋkɛ Yesu. Beni mɛi krokomɛi kpoo nibii ni etsɔɔ lɛ ni amɛkwa Yesu lɛ, ebɔfoi lɛ kɛ lɛ hi shi. Taakɛ Petro kɛɛ lɛ: “Ni wɔ lɛ wɔhe wɔye ni asɛŋ wɔna wɔle akɛ bo ji Kristo, Nyɔŋmɔ hiɛkalɔ lɛ bi lɛ.” (Yohane 6:69) Yɛ hemɔkɛyeli ni amɛyɔɔ yɛ Yesu Kristo mli hewɔ lɛ, amɛbaanyɛ amɛkɛ Yehowa Nyɔŋmɔ abote toiŋjɔlɛ wekukpaa mli, wekukpaa ni nɔ ni fata he ji naanɔ wala nɔmimaa.
16. (a) Yɛ mɛɛ gbɛ nɔ Kristo sɛɛnyiɛlɔi lɛ na gbɛjianɔ ni ato kɛtsɔ Kristo nɔ lɛ he sɛɛ kɛjɛ Pentekoste afi 33 Ŋ.B.? (b) Yɛ no sɛɛ lɛ, mɛni atao yɛ amɛdɛŋ?
16 Aje shishi akɛ Kristo afɔleshaa lɛ he sɛɛnamɔi lɛ tsu Yesu sɛɛnyiɛlɔi anɔkwafoi ahe nii kɛjɛ Pentekoste afi 33 Ŋ.B. Nɔ ni Paulo ŋma yɛ sɛɛ mli yɛ Romabii 5:1 lɛ ba mli anɔkwale yɛ amɛhe: “Agbɛnɛ akɛ nɔ ni atsɔ hemɔkɛyeli nɔ abu wɔ bem hewɔ lɛ, wɔkɛ Nyɔŋmɔ teŋ yɛ toiŋjɔlɛ yɛ wɔ-Nuŋtsɔ Yesu Kristo hewɔ.” (NW) Amɛ fɛɛ amɛji Adam seshibii yɛ fɔbuu naa. Akɛ eshafeelɔi lɛ, amɛtsi amɛhe kɛjɛ Nyɔŋmɔ he. Nitsumɔ kpakpa ko bɛ ni amɛaatsu ni baanyɛ afo esha ni amɛna akɛ gboshinii lɛ mli. Shi yɛ E-duromɔ hewɔ lɛ, Yehowa kpɛlɛ afɔle ni yeɔ emuu ni Yesu sha eha Adam seshibii lɛ nɔ. Hegbɛ eba agbɛnɛ akɛ aaabu mɛi ni tsɔɔ hemɔkɛyeli yɛ nɛkɛ gbɛjianɔtoo nɛɛ mli lɛ jalɔi koni aŋɔ amɛ akɛ Nyɔŋmɔ bii kɛ ŋwɛi wala he hiɛnɔkamɔ. (Efesobii 1:5-7) Shi ani ebiɔ babaoo yɛ amɛdɛŋ? Hɛɛ, esa akɛ amɛnyiɛ yɛ Yehowa gbɛ́i anɔ. Esaaa akɛ amɛkɛ eshafeemɔ feɔ amɛnitsumɔ dɔŋŋ. Shi amɛyɔse akɛ jalɛ fɛɛ jalɛ ni amɛyɔɔ lɛ jɛ Nyɔŋmɔ duromɔ ni ejie lɛ kpo kɛtsɔ Kristo mli lɛ hewɔ. Taakɛ Ŋmalɛi lɛ kɛɔ lɛ, ‘amɛnaa, toiŋjɔlɛ mli ŋɔɔmɔ kɛtsɔɔ Yesu Kristo nɔ.’
17, 18. (a) Ani “tooi krokomɛi” lɛ naa amɛkɛ Nyɔŋmɔ teŋ toiŋjɔlɛ ni tamɔ nɛkɛ mli ŋɔɔmɔ? (b) mɛɛ sanebimɔi esa akɛ asusu he lolo?
17 Shi mɛi ni Yesu wie amɛhe akɛ “tooi krokomɛi” lɛ hu? (Yohane 10:16) Ani amɛnaa amɛkɛ Nyɔŋmɔ teŋ toiŋjɔlɛ ni tamɔ nɛkɛ mli ŋɔɔmɔ? Jeee akɛ Nyɔŋmɔ bii, shi Kolosebii 1: 19, 20 kɛ amɛ fataa mɛi ni nine shɛɔ ŋwɛi toiŋjɔlɛ nɔ lɛ ahe. Ekɛɔ akɛ Nyɔŋmɔ na akɛ ehi akɛ eeetsɔ Kristo nɔ “ekpata ekɛ nibii fɛɛ teŋ kwraa, nii ni yɔɔ shikpɔŋ nɔ [ni ji akɛ mɛi ni akɛ naanɔ wala yɛ paradeiso shikpɔŋ nɔ baaduro amɛ] kɛ nii ni yɔɔ ŋwɛi lɛ, akɛni lɛ diɛŋtsɛ etsɔ [Yesu] esɛŋmɔtso lá lɛ nɔ eha hejɔlɛ ba lɛ.” Abuɔ mɛi ni hiɛ shikpɔŋ nɔ hiɛnɔkamɔ lɛ akɛ jalɔi ni amɛnaa amɛkɛ Nyɔŋmɔ teŋ toiŋjɔlɛ mli ŋɔɔmɔ bianɛ po, jeee akɛ bii, shi akɛ ‘Nyɔŋmɔ shieŋtsɛmɛi,’ taakɛ Abraham ji lɛ. Mɛɛ shidaamɔ ni duromɔ yɔɔ mli po enɛ ji nɛkɛ!—Yakobo 2:23.
18 Ani bo diɛŋtsɛ lɛ ona toiŋjɔlɛ mli ŋɔɔmɔi Ani ooona mli ŋɔɔmɔ jogbaŋŋ bɔ ni sa kɛha adesai ni yɔɔ wala mli yɛ yinɔsane be ni sa kadimɔ fe fɛɛ nɛɛ mli lɛ? Wɔbaasusu nibii komɛi ni baaye abua ni enɛ anyɛ aba mli nakai lɛ he yɛ nikasemɔ ni nyiɛ sɛɛ nɛɛ mli.
[Shishigbɛ niŋmai]
Ajie kɛjɛ March 15, 1987 Watchtower lɛ mli.
Sanebimɔi Ní Akɛtiɔ Mli
◻ Mɛni hewɔ je lɛ bɛ toiŋjɔlɛ lɛ?
◻ Mɛni ji toiŋjɔlɛ ni Nyɔŋmɔ kɛbaa bianɛ lɛ?
◻ Namɛi baana toiŋjɔlɛ ni tamɔ nɛkɛ mli ŋɔɔmɔ?
◻ Jalɔ he hiaa waa yɛ nɛkɛ toiŋjɔlɛ nɛɛ mli yɛ mɛɛ gba nɔ?
[Mfoniri ni yɔɔ baafa 12]
“Mɔ fɛɛ mɔ ni enu yɛ tsɛ lɛ naa ekase hu lɛ, baa miŋɔɔ”