Yesu Shihilɛ kɛ Esɔɔmɔ Nitsumɔ

Talentai lɛ Ahe Abɛbua Lɛ

YESU tsa sane ni ekɛ ekaselɔi Iɛ gba yɛ Mu Gɔŋ lɛ nɔ Iɛ nɔ kɛtsɔ abɛbua kroko ni ji abɛbuai etɛ Iɛ amli nɔ ni ji enyɔ ni egba amɛ lɛ nɔ. Gbii fioo ni tsɔ hiɛ Iɛ amli, beni eyɔɔ Yeriko Iɛ, egba amɛ benai Iɛ ahe abɛbua Iɛ ni ekɛtsɔɔ akɛ Maŋtsɛyeli lɛ baaba yɛ wɔsɛɛ be kakadaŋŋ ko mli. Agbɛnɛ abɛbua ni egbaa amɛ bianɛ, ni emli nibii Iɛ babaoo tamɔ nomɛi nɔŋŋ Iɛ tsɔɔ nibii ni baaba yɛ emlibaa be mli yɛ be mli ni Kristo eba yɛ Maŋtsɛyeli hewalɛ mli lɛ mli. Etsɔɔ akɛ esa akɛ ekaselɔi lɛ atsu nii yɛ be mli ni amɛyɔɔ shikpɔŋ nɔ lolo lɛ koni amɛha “enibii” lɛ aya hiɛ.

Yesu je shishi akɛ: “Shi [shihilɛi ni kɔɔ Maŋtsɛyeli lɛ he lɛ] tamɔ nuu ko ni beni ebaadom lɛ, etsɛ etsuji, ni etuu enibii ewo amɛdɛŋ.” Yesu ji nuu nɛɛ, ni beni ebaadom kɛya ŋwɛi Iɛ, etsɛ etsuji​—kaselɔi ni yɔɔ hegbɛ kɛha ŋwɛi Maŋtsɛyeli Iɛ​—ni etuu enibii ewo amɛdɛŋ. Nɛkɛ nibii nɛɛ jeee heloo naa nibii shi moŋ edamɔ shi kɛha abɔɔ ko ni ahu ni ekɛ hewalɛ ni baaha ekɛ kaselɔi pii aba ewo mli Iɛ.

Yesu tuu enibii nɛɛ ewo etsuji Iɛ adɛŋ etsɛɛɛ kɛkɛ ni etee ŋwɛi. Yɛ mɛɛ gbɛ nɔ? Kɛtsɔ famɔ ni ekɛha amɛ ni amɛya nɔ amɛtsu nii yɛ abɔɔ nɛɛ mli kɛtsɔ Maŋtsɛyeli Iɛ he sane Iɛ ni amɛaaya nɔ amɛshiɛ kɛyashi shikpɔŋ Iɛ naagbee hei lɛ nɔ. Taakɛ Yesu kɛɛ lɛ: “Ni eha mɔ kome talentai enumɔ, mɔ kome hu enyɔ, ni mɔ kome hu ekome, bɔ ni mɔ fɛɛ mɔ aaanyɛ akwɛ; ni amrɔ lɛ edom.”

No hewɔ Iɛ aja talentai kpaanyɔ lɛ​—Kristo nibii lɛ​—yɛ bɔ ni tsuji Iɛ anyɛmɔ, loo nibii ni amɛaanyɛ amɛtsu yɛ mumɔŋ lɛ ji lɛ naa. Tsuji lɛ damɔ shi kɛha kaselɔi Iɛ ateŋ kui sɔrɔtoi. Eka shi faŋŋ akɛ bɔfoi lɛ fata kuu ni nine shɛ talentai enumɔ lɛ nɔ yɛ klɛŋklɛŋ afii oha Iɛ mli Iɛ ahe. Yesu tee nɔ egba akɛ tsuji ni nine shɛ talentai enumɔ kɛ enyɔ Iɛ nɔ lɛ fɛɛ ha eku ebɔ he toi enyɔ kɛtsɔ amɛ Maŋtsɛyeli shiɛmɔ kɛ kaselɔ ni amɛfee lɛ nɔ. Shi tsulɔ ni nine shɛ talenta kome nɔ lɛ kɛyato shikpɔŋ.

Yesu tee nɔ akɛ: “Shi yɛ mli aahu Iɛ, tsuji lɛ anuŋtsɔ Iɛ ba, ni ekɛ amɛ babu akɔntaa.” Kristo baaa aahu kɛbashi afii ohai 20 nɛɛ mli, aaatee afii 1,900 sɛɛ, dani eku esɛɛ eba koni ekɛ amɛ ababu akɔntaa, no hewɔ Iɛ, “eyɛ mli aahu” Iɛlɛŋ. Kɛkɛ ni Yesu tsɔɔ mli akɛ:

“Ni mɔ ni na talentai enumɔ lɛ ba, ni ekɛ talentai enumɔ kroko hu babɔ he ekɛɛ: Nuŋtsɔ oŋɔ talentai enumɔ oha mi, naa mikɛna talentai enumɔ hu mifata he. Enuŋtsɔ lɛ kɛɛ lɛ akɛ: Aekoo, tsulɔ kpakpa kɛ anɔkwafo, oye anɔkwa yɛ nii fioo he, maha oye nii pii atsɛ: botemɔ onuŋtsɔ miishɛɛ lɛ mli.” Tsulɔ ni nine shɛ talentai enyɔ nɔ Iɛ hu na enyɔ ebɔ he, ni Iɛ hu ena nakai yijiemɔ kɛ nyɔmɔwoo lɛ nɔŋŋ eko.

Shi, yɛ mɛɛ gbɛ nɔ nɛkɛ tsuji anɔkwafoi nɛɛ tsɔɔ amɛboteɔ amɛ-Nuŋtsɔ Iɛ miishɛɛ lɛ mli? Ojogbaŋŋ, amɛnuŋtsɔ, Yesu Kristo miishɛɛ Iɛ ji Maŋtsɛyeli ni akɛha lɛ ni enine shɛ nɔ beni edom kɛtee e-Tsɛ lɛ ŋɔɔ yɛ ŋwɛi lɛ. Ni tsuji anɔkwafoi ni yɔɔ ŋmɛnɛŋmɛnɛ beaŋ lɛ naa miishɛɛ waa yɛ Maŋtsɛyeli gbɛnaai babaoo ni akɛhaa amɛ Iɛ he, ni kɛ amɛgbe amɛ shikpɔŋ nɔ sɔɔmɔ lɛ naa Iɛ, amɛbaana miishɛɛ ni yiɔ obɔ kɛtsɔ gbohiiashitee kɛmiiya ŋwɛi Maŋtsɛyeli Iɛ mli Iɛ nɔ. Shi tsulɔ ni ji etɛ Iɛ hu?

Tsulɔ nɛɛ ba ebakɛɛ: “Mileo akɛ yiwalɔ jio, ni no ha mishe gbeyei, ni mitee mikɛ otalenta lɛ yatee shikpɔŋ; naa onii.” Tsulɔ Iɛ je gbɛ ekpoo akɛ etsuuu nii yɛ abɔɔ lɛ mli kɛtsɔ shiɛmɔ kɛ kaselɔi afeemɔ nɔ. No hewɔ Iɛ nuŋtsɔ lɛ tsɛ lɛ “tsulɔ fɔŋ kɛ anihaolɔ” ni ekojo Iɛ ni ekɛɛ: “Nyɛhea talenta lɛ yɛ edɛŋ . . . Nyɛtsia Iɛ nyɛwoa gbɛ sɛɛ duŋ lɛ mli; jɛi yaafo kɛ nyanyɔji ashishikpemɔ aaahi!” Mɛi ni fata nɛkɛ tsulɔ fɔŋ kuu nɛɛ he, ni asherɛɔ amɛ ashwieɔ nɛɛ, naaa mumɔŋ miishɛɛ ko.

Enɛ kɛ nikasemɔ ko ni esa akɛ asusu he waa haa mɛi fɛɛ ni kɛɔ akɛ amɛnyiɛ Kristo sɛɛ lɛ. Kɛji amɛbaana eyijiemɔ kɛ nyɔmɔwoo ni amɛbaakwɛ koni akashɛrɛ amɛ ashwie gbɛ sɛɛ duŋ lɛ kɛ hiɛkpatamɔ ni baajɛ mli aba lɛ mli Iɛ, belɛ esa akɛ amɛtsu nii ni amɛha amɛ ŋwɛi Nuŋtsɔ Iɛ nibii lɛ afa kɛtsɔ gbɛfaŋnɔ ni mɔɔ shi ni amɛaana yɛ shiɛmɔ nitsumɔ Iɛ mli lɛ nɔ. Ani oyɛ ekaa ni okɛ onyɛmɔi lɛ aaatsu nii yɛ enɛ gbɛfaŋ? Mateo 25:​14-30.

◆ Mɛɛ nikasemɔ nɛkɛ abɛbua ni nyiɛ sɛɛ nɛɛ tsɔɔ wɔ?

◆ Namɛi ji tsuji Iɛ, ni mɛni ji nibii ni atuu awo amɛdɛŋ lɛ?

◆ Mɛɛ be nuŋtsɔ Iɛ ba koni ekɛ amɛ ababu akɔntaa, ni mɛni ebana?

◆ Mɛni ji miishɛɛ ni tsuji anɔkwafoi Iɛ bote mli Iɛ, ni mɛni ba tsulɔ fɔŋ Iɛ nɔ?

[Baafa 16]May Daa Gbi Ŋmalɛ

(Kɛ́ ootao ona bɔ ni saji nɛɛ ji diɛŋtsɛ lɛ, no lɛ kwɛmɔ wolo lɛ mli)