Nyɛfea Krɔŋkrɔŋ Yɛ Nyɛjeŋba Fɛɛ Mli
1 Taakɛ eji yɛ blema lɛ, krɔŋkrɔŋfeemɔ ji ŋwɛi taomɔ nii kɛha Nyɔŋmɔ tsuji ŋmɛnɛ hu. No hewɔ lɛ jeee akɛ hiamɔ akɛ wɔnu nɔ ni krɔŋkrɔŋ-feemɔ ji lɛ shishi faŋŋ lɛ yɛ ni ehe nɔnyɛɛ ka wɔnɔ kɛkɛ, shi agbɛnɛ bɔ ni kɛ nɔ hewɔ ni esa akɛ eje kpo yɛ wɔjamɔ ni wɔkɛhaa Yehowa lɛ mli lɛ hu yɛ. Yɛ enɛ hewɔ lɛ,saneyitso kɛha kpee krɛdɛɛ gbi he gbɛjianɔtoo kɛha 1991 sɔɔmɔ eji lɛ ji “Nyɛfea Krɔŋkrɔŋ yɛ Nyɛjeŋba Fɛɛ Mli.”—1 Pet. 1:15.
2 Akɛni Yehowa jalɛ shishitoo taomɔ nii kɛ mlai jɛ lɛ akɛ Nyɔŋmɔ ni yɔɔ Krɔŋkrɔŋ lɛ hewɔ lɛ, jalɛ shidaamɔ ni wɔnaa mli ŋɔɔmɔ lɛ jɛ bɔ ni wɔkɛ lɛ bɔɔ kpaakpa lɛ hewɔ. No hewɔ lɛ wiemɔi ahe gbɛjianɔtoo lɛ kɛ gbɛi sɔrɔtoi ni batsɔɔ bɔ ni wɔɔfee ni wɔha wekukpaa ni kɛ wɔkɛ lɛ teŋ lɛ aya hiɛ lɛ baaha. Enɛɛmɛi kɔɔ toiboo ni wɔfee wɔha tɛi ni efolɔ eshwie shi ni yɔɔ krɔŋkrɔŋ lɛ ahe, yɛ nɔ ni wɔɔsusu akɛ amɛji nibii bibii po lɛ amli. (Luka 16:10) Abaaye abua wɔ ni wɔna hiɛsɔɔ ni mli kwɔ wɔha Yehowa taomɔ nii krɔŋkrɔŋi lɛ ni abaakai wɔ yɛ nɔ hewɔ ni esa akɛ enɛɛmɛi ana hewalɛ yɛ wɔsusumɔi, subaŋi kɛ gbɛi fɛɛ nɔ lɛ ahe.
3 Wiemɔi titrii enyɔ ni ebaatsɔɔ mli lɛ ji “Ohe Shi ni Oooba Oha Hetsuumɔ ni Yaa Hiɛ” kɛ “Yehowa Webii ni Yɔɔ Krɔŋkrɔŋ lɛ Anitsumɔi ni Ooolɛɛ Mli.” Yɛ be mli ni nibii ni yaa nɔ yɛ je lɛ mli ni helɛɔ wɔ shi daa gbi lɛ haa bɔ ni wɔ bei nɛɛ he hiaa ha lɛ kaa wɔjwɛŋmɔi amli lɛ, kpee krɛdɛɛ gbi he gbɛjianɔtoo kɛha sɔɔmɔ afi hee Iɛ baakanya wɔ ni wɔyɛ nɔ wɔkɛ wɔhiɛ efɔ Yehowa nɔ kɛha gbɛtsɔɔmɔ ni wɔtao akɛ wɔɔsa ehiɛ jogbaŋŋ kɛtsɔ wɔjeŋ ni wɔɔba yɛ krɔŋkrɔŋ-feemɔ mli Iɛ nɔ.—1. Pet.1:14,16.