Okɛ Reasoning Wolo Lɛ Atsu Nii Yɛ Sɛɛsaramɔ Mli
1 Bɔfo Paulo kɛɛ: “Mi lɛ, mitɛo; Apolo shwie nɔ nu.” (1 Kor. 3:6) Nɛkɛ wiemɔi kpawo nɛɛ kɛ gbɛtsɔɔmɔ kuku haa kɛha nifeemɔi enyɔ ni he hiaa kɛha kaselɔi afeemɔ lɛ. Afɔɔ sɛɛsaramɔ nitsumɔ lɛ tsɛmɔ akɛ “enɔ nu shwiemɔ” nitsumɔ. Eji tsakpaa ko ni he hiaa waa yɛ klɛŋklɛŋ saramɔ lɛ kɛ gbɔmɔ lɛ ni aaatsɔ kaselɔ ni abaptisi lɛ lɛ teŋ. Sɛɛsaramɔ nitsumɔ lɛ haa ‘wɔgbɛɔ nilee wɔshwaa,’ koni alɛ dumɔwu ni tamɔ miishɛɛ ni ajie lɛ kpo lɛ kɛyashi be mli ni eeena shishifa ni wɔje Biblia kasemɔ shishi.—Abɛi 15:7.
2 Ekolɛ mɛi komɛi baashashao shi akɛ amɛaaya mɛi ni jie miishɛɛ kpo lɛ aŋɔɔ ejaakɛ amɛleee nɔ ni amɛaakɛɛ. Wɔ wolo ni ji Reasoning From the Scriptures lɛ efee nɔ ni sɛɛnamɔ yɔɔ he babaoo yɛ nɔ nushwiemɔ nɛɛ mli. Bɔ ni ebaa lɛ po ji akɛ, dani shiatsɛ lɛ aaakpɛlɛ daa Biblia kasemɔ he gbɛjianɔtoo nɔ lɛ, no mli lɛ atee eŋɔɔ yɛ be fioo ko mli. Reasoning wolo lɛ kɛ Ŋmalɛ mli saji otii ni abaanyɛ akɛ shiatsɛ lɛ awie he haa. Saamɔ ohe jogbaŋŋ kɛha sɛɛsaramɔ lɛ, koni okɛ ŋaawoo ni nyiɛ sɛɛ nɛɛ ateŋ ekome lóo pii atsu nii.
3 Kɛ okɛ April 15, 1992 “Buu-Mɔɔ” ni kɔɔ sɔlemɔ he lɛ eho ha lɛ, kɛ oku osɛɛ lɛ obaanyɛ obi sane ni tamɔ nɛkɛ:
“Mɛni baaha mɔ ko sɔlemɔ afee nɔ ni Nyɔŋmɔ ekpɛlɛɛɛ nɔ?” Beni oha shiatsɛ lɛ be koni eha hetoo lɛ, kɔ o-Reasoning wolo lɛ ni ogbele baafa 293. Okɛ lɛ asusu ŋmalɛi ni yɔɔ saneyitso lɛ shishi lɛ ekomɛi ahe, ni owo lɛ hewalɛ ni ekane kɛjɛ wolo lɛ mli tɛɛ. Okɛ hekɛnɔfɔɔ akɛɛ lɛ ni eshɛ eko.
4 Beni otee sɛɛsarmɔ kroko, ni obi shiatsɛ lɛ bɔ ni enuɔ Nyɔŋmɔ Maŋtsɛyeli ni awie he yɛ Nuŋtsɔ lɛ Sɔlemɔ lɛ mli lɛ shishi ehaa lɛ, gbelemɔ baafai 226-32. Kɛ be yɛ lɛ, okɛ lɛ agba ŋmalɛi ni yɔɔ ‘Ani Nyɔŋmɔ Maŋtsɛyeli lɛ ji Nɔyeli Diɛŋtsɛ?’ kɛ ‘Mɛni Nyɔŋmɔ Maŋtsɛyeli lɛ Baatsu’ lɛ shishi lɛ he sane. Ha jwɛŋmɔ ni ahiɛ ni ejaaa akɛ Maŋtsɛyeli lɛ yɛ mɔ ko tsui mli lɛ mli afee faŋŋ aha lɛ. Maŋtsɛyeli lɛ ji nɔyeli diɛŋtsɛ! Ni eeewie saji lɛ fɛɛ he yɛ shitamɔ kome mli lɛ, esa akɛ otee sanebimɔi komɛi ni nyɛbaasusu he yɛ sɛɛ mli lɛ ashi.
5 Kɛ oyɛ March woji tɛtrɛbii lɛ eko lɛ, obaanyɛ ni okɛtsu nii. Be ni akɛkala lɛ kɔɔɔ he eko, ejaakɛ emli saji lɛ pii yɛ ehee be fɛɛ be. Shiatsɛmɛi baanya sane ni ji ‘Shika Helɛtemɔ Mli Naagbai—Mɛɛ Be Ebaaba Naagbee?’ ni yɔɔ March 22, 1992 Awake! wolo tɛtrɛɛ lɛ baafa 13 lɛ he. Obaanyɛ obi akɛ:
“Ani be baashɛ ni gbɔmɛi gbaŋ amɛhe naa yɛ shika helɛtemɔ mli naagbai ahe dɔŋŋ? Mɛni ji Nyɔŋmɔ jwɛŋmɔ yɛ nɛkɛ sane nɛɛ he?” Wo lɛ hewalɛ ni ekane hetoo lɛ kɛjɛ wolo tɛtrɛɛ lɛ mli, ni oto gbɛjianɔ ni oku osɛɛ okɛ saji krokomɛi ni anaa yɛ Reasoning wolo lɛ baafa 229 yɛ yitso bibioo ni ji enyɔ lɛ shishi lɛ, kɛ baafa 232 yɛ klɛŋklɛŋ yitso bibioo lɛ shishi lɛ abafata he.
6 Kɛ shishijee sanegbaa lɛ kɔɔ shikpɔŋ lɛ wɔsɛɛ be he lɛ, obaanyɛ obi akɛ:
“Ani Nyɔŋmɔ baaŋmɛ adesai agbɛ ni amɛfite shikpɔŋ lɛ yɛ gbɛ ko nɔ?” Kɛkɛ lɛ gbelemɔ Reasoning wolo lɛ baafa 44-5 ni okɛ lɛ asusu Ŋmalɛ naa hetoo lɛ he. Aloo shiatsɛ lɛ baanyɛ abi akɛ: “Kɛji akɛ atee gbɔmɛi akpekpei toi akpekpei abɔ shi kɛjɛ gbohii ateŋ lɛ, nɛgbɛ amɛbaahi?” Abaana hetoo lɛ yɛ Reasoning wolo lɛ mli, yɛ baafa 340.
7 Kaaloo anɔkwale lɛ fɛɛ oshwie shiatsɛ lɛ nɔ yɛ be kome mli. Shi sanebimɔi komɛi ni abaaha hetoo yɛ wɔsɛɛ be saramɔi amli. Akɛ Nyɔŋmɔ nanemɛi nitsulɔi lɛ, wɔmiisumɔ ni wɔkɛ hesaa atsu nidumɔ kɛ enɔ nushwiemɔ lɛ he nii kɛtsɔ Reasoning wolo lɛ ni wɔkɛaatsu nii yɛ gbɛ ni mɔɔ shi jogbaŋŋ nɔ lɛ nɔ. Wɔbaanyɛ wɔna nɔmimaa akɛ Nyɔŋmɔ baaha eshwere.