Kaimɔ lɛ Yeli He Kaimɔi

Abaaye afi nɛɛ Kaimɔ lɛ he gbi jurɔ lɛ Shɔ, April 12. Esa akɛ onukpai lɛ asusu saji ni nyiɛ sɛɛ nɛɛ ahe jogbaŋŋ.

◼ Kɛ́ nyɛmiito be he gbɛjianɔ kɛha kpee lɛ, nyɛkwɛa jogbaŋŋ ni akɛ okadi nibii lɛ akaha, ja hulu enyɔ shi dã.

◼ Esa akɛ aha mɔ fɛɛ mɔ, ní wielɔ lɛ fata he lɛ ale be pɔtɛɛ kɛ he ni abaaye yɛ lɛ.

◼ Esa akɛ aná aboloo kɛ wein ní sa, ní aha efee klalo.—Kwɛmɔ February 15, 2003 Buu-Mɔɔ lɛ baafa 14-15.

◼ Esa ákɛ akɛ plɛtei, glasei kɛ okpɔlɔ ni sa kɛ enɔhaanɔ kpakpa aba asa lɛ nɔ ní áto amamɔ shi kɛtsɔ hiɛ. Esaaa ákɛ akɛ nɔ ko hàa okadi nibii lɛ anɔ beni ahaa wiemɔ lɛ.

◼ Esa akɛ onukpai lɛ atĩ March 2004 Wɔ Maŋtsɛyeli Sɔɔmɔ lɛ baafa 3, kuku 3 kɛyashi 5 lɛ mli kɛ́ aasaa Maŋtsɛyeli Asa lɛ aloo he kroko ni abaakpe yɛ lɛ bɔni afee ni jɛmɛ afee he ko ni sa ni bɛ haŋtsii. Esa akɛ atsɔ hiɛ aha jɛmɛ atse keŋkeŋ.

◼ Esa akɛ atsɔ hiɛ ahala mɛi ni baakwɛ shitaramɔ nɔ kɛ mɛi ni kɛ okadi nibii lɛ baaha lɛ koni atsɔɔ amɛ amɛnitsumɔi, nifeemɔ gbɛ ni sa ni esa akɛ amɛnyiɛ sɛɛ, kɛ bɔ ni ehe hiaa ni ahiɛ hesaamɔ kɛ atadewoo ni he tse mli.

◼ Esa akɛ ato gbɛjianɔ koni akɛ okadi nibii lɛ eko ayaha mɔ fɛɛ mɔ ni afɔ lɛ mu ni bɛ gbɔmɔtsoŋ hewalɛ ni nyɛɛɛ aba kaimɔ lɛ shishi lɛ.

◼ Kɛ́ áto gbɛjianɔ koni asafoi ni fa fe ekome kɛ Maŋtsɛyeli Asa kome too lɛ nɔŋŋ atsu nii lɛ, no lɛ esaaa akɛ asafo ni kpeɔ klɛŋklɛŋ lɛ haa amɛnifeemɔ lɛ sɛɛ tsɛɔ fe be ní ato lɛ. Esa akɛ ekomefeemɔ ni sa akã asafoi lɛ ateŋ bɔni afee ni akafa babaoo kɛtsi gbɛ bɔ ni esaaa yɛ he ni atsɔɔ kɛhoɔ aloo agbó ni atsɔɔ mli kɛbaa lɛ naa, nyiɛmɔhei, kɛ tsɔnei amaamɔhe lɛ.