Kwɛmɔ Hewalɛ ni Biblia lɛ Yɔɔ!

Yɛ mɛɛ gbɛ nɔ? Kɛtsɔ vidio ni ji The Bible—Its Power in Your Life lɛ kwɛmɔ nɔ. No ji vidio kasɛtii ni tsara nɔ, ní yitso ji The Bible—A Book of Fact and Prophecy kpo ni ji etɛ lɛ.

Ani ootao gbalashihilɛ ni yeɔ omanye? Ani yelikɛbuamɔ he miihia koni otsɔ bei ni mli wawai amli? Yɛ mɛɛ gbɛ nɔ oblahii kɛ oblayei bibii baadara kɛtsɔmɔ onukpai ni tsuɔ gbɛnaa nii ahe nii? Biblia lɛ baanyɛ aye abua, taakɛ vidio nɛɛ tsɔɔ lɛ. Bó mɛi ni gbaa bɔ ni Biblia lɛ ená amɛshihilɛi anɔ hewalɛ kpakpa lɛ toi lɛ. Bó amɛ toi beni amɛtsɔɔ bɔ ni eshishitoo mlai lɛ eye ebua amɛ ní eyeɔ ebuaa koni amɛdamɔ ŋmɛnɛŋmɛnɛ shihilɛ mli naagbai anaa lɛ.

Nɛkɛ vidio nɛɛ ji dɛŋdade ni he yɔɔ sɛɛnamɔ, ní akɛaaye abua mɛi heei ni yɔɔ wiemɔ lɛ he miishɛɛ lɛ koni amɛle bɔ ni Nyɔŋmɔ Wiemɔ lɛ ni amɛkɛaatsu nii akɛ gbɛtsɔɔmɔ ni yɔɔ amɛshihilɛ mli lɛ he baa sɛɛnamɔ. Asafo lɛ yɛ The Bible—Its Power in Your Life lɛ eko. Obaanyɛ obi eko kɛtsɔ sɔɔlɔ ni kwɛɔ woji anɔ yɛ asafo lɛ mli lɛ nɔ.