Ofainɛ Yaasara Amɛ Oyá Nɔŋŋ

Namɛi oyaasara lɛ? Mɛi ni biɔ ni abaha amɛ woji loo akɛ woji tɛtrɛbii lɛ yahaa amɛ daa loo mɛi ni baasumɔ ni Odasefonyo ko abasara amɛ yɛ amɛshia lɛ. Nɛgbɛ nibimɔi nɛɛ jɛɔ? Amɛjɛɔ aŋkroaŋkroi ni kɛ nitsumɔhe nine lɛ sharaa kɛtsɔ woloŋmaa loo tɛlifoŋ nɔ loo kɛtsɔ wɔ Internet saji ataomɔhe lɛ nɔ lɛ aŋɔɔ. Kɛ́ ajie miishɛɛ ni tamɔ nɛkɛ kpo lɛ, nitsumɔhe nine lɛ haa asafo ni yɔɔ jɛmɛ lɛ leɔ enɛ kɛtsɔ S-70 wolo ni hiɛ saneyitso akɛ “Please Arrange for a Qualified Publisher to Call on This Person” (Nyɛfainɛ Nyɛtoa Gbɛjianɔ Koni Shiɛlɔ ko ni He Esa Ayasara Nɛkɛ Gbɔmɔ Nɛɛ) lɛ nɔ. Kɛji akɛ onukpai lɛ anine shɛ S-70 wolo lɛ nɔ lɛ, esa akɛ amɛkɛha shiɛlɔ ko amrɔ nɔŋŋ, ni ekɛ hiɛdɔɔ ayatsu miishɛɛ ni ajie lɛ kpo lɛ he nii. Kɛji akɛ ewa kɛha shiɛlɔ lɛ akɛ ebaana mɔ lɛ yɛ shia lɛ, ebaanyɛ ebɔ mɔdɛŋ koni ekɛ lɛ awie yɛ tɛlifoŋ nɔ loo ni ejɛ nilee mli eshi wolo bibioo ko ni eŋma nɔ nii. Kɛji abi ni otsu saramɔ ni tamɔ nɛkɛ he nii lɛ, ofainɛ bɔɔ mɔdɛŋ fɛɛ ni ooonyɛ koni onine ashɛ mɔ ni yɔɔ wiemɔ lɛ he miishɛɛ lɛ nɔ oyá nɔŋŋ.