Nɔ ni Esa akɛ Owie yɛ Woji Tɛtrɛbii lɛ Ahe

Buu-Mɔɔ Sept. 1

“Mɛi pii susuɔ akɛ ‘Kpaŋmɔ Momo’ lɛ haa ale yinɔsaji ni he hiaa. Shi amɛyiŋ etɛɛɛ amɛ kɛji gbɛtsɔɔmɔi ni yɔɔ mli lɛ ahe yɛ sɛɛnamɔ ŋmɛnɛ. Te bo hu osusuɔ tɛŋŋ? [Ŋmɛɛ gbɛ ni eha hetoo. No sɛɛ lɛ kanemɔ Romabii 15:4.] Wolo tɛtrɛɛ nɛɛ tsɔɔ bɔ ni ‘Kpaŋmɔ Momo’ lɛ kɛ ŋaawoo ni he yɔɔ sɛɛnamɔ kɛha wɔdaa gbi shihilɛ haa, kɛ bɔ ni ekɛ hiɛnɔkamɔ kɛha wɔsɛɛ hu haa.”

Awake! Sept.

“Ani osusuɔ akɛ Nyɔŋmɔ ji mɔ ni haa adebɔɔ naa osharai baa? [Ŋmɛɛ gbɛ ni eha hetoo. No sɛɛ lɛ kanemɔ 5 Mose 32:4.] Wolo tɛtrɛɛ nɛɛ tsɔɔ nɔ hewɔ ni Nyɔŋmɔ ŋmɛɔ gbɛ ní adebɔɔ naa osharai baa lɛ mli. Etsɔɔ bɔ ni ooofee obaa oweku lɛ hu he.”

Buu-Mɔɔ Sept. 15

“Masumɔ male osusumɔ yɛ ŋmalɛ nɛɛ he. [Kanemɔ 5 Mose 32:4.] Ani osusu sane nɛɛ he dã akɛ, kɛji Nyɔŋmɔ ji mɔ yɔɔ hewalɛ ni fe fɛɛ ni eyeɔ jalɛsane hu lɛ, mɛni hewɔ ni je lɛ mli eyi obɔ kɛ piŋmɔ kɛ efɔŋfeemɔ babaoo lɛ? [Ŋmɛɛ gbɛ ni eha hetoo.] Wolo tɛtrɛɛ nɛɛ gbálaa nɔ hewɔ ni Nyɔŋmɔ eŋmɛ efɔŋfeemɔ gbɛ ni eya nɔ aahu kɛbashi wɔbe nɛɛ mli lɛ mli.”

Awake! Sept.

“Wɔteŋ mɛi pii shweɔ ni wɔná gbɔmɔtsoŋ hewalɛ kpakpa ní wɔwala sɛɛ atsɛ. Ani osusuɔ akɛ jwɛŋmɔ ni ja ni mɔ ko aaaná lɛ baanyɛ aha ená gbɔmɔtsoŋ hewalɛ kpakpa? [Ŋmɛɛ gbɛ ni eha hetoo. No sɛɛ lɛ kanemɔ Abɛi 17:22.] Sane nɛɛ tsɔɔ nɔ hewɔ ni ehe miihia ni aná jwɛŋmɔ ni ja.” Okɛ sane ni yɔɔ baafa 26 lɛ atsɔɔ lɛ.