Yesu Shihilɛ Kɛ Esɔɔmɔ Nitsumɔ
Okɛ Nilee Atsu Nii Ni Okɛto Gbɛjianɔ Oha Wɔsɛɛ Be
YESU egbe sane ni kɔɔ bi nyenyeŋtswi Iɛ he Iɛ ni egba etsɔɔ asafo babaoo ko ni ekaselɔi lɛ, toohelɔi ni yeee anɔkwale kɛ eshafeelɔi ni ale amɛ, ni woloŋmalɔi Iɛ kɛ Farisifoi lɛ fata he lɛ naa. Agbɛnɛ beni ewieɔ etsɔɔ ekaselɔi lɛ, ebu amɛ abɛ ko ni kɔɔ niiatsɛ ko ni enu sane ko ni eŋɔɔɔ ni kɔɔ ewe nɔkwɛlɔ Ioo etsulɔnukpa lɛ he.
Taakɛ Yesu tsɔɔ lɛ, niiatsɛ Iɛ tsɛ etsulɔnukpa Iɛ ni ekɛɛ lɛ akɛ ebaashwie lɛ. Tsulɔnukpa lɛ susu eyiŋ ni ekɛɛ: “Ni minuŋtsɔ shɔɔ onukpayeli lɛ yɛ midɛŋ nɛɛ, te mafee tɛŋŋ? Minyɛŋ shi matsa, ni sisɛmɔ hu miifee mi hiɛgbele. Mina nɔ ni mibafee, ni kɛ akpa mi onukpayeli lɛ, ni ahere mi yɛ amɛshiai.”
Mɛni ji tsulɔnukpa Iɛ ŋaa lɛ? Ojogbaŋŋ, etsɛ mɛi fɛɛ ni hiɛ enuŋtsɔ lɛ nyɔmɔ Iɛ. Ebi amɛ akɛ: “Nyɔmɔ enyiɛ ohiɛ minuŋtsɔ lɛ?”
Klɛŋklɛŋ mɔ Iɛ ha hetoo akɛ: ‘Mu galɔŋ 580.’
Kɛkɛ ni ekɛɛ lɛ akɛ: ‘Hemɔ wolo lɛ ni ota shi mra mra ni oŋma 290.’
Ebi mɔ kroko lɛ akɛ: ‘Shi bo hu enyiɛ ohiɛ?’
Eha hetoo akɛ: ‘Ŋmaa flɔtɔi oha.’
‘Hemɔ owolo lɛ ni oŋma nyɔŋmai kpaanyɔ.’
Tsulɔnukpa Iɛ yɛ hegbɛ akɛ ebaa nyɔmɔ ni ahiɛ enuŋtsɔ lɛ shi, ejaakɛ lɛ ji mɔ ni kwɛɔ enuŋtsɔ Iɛ shika saji anɔ lolo. Yɛ nyɔmɔ ni amɛhiɛ ni etse nɔ Iɛ hewɔ lɛ, ekɛ mɛi ni baanyɛ aduro Iɛ loo amɛna lɛ mɔbɔ kɛ elaaje enitsumɔ Iɛ miibɔ naanyo.
Beni nuŋtsɔ lɛ nu nɔ ni eba lɛ, enaa kpɛ ehe yɛ eŋaa Iɛ hewɔ. Yɛ anɔkwale mli lɛ, “ejie tsulɔnukpa Iɛ yi, eyɛ mli akɛ ejaaa, ejaakɛ ekɛ nilee ni anyɛɔ he nii atsuɔ tsu nii.” Yɛ anɔkwale mli lɛ Yesu kɛfata he akɛ: “Nibii agbɛjianɔtoo nɛɛ bii Iɛ le nii yɛ gbɛ ni anyɛɔ akɛtsuɔ nii Iɛ nɔ yɛ amɛ diɛŋtsɛ amɛ yinɔ nɛɛ mli fe la bii lɛ.”
Agbɛnɛ, beni etsɔɔ sane nɛɛ shishi ehaa ekaselɔi lɛ, Yesu wo hewalɛ akɛ: “Nyɛtsɔa ninamɔ ni ejaaa lɛ nɔ nyɛnaa shieŋtsɛmɛi nyɛhaa nyɛhe, koni kɛ enɛɛmɛi bɛ dɔŋŋ lɛ, ahere nyɛ kɛya naanɔ shihilɛ hei lɛ.”
Yesu ejieee tsulɔ lɛ yi yɛ jalɛsane ni eyeee Iɛ hewɔ, shi moŋ bɔ ni ekwɛ nii kɛtee shɔŋŋ, ni ekɛ nilee tsu nii lɛ hewɔ. Yɛ be babaoo mli lɛ, “nibii agbɛjianɔtoo nɛɛ bii” lɛ kɛ ŋaa tsuɔ amɛshika loo gbɛhe he nii koni amɛkɛ mɛi ni baanyɛ aduro amɛ nɔ ko lɛ abɔ naanyo. No hewɔ lɛ, ehe miihia ni Nyɔŋmɔ tsuji, “la bii lɛ” hu kɛ amɛ heloo gbɛfaŋ nibii atsu nii, amɛ “ninamɔ ni ejaaa lɛ,” yɛ nilee mli koni ehe aba sɛɛnamɔ aha amɛ.
Shi taakɛ Yesu kɛɔ lɛ, amɛtsɔ nɛkɛ ninamɔ nɛɛ nɔ amɛkɛ mɛi ni baanyɛ ahere amɛ “kɛya naanɔ shihilɛ hei” lɛ abɔ naanyo. Kɛha asafo bibioo lɛ mli bii lɛ, nɛkɛ hei nɛɛ yɛ ŋwɛi. Kɛha toi krokomɛi lɛ, amɛ Paradeiso lɛ yɛ shikpɔŋ nɔ. Ni akɛni Yehowa Nyɔŋmɔ kɛ e-Bi lɛ pɛ ji mɛi ni baanyɛ ahere mɛi kɛya nɛkɛ hei nɛɛ hewɔ lɛ, esa akɛ wɔkɛ “ninamɔ ni ejaaa” ni wɔyɔɔ lɛ atsu nii yɛ hiɛdɔɔ mli ni wɔkɛfi Maŋtsɛyeli lɛ he nibii asɛɛ koni wɔkɛna nanemɛi yɛ jɛmɛ. Kɛkɛ Iɛ beni heloo gbɛfaŋ nibii bɛ dɔŋŋ loo elaaje lɛ, taakɛ bɔ ni ebaaba mli lɛlɛŋ hu lɛ, abaama wɔ naanɔ wɔsɛɛ be nɔ mi aha wɔ.
Yesu tee nɔ ekɛɛ akɛ gbɔmɛi ni yeɔ anɔkwa yɛ nɛkɛ heloo gbɛfaŋ nibii nɛɛ amli aloo nibii bibii nɛɛ amli lɛ, amɛbaaye anɔkwa hu yɛ saji ni he hiaa lɛ amli.Kɛkɛ ni etee nɔ akɛ: “No hewɔ lɛ kɛ nyɛyeko anɔkwale yɛ ninamɔ ni ejaaa Iɛ mli lɛ, hamɔ kɛ nɔ ni ji anɔkwale [ni ji mumɔŋ nibii loo Maŋtsɛyeli lɛ he nibii] lɛ aaawo nyɛdɛŋ? Ni kɛ nyɛyeko mɔ kroko nɔ mli anɔkwa lɛ, [Maŋtsɛyeli lɛ he nibii ni Nyɔŋmɔ kɛwo etuji adɛŋ lɛ], nyɛ diɛŋtsɛ nyɛ nɔ [wala he nyɔmɔwoo yɛ naanɔ shihilɛ he] lɛ, namɔ aaŋɔ ha nyɛ?”
Wɔnyɛŋ wɔtsɔmɔ Nyɔŋmɔ anɔkwa tsuji ni yɛ nakai beaŋ nɔŋŋ lɛ wɔtsɔmɔ ninamɔ ni ejaaa lɛ, heloo gbɛfaŋ ninamɔ nyɔji, taakɛ Yesu mu naa lɛ: “Wenuu ko nyɛŋ nuŋtsɔmɛi enyɔ asɔmɔ; ejaakɛ ekolɛ eeenyɛ mɔ kome ni eeesumɔ mɔ kroko lɛ, aloo eeekpɛtɛ mɔ kome he, ni eeegbe mɔ kroko lɛ he guɔ. Nyɛnyɛŋ nyɛtsɔmɔ tsuji nyɛha Nyɔŋmɔ kɛ ninamɔ.” Luka 15:1, 2; 16:1-13, New World Translation.
◆ Mɛɛ gbɛ nɔ tsulɔnukpa ni yɔɔ Yesu abɛbua lɛ tsɔ ni ekɛ mɛi ni baanyɛ aye abua lɛ yɛ sɛɛ mli Iɛ fee nanemɛi?
◆ Mɛni ji “ninamɔ ni ejaaa” lɛ, ni te wɔɔfee tɛŋŋ wɔtsɔ nɔ wɔna nanemɛi?
◆ Namɔ baanyɛ ahere wɔ kɛya “naanɔ shihilɛ hei lɛ”, ni nɛgbɛ ji nɛkɛ hei nɛɛ?