Tsi Obɛŋkɛ Yehowa Wolo lɛ He Shiɛmɔ Wiemɔi ni Akɛha

◼ Beni ohiɛ Biblia lɛ yɛ odɛŋ lɛ, kɛɛmɔ akɛ: “Mɛi babaoo ni heɔ Nyɔŋmɔ nɔ amɛyeɔ lɛ baasumɔ koni amɛnu he akɛ amɛbɛŋkɛ lɛ kpaakpa. Ani ole akɛ Nyɔŋmɔ fɔ̃ɔ wɔ nine koni wɔtsi wɔbɛŋkɛ lɛ? [Kanemɔ Yakobo 4:8.] Ato wolo nɛɛ he gbɛjianɔ ni eye ebua mɛi koni amɛkɛ amɛ diɛŋtsɛ amɛ Biblia lɛ atsu nii ni amɛtsi amɛbɛŋkɛ Nyɔŋmɔ.” Kanemɔ kuku 1 ni yɔɔ baafa 16 lɛ.

◼ Beni ohiɛ Biblia lɛ yɛ odɛŋ lɛ, kɛɛmɔ akɛ: “Jalɛsane ni ayeee efa babaoo ŋmɛnɛ. Etamɔ bɔ ni atsɔɔ mli yɛ biɛ lɛ pɛpɛɛpɛ. [Kanemɔ Jajelɔ 8:9b.] Mɛi pii ayiŋ feɔ amɛ kɔshikɔshi kɛji Nyɔŋmɔ susuɔ wɔhe kwraa po. [Kanemɔ klɛŋklɛŋ saji enyɔ ni yɔɔ kuku 4 yɛ baafa 119 lɛ.] Nɛkɛ yitso nɛɛ tsɔɔ nɔ hewɔ ni Nyɔŋmɔ eŋmɛ jalɛsane ni ayeee gbɛ kɛyashi be ko lɛ mli.”