Ani Oofee Osɛɛsaramɔi Lɛ?
1 Mɛɛ amaniɛbɔɔ ni taa mɔ mli ni tsɔɔ nitsumɔ kpele ni atsuɔ jeɔ kpo yɛ 1989 Yearbook of Jehovah‘s Witnesses lɛ mli nɛkɛ! Mɛi akpekpei abɔ miinu sanekpakpa lɛ ni akɛ woji akpekpei abɔ eha mɛi ni yɔɔ wiemɔ lɛ he miishɛɛ lɛ hu. Amaniɛbɔɔ lɛ tsɔɔ bɔ ni ehe hiaa waa akɛ aaaku sɛɛ aya hei ni adu anɔkwale wui lɛ yɛ Iɛ ekoŋŋ lɛ. (1 Kor. 3:6, 7) Ehe miihia ni aya nɔ atsu amɛhe nii. Gbɛfaŋnɔ ni yeɔ emuu ni anaa yɛ nɛkɛ nitsumɔ nɛɛ mli lɛ kɛ miishɛɛ kpele ebaha Yehowa webii ni fee sɛɛsaramɔi ni naa shɛɔ 288,017,474 yɛ nyɛsɛɛ afi lɛ mli lɛ.
MƐƐ BE?
2 Kɛ ona mɔ ko ni yɔɔ wiemɔ lɛ he miishɛɛ lɛ, ani okuɔ osɛɛ oyasaraa lɛ ekoŋŋ dani nakai shishijee miishɛɛ ni eyɔɔ lɛ he jɔɔ? Kɛ oku osɛɛ otee yɛ enɔ gbii fioo sɛɛ nɔŋŋ lɛ ewoɔ yibii kpakpai. Ŋmalamɔ woji ni okɛha kɛ mɛi ni na wiemɔ lɛ he miishɛɛ lɛ fɛɛ he saji oshwie shi jogbaŋŋ. Tii nɛkɛ saji nɛɛ amli be fɛɛ be ni okwɛ koni oku osɛɛ oyasara mɛi lɛ ekoŋŋ mra. Yehowa baajɔɔ mɔdɛŋbɔɔ kɛ ekaa ni okɛaatsu enɛ lɛ nɔ ni ehe baaba sɛɛnamɔ jogbaŋŋ aha mɛi ni yɔɔ wiemɔ lɛ he miishɛɛ lɛ.
3 Aawo wɔ fɛɛ hewalɛ ni wɔtsu babaoo yɛ shiɛmɔ nitsumɔ lɛ mli yɛ April. Wɔhiɛ ka nɔ akɛ kɛ wɔha wɔnitsumɔ lɛ tee hiɛ lɛ wɔbaana mɛi ni yɔɔ wiemɔ Iɛ he miishɛɛ babaoo ni wɔbaaha amɛ woji wuji kɛ woji tɛtrɛbii babaoo hu. No hewɔ lɛ, mɛni hewɔ oŋɔɔɔ be babaoo ni okɛfee sɛɛsaramɔi ni okɛje Biblia mli nikasemɔi ashishi? Ani mɛi komɛi yɛ ni ŋɔɔ woji tɛtrɛbii lɛ daa ni agbɛnɛ ekolɛ amɛmiisumɔ ni akɛ amɛ akase nii? Nyɛmi nuu ko kɛ woji tɛtrɛbii enyɔ ha nuu ko, shi ekuuu esɛɛ eyasaraaa lɛ, eesusu akɛ ejeee mɔ ni yɔɔ he miishɛɛ diɛŋtsɛ. Nuu lɛ ŋma wolo kɛbaha asafo ni yɔɔ jɛmɛ lɛ, ni ekɛmiibi ni aha lɛ mumɔŋ yelikɛbuamɔ. Gbɛgbalɔi babaoo ebɔ amaniɛ akɛ nikasemɔi kpakpai ejɛ mli eba kɛba mɛi ni heɔ woji tɛtrɛbii lɛ ni akuɔ sɛɛ ayasaraa amɛ lɛ. Ani mɛi aŋkroaŋkroi komɛi yɛ ni ba Kaimɔ lɛ aloo amɛbaa kpeei krokomɛi ni baasumɔ ni akɛ amɛ akase nii?
NIKASEMƆ SHISHIJEE
4 Obaanyɛ Ohi Shi Kɛya Naanɔ wolo lɛ efee dɛŋdade ni nɔ bɛ yɛ wɔsɔɔmɔ nitsumɔ lɛ mli. Shi kɛlɛ, kɛ wɔkɛha lɛ, nakai feemɔ ji klɛŋklɛŋ nifeemɔ kɛha nikasemɔ shishijee. Kɛji otee jɛmɛ klɛŋklɛŋ kwraa aloo yɛ sɛɛsaramɔ mli lɛ, obaanyɛ obi akɛ: “Ani osusu shihilɛ kɛmiiya naanɔ he pɛŋ da? [Ŋmɛɛ gbɛ ni eha hetoo.] Lɛlɛŋ, mɛi babaoo naŋ he miishɛɛ akɛ amɛaahi shi kɛya naanɔ ni amɛhi piŋmɔ, awuiyeli, kɛ hɔmɔ ni haoɔ mɛi babaoo yɛ wɔbei nɛɛ amli lɛ mli.” Yɛ be mli ni ogbeleɔ kɛyaa baafai 11-13 lɛ, obaanyɛ obi akɛ: “Shi ŋɔɔ lɛ akɛ ona hegbɛ akɛ ooohi shi kɛya naanɔ yɛ shihilɛ ni tamɔ nɛkɛ shishi. Ani efeŋ nɔ ni ooona he miishɛɛ? [Ŋmɛɛ gbɛ ni eha hetoo.] Dani wɔɔhi shihilɛi ni eye muu tamɔ nɛkɛ shishi lɛ, ebiɔ ni wɔfee nɔ ko. Kwɛmɔ nɔ ni kuku 19 kɛɔ. [Kanemɔ.] Ha ni mafee bɔ ni wolo nɛɛ baanyɛ aye abua bo ni ona nilee ni tamɔ nɛkɛ lɛ hɛ nɔkwɛmɔ nɔ matsɔɔo.”
5 Aawo shiɛlɔi ahewalɛ ni amɛshi dɛhiɛmɔ woji bibii Iɛ eko amɛha mɛi ni heee woji ni wɔkɛhaa lɛ aloo yɛ shiai ni mɔ ko bɛ mli lɛ. Abaanyɛ akɛ enɛɛmɛi atsu nii ni eye omanye yɛ sɛɛsaramɔ amli ni akɛtsɔɔ gbɛi anɔ ni wɔtsɔɔ wɔkɛ mɛi kaseɔ nii. Dɛhiɛmɔ woji bibii lɛ eko fɛɛ eko wieɔ otii enyɔ loo etɛ he. Okɛ shiatsɛ lɛ akane kuku kome pɛ mli daa gbi. Kɛ nyɛshɛ sanebimɔ nɔ lɛ, wa ni oha shiatsɛ lɛ atsɔɔ ejwɛŋmɔ yɛ he. Nyɛkanea ŋmalɛi ni atsɛ lɛ fɛɛ ni nyɛkɛtoa nɔ ni atsɔɔ lɛ he.
6 Niiashikpamɔ etsɔɔ akɛ ehi jogbaŋŋ akɛ aaato be he gbɛjianɔ aha sɛɛsaramɔ kɛ eko hu kɛha nikasemɔi ashishijee kɛha amɛnɔyaa. Kɛji wɔto be he gbɛjianɔ jogbaŋŋ kɛha nitsumɔ nɛɛ, ebaaye ebua wɔ ni wɔyasara mɛi ni yɔɔ wiemɔ lɛ hɛ miishɛɛ lɛ mra. Ekolɛ wɔbaanyɛ wɔto bɛ he gbɛjianɔ yɛ gbɛkɛnaashi, yɛ otsi lɛ naagbee, aloo yɛ be mli ni wɔgbe wɛ shia-kɛ-shia nitsumɔ lɛ naa. Taomɔ be ni hi kɛha bo kɛ oshikpɔŋkuku lɛ hu. No sɛɛ lɛ bɔɔ mɔdɛŋ ni okɛ ohe awo nitsumɔ nɛɛ mli daa, koni onyɛ ofee mɛi kaselɔi.—Mateo 28:19, 20.