Nyɛyaa Nɔ Nyɛkwɛa Bɔni Nyɛnyiɛɔ Nyɛhaa Lɛ Jogbaŋŋ
1 No ji saneyitso kɛha kpokpaa nɔ kpeei he gbɛjianɔtoo hee kɛha 1990 sɔɔmɔ afi lɛ. Ebaama bɔ ni ehe hiaa akɛ wɔɔkwɛ bɔ ni wɔnyiɛɔ wɔhaa lɛ jogbaŋŋ, ni wɔtiu nibii ni kɛ toiŋjɔlɛ ba, ni wɔkwa osharai ni Satan kɛ esamaŋfoi lɛ, ni ji mumɔi kɛ gbɔmɛi fɛɛ kɛshwieɔ wɔgbɛi anɔ lɛ nɔ mi.
2 Ni aaanyiɛ yɛ jalɛ gbɛi anɔ lɛ bɛ mlɛo yɛ nɛkɛ naagbee gbii nɛɛ amli. No hewɔ lɛ, gbii enyɔ kpokpaa nɔ kpee he gbɛjianɔtoo lɛ baawo wɔ hewalɛ ni ekɛ ŋaawoo ni anyɛɔ atsuɔ he nii aha koni no aye abua Yehowa webii ni amɛhiɛ amɛmumɔŋ pɛpɛɛpɛŋmɛɛ lɛ mli ni amɛtsɔmɔ mɛi ni hiɛɔ amɛ emuuyeli mli.
3 Kpee lɛ saneyitso. “Nyɛyaa nɔ Nyɛkwɛa Bɔni Nyɛnyiɛɔ Nyɛhaa Lɛ Jogbaŋŋ,” lɛ damɔ Efesobii 5:15, 16 nɔ, ni eji ŋmalɛ ni sa jogbaŋŋ ni abaadamɔ nɔ awie ni atsɔɔ sane lɛ mli. Akɛ tsɔsemɔ baaha kɛtsɔ wiemɔi, nɔkwɛmɔ nii, niiashikpamɔi kɛ sanebimɔi kɛ hetooi anɔ. Hegbɛ baaba yɛ Hɔɔ koni mɛi ni amɛjɔɔ amɛhe nɔ ehee lɛ ana nu mli baptisimɔ. No hewɔ lɛ, mɛi ni toɔ gbɛjianɔ koni abaptisi amɛ yɛ kpokpaa nɔ kpee lɛ shishi lɛ aha amɛ asafoŋ onukpai asɛinɔtalɔ lɛ ale enɛ kɛtsɔ hiɛ koni anyɛ ato enɛɛmɛi ahe gbɛjianɔ ni ati saji ni abaabi lɛ amli.
4 Kpokpaa nɔ kpee lɛ shishi wiemɔ titri ji maŋshiɛmɔ ni kpokpaa wulu nɔkwɛlɔ lɛ kɛbaaha lɛ. Wiemɔ lɛ yitso ji “La Hiɛlɔi yɛ Jeŋ ni Mli Ewo Duŋ Mli.” Biblia mli wiemɔ ni abaasusu he nɛɛ hiɛ saji babaoo kɛha mɛi heei ni yɔɔ wiemɔ lɛ he miishɛɛ lɛ, ni ebaafee nɔ ni baawo mɛi ni miisɔmɔ momo akɛ sanekpakpa lɛ he sɔɔlɔi lɛ hewalɛ.—Mat. 24:14.
5 Nyɛ kpokpaa nɔkwɛlɔ lɛ baaha nyɛle be kɛ he ni nyɛ kpokpaa nɔ kpee lɛ baaba yɛ. Too gbɛjianɔ diɛŋtsɛ ni oya gbii enyɔ lɛ fɛɛ. Wɔnyɛŋ wɔha wiemɔi ahe gbɛjianɔtoo lɛ fa ko aŋmɛɛ wɔ. Yehowa baajɔɔ omɔdɛŋbɔi lɛ anɔ kɛtsɔ yelikɛbuamɔ ni ekɛaaha bo koni okwɛ bɔ ni onyiɛɔ ohaa lɛ jogbaŋŋ lɛ nɔ.