Teokrase Lɛ He Saji

◼ Armenia: December shiɛmɔyaa he akɔntaabuu lɛ tsɔɔ akɛ kɛ aja mli lɛ shiɛlɔi 4,741 lɛ ateŋ mɔ fɛɛ mɔ kɛ ŋmɛlɛtswai 16 tsu nii yɛ sɔɔmɔ nitsumɔ lɛ mli. Nɛkɛ shiɛlɔi ayifalɛ hee ni fe fɛɛ nɛɛ ji oha mlijaa 17 nɔyaa ni fa fe nyɛsɛɛ afi lɛ nɔ̃ lɛ mlijaa.

◼ Chile: Akpɛlɛ ŋmɛlɛtswai heei kɛha gbɛgbalɔi lɛ nɔ kɛ miishɛɛ, taakɛ daa gbɛgbalɔi ni amɛyifalɛ ni fe fɛɛ ni ji 4,351 ni bu amɛshiɛmɔ nitsumɔ he akɔntaa yɛ January lɛ yeɔ he odase lɛ. Kɛfata he lɛ, mɛi 5,175 bu amɛshiɛmɔ nitsumɔ lɛ he akɔntaa akɛ gbɛgbalɔi awalɔi, no ji yibɔ ni fe fɛɛ kɛha sɔɔmɔ afi nɛɛ.

◼ Ukraine: Yɛ shiɛlɔi 100,129 ni bu amɛshiɛmɔ nitsumɔ lɛ he akɔntaa yɛ January lɛ agbɛfaŋ lɛ, oha mlijaa 12 ji mɛi ni yɔɔ be-fɛɛ sɔɔmɔ lɛ eko mli. Ukraine na daa gbɛgbalɔi 5,516—ni ji yifalɛ ni fe fɛɛ ni gbe yi fee 27—kɛ shiɛlɔi 6,468 ni bu amɛshiɛmɔ nitsumɔ lɛ he akɔntaa akɛ gbɛgbalɔi awalɔi.