Sanebimɔi Ni Jɛ Kanelɔi Adɛŋ
◼ Ani Yesu miibɔ wɔ kɔkɔ yɛ Mateo 10:21 akɛ nyɛmimɛi pii baate shi awo amɛmumɔŋ nyɛmimɛi yɛ asafo lɛ mli?
Dabi, jeee no ji sane titri ni yɔɔ Yesu kɔkɔbɔɔ ni kaneɔ nɛkɛ Iɛ mli: “Shi nyɛmi aaaŋɔ nyɛmi aha gbele, ni tsɛ aaaŋɔ bi aha, ni bii aaate shi awo amɛfɔlɔi ni amɛaaha agbe amɛ.”—Mateo 10:21.
Saji ni awieɔ he lɛ tsɔɔ akɛ Yesu kɛɛ ebɔfoi 12 lɛ nɛkɛ yɛ be mli ni etsu amɛ ni amɛyakpa shi amɛshiɛ yɛ Israel lɛ. Nɔ ni ekɛɛ amɛ Iɛ titri kɔɔ bɔfoi lɛ ahe. Akɛ nɔkwɛmɔ nɔ lɛ, ekɛɛ amɛ akɛ aha amɛ hewalɛ ni amɛfee naakpɛɛ tsamɔi, amɛfamɔ mumɔi fɔji, ni amɛtee gbohii po shi. (Mateo 10:1, 8; 11:1) Yinɔsane yeɔ odase akɛ jeee Kristofoi Iɛ fɛɛ na nɛkɛ naakpɛɛ hewalɛi nɛɛ, ni maa nɔ mi akɛ Yesu miiwie kɛmiitsɔɔ gbɔmɛi akuu ko pɔtɛɛ—ebɔfoi lɛ.
Ni kɛlɛ, nɔ ni Yesu kɛɛ lɛ ekomɛi tekeɔ bɔfoi Iɛ ashiɛmɔ nitsumɔ he gbɛfaa Iɛ. Ekɛɛ amɛ akɛ: ‘Shi nyɛhiɛ ahia nyɛhe nɔ yɛ gbɔmɛi ahewɔ; . . . ni lumɛi kɛ maŋtsɛmɛi ahiɛ tete po amɛkɛnyɛ aaatee yɛ mihewɔ, koni aŋɔye amɛ kɛ jeŋmaji lɛ odase.” (Mateo 10:17,18) Eka shi faŋŋ akɛ bɔfoi 12 lɛ kɛ shitee-kɛ-woo baakpe yɛ nakai gbɛfaa lɛ mli, shi odaseyeli ko bɛ ni tsɔɔ akɛ akɛ amɛ tee “lumɛi kɛ maŋtsɛmɛi ahiɛ” koni amɛye “jeŋmaji Iɛ odase.”a Bɔfoi Iɛ pue yɛ sɛɛ mli afii lɛ amli yɛ nɔyelɔi tamɔ Maŋtsɛ Herode Agripa l kɛ II, Segio Paulo, Galio, kɛ Maŋtsɛ Nero po hiɛ. (Bɔfoi lɛ Asaji 12:1, 2; 13: 6, 7; 18:12; 25:8-12, 21; 26:1-3) No hewɔ Iɛ Yesu wiemɔi lɛ ba mli yɛ sɛɛ mli.
Yesu ŋaawoo lɛ tee nɔ akɛ: “Nyɛmi aaaŋɔ nyɛmi aha gbele.” Jeee mumɔŋ nyɛmimɛi ahe ewieɔ Iɛ taakɛ bɔ ni jeee mumɔŋ tsɛmɛi loo bii ahe ewieɔ taakɛ ewiemɔi ni nyiɛ sɛɛ yɛ kuku 21 tsɔɔ lɛ: “Tsɛ aaaŋɔ bi aha, ni bii aaate shi awo amɛfɔlɔi ni amɛaaha agbe amɛ.” Yesu miitsɔɔ akɛ bɔfoi Iɛ baakpa basabasa-feemɔ kɛ shitee-kɛ-woo gbɛ kɛjɛ amɛwekumɛi po dɛŋ.—Mateo 10:35, 36.
Tsuishiŋmɛɛ he baahia bɔfoi Iɛ yɛ nakai shiɛmɔ he gbɛfaa Iɛ mli. Yesu tee nɔ akɛ: “Ni mɛi fɛɛ aaanyɛ nyɛ yɛ migbɛi Iɛ hewɔ; shi mɔ ni hiɛɔ mli kɛyawulaa shi lɛ, lɛ lɛ aaahere eyiwala.”—Mateo 10:22.
Saji ni Yesu wie lɛ ekomɛi kɔɔ wɔ mɛi ni ji Yehowa Odasefoi lɛ ahe ŋmɛnɛ. Nɔ ni wɔmaa nɔ mi yɛ wɔshiɛmɔ Iɛ mli ji Maŋtsɛyeli lɛ. Wɔtsuɔ wɔsɔɔmɔ lɛ he nii ni wɔheee nyɔmɔwoo ko, ni wɔtaoɔ gbɔmɛi ni yɔɔ wiemɔ lɛ he miishɛɛ loo mɛi ni sa lɛ. Shi henɔkwɛmɔ sa jogbaŋŋ. Shitee-kɛ-wolɔi fa. Yɛ bei komɛi amli Iɛ wekumɛi, akutseiaŋbii, loo nanemɛi nitsulɔi kɛ naagbai ni mli wa baa wɔnɔ, titri lɛ ebaa Iɛ nakai yɛ anɔkwafoi ni miije shishi amɛnyiɛ anɔkwa Kristo jamɔ gbɛ lɛ nɔ lɛ agbɛfaŋ. Yesu ti kɔkɔbɔɔ ni kɔɔ shitee-kɛ-woo ni tamɔ nɛkɛ he lɛ mli yɛ be mli ni etsɔɔ beni eba lɛ he “okadi” Iɛ mli Iɛ. (Mateo 24:3, 9,10; Luka 21:16, 17) Eku sɛɛ ewie bɔ ni ehe hiaa ni wɔŋmɛ wɔtsui shi kɛyashi naagbee koni ahere wɔyiwala’ lɛ he ekoŋŋ. Hɛɛ, ehe miihia ni wɔŋmɛ wɔtsui shi kɛyashi wɔ amrɔ nɛɛ wala lɛ naagbee, aloo kɛyashi be mli ni nibii agbɛjianɔtoo nɛɛ aaaba naagbee ni wɔnyɛ wɔbote jeŋ hee lɛ mli.—Mateo 24:13.
[Shishigbɛ niŋmai]
a Shishitsɔɔmɔi krokomɛi tsɔɔ shishi akɛ “wɔŋjalɔi lɛ” (The Jerusalem Bible), “Jeŋmajiaŋbii lɛ” (New International Version kɛ Moffatt kɛ Lamsa shishitsɔɔmɔ), kɛ “wɔŋjalɔi lɛ” (The New English Bible).