Yesu Shihilɛ Kɛ Esɔɔmɔ Nitsumɔ

Kaselɔi Pii Kpa Yesu Sɛɛnyiɛmɔ

YESU miitsɔɔ nii yɛ kpee he ko yɛ Kapernaum yɛ bɔ ni eji anɔkwale aboloo ni jɛ ŋwɛi ba lɛ. Eka shi faŋŋ akɛ ewiemɔ lɛ ji nɔ ni ekɛ amɛ susuɔ he yɛ be mli ni amɛna Iɛ yɛ amɛsɛɛkuu kɛmiijɛ Galilea Ŋshɔ lɛ bokagbɛ amɛba lɛ, he ni amɛye aboloi kɛ loi yɛ naakpɛɛ gbɛ nɔ lɛ.

Yesu tee nɔ yɛ wiemɔ Iɛ mli akɛ: “Aboloo ni mikɛbaaha lɛ ji miheloo ni mikɛbaaha yɛ je lɛ wala hewɔ Iɛ.” Afii enyɔ dani eeeye enɛ lɛ, yɛ afi 30 Ŋ.B. agbiɛnaa be mli lɛ, no mli lɛ Yesu ekɛɛ Nikodemo akɛ Nyɔŋmɔ sumɔɔ je lɛ aaahu akɛ ekɛ e-Bi lɛ ha akɛ Yiwalaherelɔ. No hewɔ lɛ, Yesu miitsɔɔ agbɛnɛ akɛ mɔ fɛɛ mɔ ni yɔɔ adesai aje lɛ mli ni yeɔ eheloo Iɛ yɛ okadi gbɛ nɔ, kɛtsɔ hemɔkɛyeli ni eeena yɛ efɔleshaa ni etsɛŋ ebaafee lɛ mli lɛ, nine baashɛ naanɔ wala nɔ.

Shi gbɔmɛi Iɛ nuuu Yesu wiemɔi lɛ shishi. Amɛbi akɛ: “Te mɔ nɛɛ baafee tɛŋŋ ni enyɛ eŋɔ eheloo eha wɔ ni wɔye hu?” Yesu miisumɔ ni etoibolɔi lɛ anu shishi akɛ eheloo lɛ yeli lɛ baafee yɛ okadi gbɛ nɔ. No hewɔ lɛ, ema enɛ nɔ mi, ekɛɛ nɔ ko ni kɛ amɛkɔ sɛɛ yɛ heloo naa lɛ, eeeha amɛnyaŋe waa.

Yesu jaje akɛ: “Kɛji nyɛyeee gbɔmɔbi lɛ heloo ni nyɛnuuu ela lɛ, nyɛbɛ wala yɛ nyɛmli. Mɔ ni yeɔ miheloo ni enuɔ mila lɛ, eyɛ naanɔ wala, ni milɛ matee lɛ shi yɛ naagbee gbi lɛ nɔ. Ejaakɛ miheloo lɛ anɔkwa ŋmaa ni, ni mila lɛ anɔkwa numɔ nɔ ni. Mɔ ni yeɔ miheloo ni enuɔ mila lɛ, ehiɔ mimli, ni mihu mihiɔ emli.”

Lɛlɛŋ, eji Yesu miitsɔɔ gbɔmɔ loo diɛŋtsɛ ni aaaye kulɛ, enitsɔɔmɔ Iɛ baafee nɔ ni asumɔŋ. Shi Yesu etsɔɔɔ heloo diɛŋtsɛ ni aaaye aloo la diɛŋtsɛ ni aaanu. Ema nɔ mi kɛkɛ akɛ esa akɛ mɛi fɛɛ ni nine baashɛ naanɔ wala nɔ lɛ ana hemɔkɛyeli yɛ afɔle ni ebaasha lɛ mli, yɛ be mli ni ekɛ adesa gbɔmɔtso ni yeɔ emuu lɛ shaa afɔle ni efɔseɔ ela eshwieɔ shi lɛ. Ni kɛlɛ, ekaselɔi Iɛ ateŋ mɛi pii ebɔɔɔ mɔdɛŋ po akɛ amɛaanu enitsɔɔmɔ Iɛ shishi. No hewɔ Iɛ amɛte shi amɛwo enɛ: “Wiemɔ ni wa nɛ; namɔ aaanyɛ toi abo?”

Akɛni ele akɛ ekaselɔi Iɛ ateŋ mɛi pii miiwie huhuuhu hewɔ lɛ, Yesu kɛɛ: “Ani enɛ tɔtɔɔ nyɛnane nɛɛ? Shi kɛji nyɛna gbɔmɔ Bi Iɛ miiya ŋwɛi he ni eyɔɔ sa lɛ, no hu? . . . Wiemɔi ni miwie nyɛ lɛ, mumɔ ni, ni wala ni. Shi nyɛteŋ mɛi komɛi yɛ ni heee yeee.”

Yesu tee nɔ akɛ: “Enɛ hewɔ mikɛɛnyɛ akɛ: mɔ ko nyɛŋ miŋɔɔ aba, ja Tsɛ lɛ eha lɛ hegbɛ Iɛ.” Enɛ ha ekaselɔi lɛ ateŋ mɛi pii shi lɛ ni amɛnyiɛɛɛ esɛɛ dɔŋŋ. No hewɔ Iɛ Yesu tsɔ ehe eha bɔfoi 12 lɛ ni ebi amɛ akɛ: “Ani nyɛhu nyɛmiisumɔ akɛ nyɛaatee?”

Petro ha hetoo akɛ: “Nuŋtsɔ, namɔ ŋɔɔ wɔɔtee? Bo oyɔɔ naanɔ wala wiemɔi lɛ; ni wɔ lɛ wɔhe wɔye ni asaŋ wɔna wɔle akɛ bo ji Kristo, Nyɔŋmɔ hiɛkalɔ Iɛ bi lɛ!” Mɛɛ anɔkwayeli wiemɔ fɛfɛo nɛ! Eyɛ mli akɛ ekolɛ Petro kɛ bɔfoi krokomɛi lɛ nuuu Yesu tsɔɔmɔi ni kɔɔ nɛkɛ sane nɛɛ he Iɛ shishi jogbaŋŋ!

Eyɛ mli akɛ ehiɛ sɔ Petro hetoo Iɛ moŋ, shi Yesu kɛɛ: “Ani jeee nyɛyi nyɔŋma kɛ enyɔ mihala? Shi nyɛteŋ mɔ kome lɛ, Abonsam ni.” Ewie Yuda Iskariot he. Ekolɛ eeenyɛ efee akɛ nɛkɛ be mli Yesu “je shishi” eyoo efɔŋfeemɔ gbɛ ko yɛ Yuda mli.

Etsɛko ni Yesu ha gbɔmɛi lɛ anijiaŋ je wui akɛni ekpɛlɛɛɛ nɔ akɛ amɛaafee lɛ maŋtsɛ lɛ hewɔ, ni eeeha amɛsusu akɛ, ‘Te aaafee tɛŋŋ ni mɔnɛ aaafee Mesia Iɛ kɛji akɛ ekpɛlɛɛɛ hegbɛ ni ja ni Mesia lɛ yɔɔ lɛ nɔ lɛ?’ Enɛ hu baafee sane hee yɛ gbɔmɛi lɛ ajwɛŋmɔi amli. Yohane 6:​51-71; 3:⁠16.

◆ Namɛi Yesu kɛ eheloo haa lɛ?

◆ Ni mɛnɛɛmɛi ‘yeɔ eheloo’ lɛ yɛ mɛɛ gbɛ nɔ?

◆ Mɛɛ Yesu wiemɔi kroko ha ŋmiŋmi mɔmɔ gbɔmɛi lɛ, ni kɛlɛ mɛni nɔ mi emaa Iɛ?

◆ Beni mɛi pii kpa Yesu sɛɛnyiɛmɔ lɛ, mɛni Yesu kɛɛ?

[Baafa 31]March Daa Gbi Ŋmalɛ

(Kɛ́ ootao ona bɔ ni saji nɛɛ ji diɛŋtsɛ lɛ, no lɛ kwɛmɔ wolo lɛ mli)