Sanebimɔi ni Jɛ Kanelɔi Adɛŋ
◼ Mɛni hewɔ Yesu kɛ ebɔfoi Iɛ pɛ to Kaimɔ Iɛ shishi, shi jeee kɛ kaselɔi krokomɛi ni abaaŋɔ amɛ awo kpaŋmɔ hee Iɛ mli lɛ?
Etamɔ nɔ ni sanebimɔ nɛɛ damɔ susumɔ ni ejaaa akɛ Yesu bua ebɔfoi lɛ anaa nakai gbɛkɛ Iɛ koni ekɛ Kristofoi asafo lɛ mlibii ni afɔ amɛ mu ni yɔɔ kpaŋmɔ hee lɛ mli momo lɛ ato Nuŋtsɔ lɛ Gbɛkɛnaashi Niyenii Iɛ shishi. Shi atoko Kristofoi asafo lɛ shishi yɛ Nisan 14, 33 Ŋ.B., ni Yesu kɛ ebɔfoi Iɛ bua amɛhe naa kɛha daa afi Yudafoi a-Hehoo Iɛ yeli.
Eji anɔkwale akɛ Yesu yɛ kaselɔi krokomɛi fe 12 lɛ ni ale amɛ akɛ bɔfoi lɛ. Afi ni tsɔ egbele lɛ hiɛ lɛ mli lɛ, etsu kaselɔi 70 ni amɛyakpa shi amɛshiɛ. Yɛ eshitee Iɛ sɛɛ Iɛ, “ejie ehe kpo etsɔɔ aaafee nyɛmimɛi ohai enumɔ loo nɔ shikome.” Ni aaafee “kaselɔi oha kɛ nyɔŋmai enyɔ” bua amɛhe naa yɛ Pentekoste gbi lɛ nɔ. (1 Korintobii 15:6; Bɔfoi lɛ Asaji 1:15, 16, 23; Luka 10:1-24) Shi nyɛhaa wɔsusua kuu ni kɛ Yesu yɔɔ beni eto daa afi gbijurɔyeli ni ale akɛ Nuŋtsɔ Iɛ Gbɛkɛnaashi Niyenii lɛ shishi Iɛ ahe.
Luka 22:7, 8 tsɔɔ be Iɛ, akɛ: “Kɛkɛ ni akpiti gbijurɔ ni sa akɛ agbeɔ Hehoo toobi lɛ yɛ nɔ Iɛ bashɛ; ni etsu Petro kɛ Yohane ni ekɛɛ: ‘Nyɛyaa ni nyɛyasaa Hehoo niyenii lɛ nyɛtoa wɔ, koni wɔbaye.’” Sane Iɛ tee nɔ akɛ: “Ni nyɛyakɛa shiatsɛ Iɛ akɛ, Tsɔɔlɔ lɛ kɛɛ wɔbakɛɛo akɛ: “Nɛgbɛ gbɔi atsu Iɛ ni mikɛ mikasalɔi Iɛ baaye Hehoo niyenii Iɛ yɛ mli lɛ yɔɔ?’”” No hewɔ Iɛ Yesu yɛ 12 Iɛ masɛi yɛ nakai gbɛkɛ lɛ kɛha Yudafoi agbijurɔyeli lɛ. Ekɛɛ amɛ akɛ: “Taomɔ mitaoɔ akɛ mikɛ nyɛ aye nɛkɛ Hehoo nɛɛ dani mana amanehulu lɛ.”—Luka 22:11, 15.
Hehoo lɛ ji weku gbijurɔyeli ko kɛjɛ eshishijee tɔɔ yɛ Mizraim. Yɛ be mli ni etoɔ Hehoo lɛ he gbɛjianɔ Iɛ, Nyɔŋmɔ kɛɛ Mose akɛ weku loo shia fɛɛ shia agbe toobi kome. Kɛji akɛ weku Iɛ edaaa bɔ ni no aaaha amɛnyɛ amɛye too muu Iɛ, amɛbaanyɛ amɛtsɛ weku ko ni bɛŋkɛ amɛ ni amɛkɛ amɛ aye niyenii lɛ. No hewɔ Iɛ shishinumɔ yɛ mli akɛ yɛ afi 33 Ŋ.B. Hehoo lɛ. Yesu kaselɔi Iɛ ateŋ mɛi pii kɛ amɛ diɛŋtsɛ amɛwekui baabua amɛhe naa kɛha nɛkɛ niyenii nɛɛ yeli.
Shi Yesu ‘tao’ diɛŋtsɛ akɛ ekɛ esɛɛnyiɛlɔi ni bɛŋkɛ Iɛ kpaakpa ni kɛ Iɛ efa gbɛ babaoo yɛ esɔɔmɔ nitsumɔ Iɛ mli be babaoo mli Iɛ aaaye nɔ ni baafee naagbee Hehoo ni sa Iɛ yɛ nakai naagbee gbɛkɛ lɛ dani egbo. Yɛ nakai Hehoo niyenii Iɛ naagbee ni Yesu gba amɛ gbijurɔyeli hee ko ni ekaselɔi fɛɛ baaye yɛ no sɛɛ yɛ wɔsɛɛ Iɛ he sane. Wein ni abaanu yɛ Kristofoi agbijurɔyeli ni baaba Iɛ shishi lɛ baafee nɔ ni damɔ shi kɛha “kpaŋmɔ hee” Iɛ ni akɛbaafo Mla kpaŋmɔ lɛ najiaŋ Iɛ la.—Luka 22:20.
Shi kpaŋmɔ hee Iɛ baaa mli yɛ Nisan 14, afi 33 Ŋ.B., ejaakɛ akɛ afɔle ni baawo mli hewalɛ Iɛ—Yesu—eshako afɔle. Mla kpaŋmɔ lɛ miitsu nii Iolo. Akalako akpɛtɛko sɛŋmɔtso lɛ he lolo. Agbɛnɛ hu, ejeŋ kpo koni ana kɛyashi Pentekoste gbi lɛ, beni akɛ kpaŋmɔ hee ni akɛ mumɔŋ Israel fee lɛ aaato kpaŋmɔ momo ni akɛ heloo naa Israel fee lɛ najiaŋ lɛ.—Galatabii 6:16; Kolosebii 2:14.
No hewɔ lɛ, bɔfoi anɔkwafoi 11 lɛ loo kaselɔi krokomɛi Iɛ bɛ kpaŋmɔ hee lɛ mli yɛ nakai gbɛkɛ lɛ. Ni jeee akɛ Yesu ekpɛlɛɛɛ kaselɔi krokomɛi ni ji Yudafoi Iɛ anɔ akɛni eŋmɛ amɛ gbɛ koni amɛkɛ amɛwekui abua amɛhe naa ni amɛye Hehoo Iɛ hewɔ.