Saneyitso Kɛha Sanegbaa Lɛ
1 July 1977 Wɔ Maŋtsɛyeli Sɔɔmɔ lɛ je nifeemɔ ni ji “Saneyitso Kɛha Sanegbaa” lɛ shishi ni ekɛ ŋaawoo ha yɛ bɔ ni esa akɛ akɛtsu nii yɛ gbɛ ni mɔɔ shi lɛ nɔ. Wɔ fɛɛ wɔna enɛ he sɛɛ yɛ afii 12 ni eho nɛɛ amli. Eye ebua mɛi pii ni eha bɔ ni amɛkɛ sanekpakpa lɛ haa lɛ emɔ shi jogbaŋŋ.
2 Akɛ Saneyitso Kɛha Sanegbaa hee eba yɛ afii fioo ni eho nɛɛ amli ni ejeɔ kpo daa nyɔji etɛ loo ejwɛ. Wɔbaaya nɔ wɔtsake Saneyitso Kɛha Sanegbaa lɛ mli yɛ wɔsɛɛ be mli kpitiokpitio fe nakai. Bɔ ni ebaaba ji, abaatsake Saneyitso Kɛha Sanegbaa lɛ be fɛɛ be ni aaatsake wolo ni akɛhaa lɛ. Enɛ baaye abua wɔ ni eha wɔ shiɛmɔ wiemɔ lɛ ni wɔkɛtsaa wolo ni wɔkɛhaa lɛ nɔ lɛ aya nɔ fɛfɛo. Ebaaha sɔrɔtofeemɔ hu aba wɔ sɔɔmɔ nitsumɔ lɛ mli.
SANEYITSO KƐHA SANEGBAA LƐ MLI TSAKEMƆ
3 Taakɛ wɔfɔɔ feemɔ lɛ, wɔbaana akɛ abaanyɛ akɛ Saneyitso Kɛha Sanegbaa lɛ atsu nii yɛ sɛɛsaramɔi anɔ kɛ agbɛnɛ yɛ trukaa odaseyeli mli. Shi, wɔteŋ mɔ ko akashashao shi akɛ eeetsake Saneyitso Kɛha Sanegbaa lɛ aloo ekɛ ekroko aaatsu nii kɛ sɛɛnamɔ yɛ he akɛ eeefee nakai. Shi kɛji akɛ ootsɔse mɛi heei loo mɛi ni amɛdarako yɛ afii amli lɛ, ebaahi akɛ okɛ ohe aaakpɛtɛ Saneyitso Kɛha Sanegbaa ni atsɔɔ lɛ nɔŋŋ he.
4 Gbɛgbalɔi, kɛ agbɛnɛ mɛi fɛɛ ni tsuɔ nii kpitiokpitio yɛ shikpɔŋkukuji komɛi amli lɛ baana akɛ sɛɛnamɔ yɛ he akɛ aaatsake Saneyitso Kɛha Sanegbaa lɛ mli bɔni afee ni ekafee wiemɔ kometoo ni akɛmiiha yɛ bei fɛɛ mli. Shihilɛi komɛi baaba ni eeeha sɛɛnamɔ aba he akɛ aaatsake Saneyitso Kɛha Sanegbaa ni akɛhaa lɛ mli kɛ esa nakai.
JƐƐHEI Nl ANAA SHIƐMƆ WIEMƆI KƐJƐƆ
5 Kɛ wɔnuɔ he akɛ ehe miihia ni wɔtsake Saneyitso Kɛha Sanegbaa lɛ mli lɛ, nɛgbɛ ji he ni wɔbaana susumɔi krokomɛi ni wɔkɛbaatsu nii lɛ kɛjɛ? Tsutsu Wɔ Maŋtsɛyeli Sɔɔmɔ lɛ he baanyɛ aba sɛɛnamɔ. Wolo ni okɛtsuɔ nii lɛ hu baanyɛ afee jɛɛhe ko ni ooonyɛ ojɛ mli ona saneyitso kɛha sanegbaa. Halamɔ mfoniri ko, ŋmalɛ ko aloo wolo lɛ mli yitso ko ni okɛfee shiɛmɔ wiemɔ kuku ni okɛtee akɔnɔ shi. Bɔɔ mɔdɛŋ ni okɛ wolo lɛ awo mɔ ni sumɔɔ ni ekane lɛ dɛŋ koni lɛ diɛŋtsɛ ekwɛ mli. Eeefeo naakpɛɛ akɛ ooona bɔ ni ewaaa kwraa akɛ okɛ wolo aaaha yɛ nɛkɛ gbɛ nɔ lɛ. Yɛ sɛɛ mli lɛ, yɛ be mli ni ofeɔ sɛɛsaramɔ lɛ, nyɛbaanyɛ nyɛbote nibii amli vii fe nakai. No hewɔ lɛ ha shishijee shiɛmɔ wiemɔ lɛ afee kuku kwraa.
6 Esa akɛ wɔ fɛɛ wɔya nɔ wɔbi Yehowa koni eha wɔ “mɛi ni atsɔɔ amɛ nii lɛ alilɛi” koni wɔle bɔ ni wɔɔfee ni wɔtsɔɔ mɛi ni wɔkɛ amɛ kpeɔ yɛ wɔshikpɔŋkukuji lɛ amli lɛ anii. (Yes. 50:4, New World Translation) Eji nɔ ni wɔshweɔ diɛŋtsɛ akɛ wɔkɛ Saneyitso Kɛha Sanegbaa lɛ aaatsu nii yɛ gbɛ ni mɔɔ shi nɔ. Oshara eba wala he.—1 Tim. 4:16.