Nɔ ni Esa akɛ Owie yɛ Woji Tɛtrɛbii lɛ Ahe

Buu-Mɔɔ Nov. 1

“Ŋmɛnɛ, mɛi hiɛ susumɔi srɔtoisrɔtoi yɛ bii atsɔsemɔ he. Ani osusuɔ akɛ he ko yɛ ni fɔlɔi baanyɛ aná ŋaawoo kpakpa kɛjɛ? [Ŋmɛɛ gbɛ ni eha hetoo. No sɛɛ lɛ, kanemɔ Lala 32:8.] Wolo tɛtrɛɛ nɛɛ wieɔ gbɛtsɔɔmɔi kpakpai ni Biblia lɛ kɛhaa yɛ bii atsɔsemɔ he lɛ ahe.”

Awake! Nov.

“Kɛ́ Nyɔŋmɔ yɛ suɔmɔ, eyeɔ jalɛ sane, ni eyɛ hewalɛ hu lɛ, belɛ mɛni hewɔ mɛi kɛ amanehulu babaoo kpeɔ nakai lɛ? [Ŋmɛɛ gbɛ ni eha hetoo.] Kwɛmɔ nɔ ni Biblia lɛ wieɔ yɛ nɔ hewɔ ni mɛi naa amanehulu lɛ he. [Kanemɔ 1 Yohane 5:19.] Wolo tɛtrɛɛ nɛɛ jɛɔ Biblia lɛ mli ewieɔ gbɛjianɔ ni Nyɔŋmɔ eto koni efo amanehului asɛɛ lɛ he.”

Buu-Mɔɔ Nov. 15

“Akɛni juu-kɛfɔ̃ miiya nɔ babaoo yɛ je lɛŋ hewɔ lɛ, mɛi komɛi biɔ amɛhe akɛ: ‘Mɛni hewɔ kwraa esa akɛ mabɔ mɔdɛŋ akɛ mafee nɔ ni ja?’ Ani obi ohe sane ni tamɔ nakai pɛŋ? [Ŋmɛɛ gbɛ ni eha hetoo.] Susumɔ hewalɛwoo wiemɔi nɛɛ ahe okwɛ. [Kanemɔ Abɛi 2:21, 22.] Wolo tɛtrɛɛ nɛɛ tsɔɔ yiŋtoo titri hewɔ ni esa akɛ afee jalɛ nii lɛ mli.”

Awake! Nov.

“Mɛi komɛi nuɔ he akɛ Nyɔŋmɔ ji mɔ ni hɔ nibii fɛɛ ni baa lɛ sɛɛ. Kɛ́ oshara ko ba lɛ, amɛkɛɔ akɛ Nyɔŋmɔ le nɔ̃ hewɔ ni eha ebalɛ nakai. Mɛni ji bo hu osusumɔ? [Ŋmɛɛ gbɛ ni eha hetoo. No sɛɛ lɛ, kanemɔ Yakobo 1:13.] Wolo tɛtrɛɛ nɛɛ haa wɔleɔ nɔ ni Biblia lɛ kɛɔ yɛ nɔ̃ diɛŋtsɛ ni kɛ piŋmɔ baa lɛ he, ni asaŋ ehaa wɔleɔ nɔ ni Nyɔŋmɔ feɔ koni ekɛfo piŋmɔ sɛɛ.”