Nɔ ni Esa akɛ Owie yɛ Woji Tɛtrɛbii lɛ Ahe

Buu-Mɔɔ Dec. 1

“Ŋmɛnɛ, hemɔkɛyeli ni mɛi komɛi yɔɔ yɛ Nyɔŋmɔ mli lɛ miitã. Yiŋtoo kome hewɔ ji akɛ, amɛnáaa hetooi ni haa mɔ tsui nyɔɔ emli amɛha sanebimɔi ni haoɔ mɔ tamɔ enɛɛmɛi. [Okɛ nɔkwɛmɔnɔ ko ni jɛ akrabatsa ni yɔɔ baafa 6 lɛ mli lɛ aha.] Buu-Mɔɔ nɛɛ wieɔ gbɛ titri ko ni atsɔɔ nɔ atswaa anɔkwa hemɔkɛyeli yɛ Nyɔŋmɔ mli amaa shi lɛ he.” Kanemɔ Filipibii 1:9 lɛ.

Awake! Dec. 8

“Ani osusuɔ akɛ be ko baashɛ ni adesai baaná shihilɛi ni atsɔɔ mli yɛ biɛ lɛ mli ŋɔɔmɔ? [Kanemɔ Yesaia 14:7. No sɛɛ lɛ ŋmɛɛ lɛ gbɛ ni eha hetoo.] Saji ni anyɛɔ atsuɔ he nii ni baanyɛ aye abua wɔ yɛ be mli ni wɔyaa nɔ wɔmɛɔ Nyɔŋmɔ shiwoi lɛ amlibaa lɛ yɛ nɛkɛ wolo tɛtrɛɛ nɛɛ mli.” Okɛ sane ni ji “How Can You Resist Wrong Desires?” (Mɛɛ Gbɛ nɔ Obaatsɔ Okpee Akɔnɔi Gbohii Anaa?) lɛ atsu nii.

Buu-Mɔɔ Dec. 15

“Yɛ nɛkɛ be nɛɛ mli yɛ afi lɛ mli lɛ, mɛi babaoo susuɔ Yesu fɔmɔ lɛ he. Ani osusu nɔ̃ weku ni eda yɛ mli lɛ he pɛŋ? [Ŋmɛɛ gbɛ ni eha hetoo. No sɛɛ lɛ kanemɔ Luka 2:51, 52.] Buu-Mɔɔ nɛɛ wieɔ nikasemɔi ni anyɛɔ atsuɔ he nii ni wɔbaanyɛ wɔkase kɛjɛ Biblia mli sane ni aŋma afɔ̃ shi ni kɔɔ Yesu tsɔsemɔ he lɛ mli lɛ he.”

Awake! Dec. 22

“Wɔ fɛɛ wɔsumɔɔ ni wɔna wɔbii lɛ ni amɛmiiná shihilɛ ni miishɛɛ yɔɔ mli ni yeɔ omanye mli ŋɔɔmɔ. Mɛni osusuɔ akɛ ehe hiaa gbekɛbii fe fɛɛ koni amɛnyɛ amɛdamɔ ŋmɛnɛŋmɛnɛ jeŋ ni nɔnyɛɛ yɔɔ mli nɛɛ naa? [Ŋmɛɛ gbɛ ni eha hetoo. No sɛɛ lɛ kanemɔ Abɛi 22:6.] Awake! nɛɛ wieɔ nɔ ni he hiaa gbekɛbii kɛ bɔ ni fɔlɔi aaafee ni amɛkɛ nɛkɛ nibii nɛɛ ahã amɛ lɛ he.”