Ná No Blood—Medicine Meets the Challenge Vidio lɛ He Sɛɛ

Mɛni ole yɛ tsofafeemɔi srɔtoi ni akɛ lá tsuuu nii yɛ mli, ni obaanyɛ ohala eko lɛ he? Ani onuɔ nibii komɛi ni akɛyeɔ lá ni agbalaa awoɔ mɔ mli lɛ najiaŋ, kɛ bɔ ni amɛtsuɔ nii amɛhaa lɛ shishi? Kwɛmɔ vidio nɛɛ, koni okɛ sanebimɔi ni nyiɛ sɛɛ nɛɛ aka onilee okwɛ.—Kadimɔ: Akɛni opireshɛn feemɔ he mfonirii fioo ko fata vidio nɛɛ he hewɔ lɛ, esa akɛ fɔlɔi kɛ hiɛshikamɔ atsu nii, ni amɛkpɛ amɛyiŋ kɛji akɛ amɛbii bibii lɛ akwɛ loo amɛkakwɛ.

(1) Mɛni ji yiŋtoo titri hewɔ ni Yehowa Odasefoi kpooɔ lá ni agbalaa awoɔ mɔ mli lɛ, ni nɛgbɛ anaa nakai shishitoo mla lɛ yɛ Biblia lɛ mli? (2) Mɛni ji wɔshwelɛ yɛ tsofafeemɔ gbɛfaŋ? (3) Mɛɛ hegbɛ titri helatsɛmɛi yɔɔ? (4) Mɛni hewɔ jwɛŋmɔ kɛ nilee yɔɔ mli akɛ akpoo lá ni agbalaa awoɔ mɔ mli lɛ? (5) Kɛji lá ho mɔ ko babaoo lɛ, mɛɛ nibii enyɔ ni he hiaa titri datrɛfoi yɔɔ ni amɛbaafee? (6) Mɛɛ gbɔmɔtsoŋ hewalɛnamɔ mli osharai yɔɔ lá ni agbalaa awoɔ mɔ mli lɛ he? (7) Mɛni ji nitsumɔ dadei komɛi ni opireshɛnfeelɔi yɔɔ ni amɛbaanyɛ amɛkɛba láhoo babaoo shi be ni amɛfeɔ opireshɛn lɛ? (8) Mɛni esa akɛ obi ni akɛɛ bo yɛ nibii ni akɛyeɔ lá ni agbalaa awoɔ mɔ mli najiaŋ lɛ he? (9) Ani abaanyɛ afee opireshɛn ni mli wa ni yɔɔ hwanyaŋŋ ni ahaaa lá? (10) Mɛni ji nɔ ni tsofafeelɔi babaoo sumɔɔ ni amɛfee amɛha Yehowa Odasefoi, ni mɛni ji nɔ ni ekolɛ yɛ naagbee lɛ ebaanyɛ ebatsɔ gbɛ ni atsɔɔ nɔ akwɛɔ helatsɛmɛi?

Tsofafeemɔ gbɛ̀i ni akɛtsu nii yɛ vidio lɛ mli lɛ eko nɔ ni mɔ aaakpɛlɛ damɔ mɔ aŋkro lɛ yiŋ ni ejɛ henilee mli ekpɛ lɛ nɔ.—Kwɛmɔ June 15 2004, Buu-Mɔɔ bf. 22-24, 29-31 kɛ October 15, 2000, Buu-Mɔɔ bf. 30-31.