Kaimɔ lɛ Yeli He Kaimɔi

Abaaye afi nɛɛ Kaimɔ lɛ he gbi jurɔ lɛ Hɔgbaa, April 8. Esa akɛ onukpai lɛ asusu saji ni nyiɛ sɛɛ nɛɛ ahe jogbaŋŋ:

◼ Kɛ́ nyɛmiito be he gbɛjianɔ kɛha kpee lɛ, nyɛkwɛa koni akɛ okadi nibii lɛ akaha mɛi lɛ, ja hulu enyɔ shi dã.

◼ Esa akɛ aha mɔ fɛɛ mɔ, ní wielɔ lɛ fata he lɛ ale be pɔtɛɛ kɛ he ni abaaye yɛ.

◼ Esa akɛ aná aboloo kɛ wein ní sa, ní aha efee klalo.—Kwɛmɔ February 15, 1985 Watchtower lɛ baafa 19.

◼ Esa akɛ akɛ plɛtei, glasei kɛ okpɔlɔ kɛ enɔhaa nɔ kpakpa aba asa lɛ nɔ ní akɛma shi yɛ he ko ni sa kɛtsɔ hiɛ.

◼ Esa akɛ asaa Maŋtsɛyeli Asa lɛ nɔ loo he kroko ni abaakpe yɛ lɛ fɛɛ fɛfɛo kɛtsɔ hiɛ.

◼ Esa akɛ ahala mɛi ni baakwɛ shitaramɔ nɔ kɛ mɛi ni kɛ okadi nibii lɛ baaha lɛ kɛtsɔ hiɛ, ni atsɔɔ amɛ amɛnitsumɔi kɛ gbɛ ni amɛaatsɔ nɔ amɛtsu lɛ jogbaŋŋ.

◼ Esa akɛ ato gbɛjianɔ koni akɛ okadi nibii lɛ eko ayaha mɔ fɛɛ mɔ ni afɔ lɛ mu ni bɛ gbɔmɔtsoŋ hewalɛ ni enyɛɛɛ eba kaimɔ lɛ shishi lɛ.

◼ Kɛ ato gbɛjianɔ koni nɔ ni fe asafo kome afee yɛ Maŋtsɛyeli Asa kome lɛ nɔŋŋ mli lɛ, no lɛ esa akɛ ekomefeemɔ kpakpa akã asafoi lɛ fɛɛ ateŋ bɔni afee ni akafa tsɔ yɛ he ni atsɔɔ kɛhoɔ, he ni atsɔɔ kɛbaa jɛmɛ, nyiɛmɔhei, kɛ he ni akɛ tsɔnei mamɔɔ lɛ.