Sanebimɔi ni jɛ Kanelɔi Adɛŋ

◼ Mɛni hewɔ ni bɔ ni atsɔɔ 2 Petro 1:19 shishi yɛ New World Translation of the Holy Scriptures lɛ mli Iɛ yɔɔ sɔrɔto yɛ Bibliai krokomɛi ahe lɛ?

Yɛ be mli ni emaa sɛɛnamɔ ni yɔɔ Nyɔŋmɔ Wiemɔ ni jɛ mumɔŋ lɛ he lɛ nɔ mi Iɛ, bɔfo Petro ŋma akɛ: “Enɛ hewɔ ni ama gbalɛ wiemɔ lɛ nɔ mi aha wɔ fe tsutsu lɛ; ni kɛji nyɛŋɔ nyɛhiɛ nyɛto nɔ akɛ Ia ni kpɛɔ yɛ he ko ni ewo duŋ, kɛyashi beni je aaatsɛre ni leebi ŋulami lɛ aaate shi, yɛ nyɛtsuii amli lɛ, no lɛ nyɛmiifee jogbaŋŋ.”​—2 Petro 1:​19, NW.

Kadimɔ akɛ wiemɔ kuku ni ji “kɛyashi beni je aaatsɛre ni leebi ŋulami lɛ aaate shi” Iɛ baa yɛ alɔgɔi (kɔmai) enyɔ ateŋ. Biblia shishitsɔɔlɔi babaoo eŋmaaa Iɛ nakai.

Akɛ nɔkwɛmɔ nɔ lɛ, Dr. James Moffat tsɔɔ nakai kuku lɛ fa nɛɛ shishi akɛ: “. . . etsoɔ tamɔ kane yɛ he ko ni ewo duŋ; kɛyashi Je aaatsɛre ni leebi ŋulami lɛ aaate shi yɛ nyɛtsuii amli.” Shishitsɔɔmɔi tamɔ nɛkɛ Iɛ haa anuɔ shishi akɛ leebi ŋulami Iɛ shitee baa mli yɛ heyelilɔi lɛ atsuii amli, tamɔ ekolɛ yɛ be mli ni amɛna mumɔŋ la kpɛmɔ ko Iɛ.

Shi kɛlɛ, yɛ Mose beaŋ tɔɔ po lɛ, nibii tsɔɔ faŋŋ akɛ ‘ŋulami ko ni jɛ Yakob’ mli aaate shi. (4 Mose 24:​17; Okɛto Lala 89:​34-37 he.) Yesu wie lɛ diɛŋtsɛ ehe yɛ faŋŋ mli akɛ nakai “David shishifa lɛ kɛ eseshinyo lɛ, toloo ni kpɛɔ lɛ.”​—Kpojiemɔ 22:⁠16.

Nɛkɛ mɔ ni atsɛ Iɛ “Ieebi Ŋulami,” aloo “toloo” nɛɛ sa sane ni bɔfo Petro susuɔ he lɛ mli wiemɔi lɛ jogbaŋŋ. Ewie tsakemɔ Iɛ he ninaa ni ena aaafee afii 30 ni etsɔ hiɛ lɛ he egbe naa nɔŋŋ ni ekɛɛ enɛ. (Mateo 16:​28–17:⁠9) Nakai ninaa ni yɔɔ fɛo Iɛ gbalaa jwɛŋmɔ kɛyaa be mli ni Yesu ‘aaaba yɛ emaŋtsɛyeli Iɛ mli,’ aloo abaawo ehiɛ nyam yɛ Maŋtsɛyeli hewalɛ mli Iɛ nɔ. Nɔ ni Petro na kɛtsɔ hiɛ lɛ ma sɛɛnamɔ ni yɔɔ Nyɔŋmɔ Wiemɔ lɛ he lɛ nɔ mi; nakai nɔŋŋ hu, ehe miihia ni Kristofoi ni yɔɔ ŋmɛnɛ lɛ afee toiboo amɛha nakai gbalɛ wiemɔ Iɛ.

Eyɛ mli akɛ adesai fɛɛ atsuii yɛ duŋ mli​—ni eka he eyɛ mli lolo moŋ​—shi esaaa ni enɛ baalɛ nakai yɛ anɔkwa Kristofoi ahe. Etamɔ nɔ ni amɛna Ia loo kane ko ni miikpe yɛ he ko ni kulɛ ewo duŋ, ni ji amɛtsuii amli. Petro le akɛ kɛji Kristofoi bo Nyɔŋmɔ gbalɛ wiemɔ ni kpɛɔ lɛ toi lɛ, ebaaha amɛhiɛ ahi amɛhe nɔ ni amɛhiŋmɛii aaagbele yɛ gbi hee ni je tsɛreɔ kɛbatsɔ Iɛ he. No baafee be mli ni “Ieebi ŋulami,” loo “toloo ni kpɛɔ” lɛ baaye nɔ diɛŋtsɛ yɛ Maŋtsɛyeli hewalɛ mli lɛ.

Miishɛɛ sane kome ji akɛ, E. W. Bullinger ŋma yɛ 2 Petro 1:19 he akɛ: “Eyɛ faŋŋ yɛ biɛ akɛ esa akɛ akrabatsa ahi he, ejaakɛ gbalɛ Iɛ ji la loo kane ni kpɛɔ lɛ, ni Kristo kɛ E-puemɔ Iɛ ji Leebi ŋulami Iɛ kɛ Jetsɛremɔ Iɛ. Eka shi faŋŋ akɛ, eshishinumɔ nyɛŋ afee akɛ aawo wɔ hewalɛ ni wɔbo gbalɛ wiemɔ lɛ toi kɛyashi be mli ni aaajie Kristo kpo yɛ wɔtsuii amli! Dabi; shi moŋ esa akɛ wɔbo gbalɛ wiemɔ nɛɛ toi yɛ wɔtsuii amli, kɛyashi emlibaa lɛ aaaba yɛ Kristo puemɔ lɛ mli​—yɛ Mɔ ni atsɛɔ lɛ ‘Leebi Ŋulami’ lɛ shitee lɛ mli.”​—Figures of Speech Used in the Bible, 1898.

No hewɔ lɛ, Biblia shishitsɔɔmɔi pii kɛ akrabatsai tsuɔ nii yɛ 2 Petro 1:​19.a New World Translation of the Holy Scriptures lɛ kɛ bɔ ni aŋma lɛ aha ni anaa yɛ shishijee Hela wiemɔ mli lɛ tsuɔ nii nakai nɔŋŋ. Shi ekɛ alɔgɔi loo kɔmai woɔ teŋ koni eha wiemɔ kuku ni ji “kɛyashi beni je aaatsɛre ni leebi ŋulami lɛ aaate shi” lɛ ahiɛ ehe kɛjɛ ŋaawoo ni akɛhaa akɛ wɔbo wiemɔ lɛ toi ‘akɛ la ni kpɛɔ yɛ he ko ni ewo duŋ, yɛ nyɛtsuii amli’ Iɛ he.

[Shishigbɛ niŋmai]